Ekesodu 24:12 - ICIGHAN BIBILO

¹² Tsô TER kaa a Mose er: Unde va her a Mo sha uwo, lu sha mi; yô, Me na u ikpande i awen man atindiakaa kua akaawan a M nger sha u tesen ve a yô.

Ekesodu 24:12 Iomraidhean Croise

1 Utor 19:11

Tsô A kaa a na er: Due, tile sha uwo ne sha ishigh ki TER. Tsô nenge, TER va kar, zegeahumbe u taver za va, a pav uwo, hembe avande sha ishigh ki TER; kpa TER lu ken ahumbe ga; ahumbe la nga kar kera yô, tar tenger; kpa TER lu ken tartenger la ga;

Esera 7:10

Gadia Esera ver ishima na u timen sha atindi a TER, man u eren sha a, man shi u tesen Iserael akaawan kua ajiraôron kpaa.

Nehemia 9:13

Shi U sen sha uwo u Senai, U ôr kwagh a ve Sha, U na ve akaaôron a jirigh a jighilii, man atindiakaa a mimi man akaawan a dedoo kua atindi;

Nehemia 9:14

U pase ve icighaniyange i memen You man U wa ve atindi man akaawan kua atindiakaa sha ikev i wanakiriki Wou Mose;

Upasalmi 19:12

Mbamtsum yô, ka an nana fatyô u kaven ve? Nam ishô sha mbamtsum mba ken myer la.

Ekesodu 19:3

Tsô Mose unde za hen Aôndo; TER yila un sha uwo la, kaa er: Kaa ya u Yakob man ôr Mbaiserael wer:

Ekesodu 24:15

Nahan Mose unde sha uwo; tsô ibeenegh cir uwo la.

Ekesodu 24:18

Tsô Mose nyôr ken atô u ibeenegh kila, gba unden sha uwo. Mose tsa sha uwo ayange akunduahar man aime akunduahar.

Ekesodu 24:2

ka Mose tsegh a̱ kporom a TER ikua ikua ye; kpa ve yô, ve̱ de ve ikua ikua ga; ior kpaa ve̱ de undu a na imôngo ga.

Ekesodu 31:18

Tsô zum u A kure kwaghôron a Mose sha uwo u Senai yô, A na un ikpande i Shiada ihiar la, ka ikpande i awen i i nger i sha ihôwe u Aôndo yô.

Ekesodu 32:1

Zum u ior nenge er Mose tsa sha uwo, kera hungwa ga yum yô, ior va kohol hen Aron, ve kaa a na er: Mough, er se mbaaôndo mba vea hemen se yô; gadia Mose or u a dugh a vese ken tar u Igipiti ne yô, se fa kwagh u a za er un ga.

Ekesodu 34:1

Tsô TER kaa a Mose er: Er ikpande i awen ihiar, i̱ lu er i tsuaa la nahan; ikpande la, Me nger akaaôron sha mi a a lu sha ikpande i tsuaa i u hembe i la.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Mateu 5:19

Nahan yô, hanma or u nana sagh u môm ken atindiakaa a hemban ndahar ne man nana gema á tese ior nahan kpaa yô, á yila nan er or u hemban gban ijime cii sha tartor u Sha; kpa hanmô u nana eren sha mi, shi nana tesen nahan kpaa yô, á yila nan er or u vesen sha tartor u Sha.

2 Mbakorinte 3:3

Ne mba tesen gbar gbar er ne lu washika u Kristu, ka sha tom wase i nger un ye, ka sha inki ga kpa ka sha Jijingi u Aôndo u uma, ka sha ikpande i awen kpaa ga, kpa ka sha ikpande i inyam i nger un ye.

2 Mbakorinte 3:7

Aluer tom u u lu zan ken ku, u i nger asangeakaa sha iwen la, u hingir u engem je, ônov mba Iserael kera fatyô u kenger ishigh ki Mose ga sha ci u iengem i ishigh nagh i i lu i karen kera la yô,

Duteronomi 4:14

Hen shighe la, TER kaa a mo er, m̱ tese ne akaawan man atindi sha er né er sha a ken tar u ne lu zan sha u za ngohol u la.

Duteronomi 5:22

Akaaôron ne TER ôr mkohol u ior enev cii genger genger sha uwo, ken atô u usu man u ibeenegh man u angôghime, A seer ma kwagh gen sha mi ga. Shi A nger a sha ikpande i awen ihiar, A nam i.

Duteronomi 5:31

Kpa we yô, tile a Mo heen, Mo Me ôr u atindi cii man akaawan kua akaaôron a jirigh a ú za tese ve sha u ve̱ eren sha a ken tar u M lu nan ve Mer ve̱ ngohol u la.

Mbaheberu 9:4

lu a atse a zenaria a nanden kwaghhumandoon sha mi man shi areki u ikuryan, i cir un zenaria iyol cii. Ityegh ki sha zenaria ki ki lu a mana shimi lu ker, kua gbough ku Aron ku ku kpar la man shi ikpande i awen i ikuryan kpaa.