Ekesodu 24:16 - ICIGHAN BIBILO

¹⁶ Iengem i TER lu sha uwo u Senai, ibeenegh kpaa cir u ayange ataratar; sha iyange i ataankarahar la, A yila Mose ken atô u ibeen.

Ekesodu 24:16 Iomraidhean Croise

Upasalmi 99:7

A ôr kwagh a ve ken ityôgh ki ibeenegh; ve lu wan mbampase Nav man kwaghwan u A we ve la iko.

Ekesodu 16:10

Tsô er Aron lu ôron kwagh a mkohol u ior i Mbaiserael cii ave la, ve gema ashe ken desereti; tsô, nenge, icivir i TER ande sha ibeen.

Ekesodu 19:11

man shi ve̱ kohol iyol er ayange atar a lu a kuma ga la, gadia sha iyange i sha utar la, TER Una sen sha uwo u Senai sha ashe a ior cii.

Ekesodu 19:9

Nahan TER kaa a Mose er: Nenge, M ngu van hen a we ken ibeenegh ki iligh sha shighe u Me ôron kwagh a we yô, ior ve̱ ungwa, ve̱ gema, ve̱ naan we jighjigh gbem. Mose ôr TER akaaôron a ior la.

Ekesodu 20:10

kpa iyange i ataankarahar la, ka iyange i memen i TER, Aôndo wou, je la; sha iyange ngila de ker ma tom ave ga, we, man shi wan wou u nomso, man shi wan wou u kwase, man shi or u shiren we tom, man shi kwase u eren we tom, man shi uzendenya ou, man shi shiror u nan nyer u a nyôr;

Ekesodu 24:17

M-ande u iengem i TER lu er usu u yeghen nahan sha ityough ki uwoogh sha ashe a Mbaiserael.

Yesaia 4:5

Sha tar u uwo u Shion cii kua sha ajiir a eren mbamkohol her la, TER Una er ibeenegh kia lu atetan kua mnyim, man iwanger i inyomborusu i yeghen tugh; gadia icivir la cii, kwaghcirin una lu sha mi.

Esekiel 1:28

Lu er mluashe u ikume ken ibeen sha iyange i ura u nee yô, kape mluashe u iengem i i kase i tser la, i lu la. Kape m-ande u mluashe u icivir i TER a lu la. Zum u m nenge a mi yô, m gba, m kuma ityough inya, man m ungwa imo i or, lu ôron kwagh.

Levitiku 9:23

Nahan Mose vea Aron ve nyôr ken tenti u kohol ker la, shi ve hide ve due, ve ver ior doo doo; tsô iengem i TER maa ande hen ior cii.

Levitiku 9:6

Tsô Mose kaa er: Ka kwagh u TER A kaa er ne̱ er man iengem i TER ia ande her a ven je ne.

Numeri 14:10

Kpa ior cii kaa er, i̱ ta ve awen; tsô iengem i TER ande hen Mbaiserael cii, ken tenti u kohol ker la.

Numeri 16:42

Tsô er ior kohol hingir ayôôso a Mose man Aron la yô, ve gema ashe ken vegher u tenti u kohol ker la, ibeenegh gema cir sha mi, iengem i TER kpaa ande ken igbar.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mpase U Yohane 1:10

M lu ken Jijingi sha iyange i Ter, tsô m ungwa zegeimo ken ijime yam er ka ikpamkor nahan,