Ekesodu 23:13 - ICIGHAN BIBILO

¹³ Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Ekesodu 23:13 Iomraidhean Croise

Upasalmi 16:4

Atsan aa ngee sha mba ve civir aôndo ugen la; me too nagh vegh ku man ku awambegh ga; ati ve tsô kpaa, me teren sha zwa wam ga.

Upasalmi 39:1

M kaa mer, me ver ishima sha aeren a am, sha er me er isholibo sha zwa wam ga yô; me kôron zwa wam tsaha shighe u iferor a lum sha ishi yô.

Ekesodu 23:24

De gur mbaaôndo vev inya ga, shi de civir ve kpaa ga, shi de eren sha aeren ve la kpaa ga; kpa yôhôl ve kera ci ca, hembe mtôm vem ma awenem avur avur.

Ekesodu 23:32

De ye ikur a ve ga, shin a mbaaôndo vev kpaa ga.

Yeremia 10:11

Kaa nen ve nahan ner: Mbaaôndo mba ve gbe Sha man tar ga yô, vea saa ishe shin tar man sha won cii kpaa.

Hosea 2:17

Gadia Me dugh ati a Ubaal ken zwa na kera, mayange á kera ter ati a ve ga.

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

Numeri 32:38

man Nebo man Baal-meon (i gema a ati) kua Sebema; ve ii agar a ve maa la ati agen.

Mbaefese 5:12

Akaa a ve eren myer la, kunya kôr u ôron a je.

Mbaefese 5:15

Nenge nen vighe vighe er ne zenden yô, i̱ de lu er mbalanenkwagh nahan ga, kpa i̱ lu er mbafankwagh nahan.

Duteronomi 12:3

yôhôl nen atse a ve a nanden nagh sha mi, hembe nen mtôm ma awenem vem, nande nen Asherim ve sha usu; gber nen ieev mbi gban a gba mbi mbaaôndo vev kera; er nen iti ve i̱ hungul hen ijiir la kera.

Duteronomi 4:15

Kura nen ayol a en dedoo je, gadia iyange i TER ôr kwagh a ven hen Horebi hen atô u usu la ne nenge a ma kwagh sha ashe ga;

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 6:1

Ka tindi man akaawan kua akaaôron a jirigh a TER, Aôndo wen, A kaa, er i̱ tese ne a, sha er né za eren sha a ken tar u né per, né za ngohol u la yô;

1 Timoteu 4:16

Ver ishima sha iyol you man ityesen you kpaa, taver ishima sha mi. Aluer ú er nahan yô, ú yima iyol you kua shi mba ve lu ungwan we la kpaa.

Mbaheberu 12:15

Shi kura nen sha er mhôônom ma Aôndo ma de bundu ma or ga yô, ma mise u yuan kpaa u̱ de menden u̱ ne anzughul man ior kpishi ve̱ zua a hôngor sha mi ga.

Yosua 22:5

Yô, ver nen ishima, er nen sha kwaghwan man tindi u Mose wanakiriki u TER A we ne yô, er TER, Aôndo wen, A̱ doo ne ishima man né zenden sha igbenda Na cii, né waan atindi a Na iko, né var a Na man né eren Un tom a ishima yen cii kua uma wen cii kpaa.

Yosua 23:11

Nahan kura nen ayol a en dedoo, TER, Aôndo wen, A̱ doo ne ishima.

Yosua 23:7

de nongo nen a akuraior a a shi ken a ven ne mayange ga, man de teren nen iti i mbaaôndo vev ga, de bumun ve ga, de eren nen ve tom ga, de gur civir nen ve kpaa ga;