Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.
Sha ijirôron kpaa, de hembe wan nen orgen iko a orgen ga, or u ikoogh ga kpaa, waan nen nan iko vough er or u ikoogh nahan, de cie nen or ashe ga, gadia ijir ka i Aôndo; kwagh u a hembe ne yô, va nen a mi her a mo, mo me ungwa un.
De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.
Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.
