Ekesodu 23:8 - ICIGHAN BIBILO

⁸ Man shi de ngohol inyaregh ki yamen ishô a mi la ga; gadia inyaregh ki yamen ishô a mi la, ki pirin mba ve nenge la ashe, shi ki nzughul mbaperapera ijir kpaa.

Ekesodu 23:8 Iomraidhean Croise

Upasalmi 15:5

nan ne inyaregh kera sha ci u zuan a mtsera ganden ikaa inya ga, nan ngohol inyaregh ki yamen ishô sha u geman nan orishôôgh ibo ga. Or u nan eren akaa ne yô, nana tenger mayange ga.

Upasalmi 26:10

mba ifer i dang i lu ve sha ave, man uwegh vegh ku yanegh ku iv a inyaregh ki yamen ishô a mi la.

Anzaakaa 15:27

Or u nan ye mtsera u bo yô, ka nan nzughul a ya u nan, kpa or u nan vende inyaregh ki yamen ishô la yô, nana lu uma.

Anzaakaa 17:23

Iferor yô, ka nan ngohol inyaregh ki yamen ishô ken myer, sha u nana za vihi igbenda i ijirigh yô.

Anzaakaa 17:8

Iwua ngi er isha i tiaver ishe nahan ken ashe a or u nan lu a i la, hanpe ka nana gema cii, i kpe nan iyol.

Anzaakaa 19:4

Inyaregh ki seer a seer akar kpishi, kpa icanor yô, ka i pav nan a ikar u nan je.

Orpasenkwagh 7:7

Mimi je inyaregh ki ngohol sha apera ka ki gema orfankwagh nan hingir ibumeor, inyaregh ki yamen ishô ki vihin mkav kera.

Yesaia 1:13

Mayange shi de kera vaan nen a iniav sha lanshima ga; kwaghhumandoon kpaa kam kwagh u hôngorough je; uwer u he man iyange i memen, kua mlehe u sha mbamkohol kpaa— M kera fatyô u rumun iferkwagh a mkohol u iniongo imôngo ga.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Yesaia 5:22

Kwagh á tser mba ve taver ayol sha wain u man, man ve lu mbaageev sha u nungwan msôrom ma yuwan la;

Yesaia 5:23

mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Hosea 4:18

Zum u ka vea ma msôrom kera yô, ve gba eren idya; mbatarev vev kpaa kunya doo ve ishima tsung.

Amoshi 5:12

Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

1 Samuel 12:3

M ngun heen ne; pase nen ase kwagh wam nyian sha ishigh ki TER kua or Na u i shigh un mkurem la; ka an, m ngohol nan bua sha aperaa? Shi ka an je m ngohol nan jaki sha apera? Shi ka an je m kighir nan a icana? Shin ka an je m ngohol nan kwagh sha icughuu? Man ka sha ikev i an, m ngohol iwua i yamen ishô sha u me kusu ashe a am a mini? Á lu nahan yô, me hide ne a mi.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.