Ekesodu 22:21 - ICIGHAN BIBILO

²¹ De eren a shiror dang ga, shi de eren nan ican kpaa ga; gadia ne kpaa, ngise ne lu shir ken tar u Igipiti.

Ekesodu 22:21 Iomraidhean Croise

Yobu 6:27

Een, nea er ishor sha ancôghol, shi nea gema ikar wen una hingir kwagh u yamen kasua a mi.

Upasalmi 146:9

TER kor ushirmbaiorov, wese ancôgholov man kasev mba côgholov, kpa nzughul a gbenda u mbaaferev.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 23:9

De eren shiror ican ga; gadia ne fa inja i shiror, gadia ne kpaa ne lu shir ken tar u Igipiti.

Yesaia 1:17

hen nen u eren kwagh u dedoo; ker nen kwagh u jighilii, yange nen ipilaor; er nen a ancôgholov dedoo, ôr nen ijir i kwasecôghol, wase nan.

Yeremia 22:3

TER ngu kaan nahan er: Ôron nen ijir sha mimi man perapera, yiman mba i nzughul a ve sha ikev i ipilaor; de kera eren orvannya shin ancôghol shin kwasecôghol kwagh u bo shin kwagh u iperagh ga, man shi de kera haan awambe a orishôôgh inya hen ijiir ne ga.

Yeremia 7:6

aluer nea eren shiror, man ancôghol kua kwasecôghol ican ga, man nea haa awambe a or u ishôôgh inya hen ijiir ne ga man shi nea dondo mbaaôndo mbagenev nea vihin ayol a en kpaa ga yô,

Esekiel 22:7

I civir ter man ngô ken a we ga; shiror kpaa i er nan ican, ken a we; ancôghol man kwasecôghol kpaa i nzughul a ve ken a we.

Levitiku 19:13

De imbishi or u nan we ndor a we ga, shi de ye nan kwagh sha apera kpaa ga; injar i ortom u sha tôndo i̱ de tse her a we zan zan sev mbu aven ga.

Levitiku 19:33

Aluer shiror una lu her a we ken tar wen yô, de eren nen un ican ga.

Levitiku 19:34

Shiror u a lu her a ven yô, a̱ lu ne er ka or u tar la jim yô, a̱ doo u ishima er iyol you nahan; gadia ne kpaa ngise ne lu ushirmbaiorov ken tar u Igipiti; ka Mo TER M lu Aôndo wen ye.

Levitiku 25:35

Aluer anngôu u a lu a we una gba ican je kwagh a hemba un yô, wase un, a̱ lu a we er orvannya man shiror nahan.

Sekaria 7:10

de kera kighir nen kwasecôghol a ican ga, man wancôghol man shiror shin icanor kpaa ga; hanmô wen nana de kera henen iferkwagh ken ishima i nan sha anngô u nan ga.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Duteronomi 1:16

Man hen shighe la, m kaa a mbaajiriv enev mer: Waan nen iko sha ijir i yilan i anmgbianev enev, ôr nen ijir i or a anngô u nan man shiror u a lu a nan la kpaa, sha mimi.

Duteronomi 10:18

er ijir sha ci u ancôghol man kwasecôghol, shiror doo Un ishima, ne nan kwaghyan man akondo kpaa.

Duteronomi 10:19

Yô, ne kpaa shiror a̱ doo ne ishima, gadia ne kpaa yan ne lu ushirmbaiorov ken tar u Igipiti.

Duteronomi 15:15

Umbur er ngise u lu kpan ken tar u Igipiti man TER, Aôndo wou, paa u yô; ka nahan man M kaan we kwagh ne nyian ye.

Duteronomi 23:16

a̱ tema a we imôngo ken atô wou, hen ijiir i a tsough, ken ma gar wou, henpe i hembe doon un yô, de eren un ican ga.

Duteronomi 23:7

Oredom yô, nana̱ de luun we kwagh u ihôngorough ga, gadia un ka anngôu; Origipiti kpaa, nana̱ de luun we kwagh u ihôngorough ga, gadia ngise u lu shin ken tar na.

Duteronomi 24:17

De vihin ijir i shiror shin ancôghol kpaa ga; man de ngohol ikondo i kwasecôghol ityungu ga.

Duteronomi 27:19

Ifan i̱ kôr or u nan vihi ijiir i shiror shin ancôghol shin kwasecôghol. Ior cii ve̱ rumun er: Amen.