Ekesodu 23:21 - ICIGHAN BIBILO

²¹ Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.

Ekesodu 23:21 Iomraidhean Croise

Upasalmi 2:12

Suse nen Wan zwa, sha er A̱ de yugh man né saa ishe sha gbenda ga yô; gadia ka Un ican u yuwen ga. Mba ve suur sha a Na cii saan ve iyol!

Upasalmi 72:19

man shi i̱ wuese iti Na i dion tsung gbem sha won; tar cii u̱ iv a iengem Na. Amen, man shi Amen kpaa.

Upasalmi 78:40

Kpash! Ve hendan a Na ken desereti, acin imôngo je, ve vihi Un ishima ken toho;

Upasalmi 78:56

Nahan kpaa ve mee Aôndo ve hendan a Na, Un Uhembansha la; ve kera wa mbampase Nav iko ga,

Upasalmi 83:18

sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Ekesodu 3:14

Aôndo kaa a Mose er: M NGU ER M LUUN YÔ; shi A kaa er: Kaa Mbaiserael nahan wer: Ka M NGU, A tindim her a ven ye.

Ekesodu 32:34

Ahegen yô, za za hemen ior, za a ve hen ijiir i M kaa u la; nenge, ortyom Wam una hemen we; nahan kpaa, sha iyange i Me va u va tsahan yô, Me tsaha ve sha isholibo ve.

Ekesodu 6:3

M ande hen Aberaham man Isaka man Yakob, Mo Aôndo Uhembanagee, kpa iti Yam i TER (ka Yehova je la) ne yô, ve fa ga.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 45:6

sha u I̱ fa, hii sha mdugh u iyange je zan zan mmir u i, mô ugen ngu ga saa Mo; ka Mo M lu TER ye, mô ugen ngu ga.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 9:5

Gadia hanma ikôvough ki nguhar ki orutya ki ki lu karen a m-ov, man ikondo i haan iyol, i i gem i i shigh i awambe la yô, á nande kera, á hingir kwagh u keer usu a mi.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 5:7

Á er nan man Me de u asorabo a ouwe? Ônov ou tam kera, ve gema ve bum mba ve lu mbaaôndo ga la; zum u m koso ve zan zan kuma ve yô, ve er idya, ve tim nongo tu tu hen uya mba mbaagbaga.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Numeri 14:11

Tsô TER kaa a Mose er: Ka hanma shighe je man ior mban vea de u lahan Mo? Man ka hanma shighe je man vea nam jighjigh, er M er uivande hen a ve yum nahan nee?

Numeri 14:35

Mo TER M kaa nahan, kape Me er a ior mba bov mban ne cii, mba ve kohol ve hendan a Mo ne, vea tim ken desereti ne je, ka keregh vea kpe ye.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

YOHANE 10:30

Mo a Ter ka kwagh môm.

YOHANE 10:38

kpa aluer Mea eren i, man nea nam jighjigh ga kpaa, na nen ityom la jighjigh; sha er ne̱ fa man ne̱ kav er Ter A lu ken a Mo, man Mo kpaa M lu ken Ter yô.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

Duteronomi 18:19

Nahan hanma or u nana ver ato sha akaaôron Am a Una kaa ken iti Yam ga yô, Mo Me pine nan kwagh la.

Duteronomi 9:7

Yô, umbur, i̱ de hungul we er yan u bam TER, Aôndo wou, ken desereti la ga; hii sha iyange i u due ken tar u Igipiti la je zan zan shighe u ne ve hen ijiir ne, ne lu hendan kwagh a TER je.

Mbakolose 2:9

Gadia ka ken a Na man m-iv u Aôndo cii a tem ken iyol je ye.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 3:16

Tsô ka unô je man ve ungwa kpa ve lu vihin Aôndo ishima? Kera ka ve mba ve due ken Igipiti cii sha ikev i Mose la gaa?

Yosua 24:19

Tsô Yosua kaa a ior er: Ne fatyô u civir TER ga; gadia Un ka Aôndo u wang; ka Aôndo u gban iwuhe Una de ne akaabo a en kua asorabo a en ga.

1 Yohane 5:16

Aluer anti or nana nenge anmgbian u nan una lu eren isholibo i i lu u zan ken ku ga yô, nana er msen, tsô Aôndo Una na nan uma, ka mba ve eren isholibo i zan ken ku ga la. Isholibo i zan ken ku kpaa ngi. Ka sha ci u ngila man m kaa mer nana̱ er msen ga.

Mpase U Yohane 1:8

Mo M ngu Alefa man Omega, kape Ter Aôndo A kaa la, Un u A lu hegen, ngise kpaa lu, shi A lu van kpaa la, Uhembanagee.

Mpase U Yohane 2:23

man Me wua ônov nav sha ku. Iniongo i Kristu cii ia fa er i lu Mo je M tim ahi man asema ye; man Me na ne injar sha inja i aeren a en ser ser.

Mpase U Yohane 2:8

Nger hen ortyom u nongo u Kristu u hen Semurna wer: Un u A lu u hiihii man u masetyô u a kpe kpa shi A lu uma la, ngu ôron akaa ne nahan er:

Mpase U Yohane 3:7

Nger hen ortyom u nongo u Kristu u hen Filadelfia wer: Un u A lu icighan, A lu u mimi, u A lu a ishindan i Davidi la, Una bugh yô, ma or nana kera senda ga, Una senda yô, ma or nana kera bugh ga la, ngu ôron akaa ne nahan er:

Mbaajiriv 13:18

Ortyom u TER gema kaa a na er: Ka nyi u pin iti yama, gadia ka i kpilighyol.