Ekesodu 23:23 - ICIGHAN BIBILO

²³ Gadia Ortyom Wam Una hemen we gbenda Una za nyôr a we hen Mbaamor man Mbahiti man Mbaperishi man Mbakanaan man Mbahivi man Mbayebushi. Me tim ve kera kpaa.

Ekesodu 23:23 Iomraidhean Croise

Ekesodu 23:20

Nenge, M ngu tindin Ortyom Mer, A̱ hemen we gbenda, A̱ za nyôr a we hen ijiir i M ser i yô.

Yesaia 5:13

Ka nahan man ior Av ve lu nyôron ken uikangen ye, sha ci u mfe a ban yô; ashagbaior a ve hingir mbajenev, man ikpilaior ve ngi kpen imura.

Ekesodu 32:2

Tsô Aron kaa a ve er: Tsuwa nen ikunya i zenaria i ken ato a kasev enev man ônov enev mba nomso kua mba kasev la, va nam nen i.

Genese 34:2

Tsô Shekem wan u Hamor, Orhivi, tor u hen tar la, nengen a na yô, a kua a na, a yav a na, a vihi un.

Ekesodu 3:17

man shi M kaa Mer: Me due a ven ken ican i ken Igipiti, Me yem a ven ken tar u Mbakanaan man Mbahiti man Mbaamor man Mbaperishi man Mbahivi man Mbayebushi, tar u atumbabua man iyough ve dumbur ker la.

Genese 24:7

TER, Aôndo u Sha, u A due a mo hen ya u terem, ken tar u i marem la, A ôr kwagh a mo man A bum a mo, A kaa er: Me na tsombor wou tar ne; ka Un je Una tindi ortyom Na Una hemen we, ú za er kwase keela ú na wan wam ye.

Yosua 9:1

Tsô zum u utor cii mba ve lu yande Yordan, sha tar u iwoogh man ken tar u pev, man hen kpe u zegemnger u tamen cii, sha ishigh ki Lebanon, ka Mbahiti man Mbaamor man Mbakanaan man Mbaperishi man Mbahivi man Mbayebushi, ve ungwa gwa yô,

Yosua 23:9

Gadia TER zenda akuraior a vesen a taver sha ishigh yenegh kera, kpa ne yô, ma or fatyô u tilen ne sha ishi ga zan zan nyian.

Ekesodu 18:8

Mose ôr ter na kem akaa cii, a TER A er a Farao man Mbaigipiti sha ci u Iserael yô, man shi atsan a a tser ve sha gbenda cii, kua myem u TER yima ve kpaa.

Duteronomi 9:3

Yô, fa nyian, TER, Aôndo wou, ka Un je A lu peren hemen ne, er usu u hian nahan ye; Una tim ve, Una er ve vea var inya sha ishigh you; nahan ú tim ve fese, er TER A kaa nahan.

Yosua 5:13

Tso zum u Yosua lu hen Yeriko la yô, a kende ashe, a nenge or tile un sha ishi, nan tsuwa sanker nan kôr sha uwe; nahan Yosua za her a nan, za pine nan er: U ngu or wase shinii, u ngu or u mbaihomov aseva?