Ekesodu 21:2 - ICIGHAN BIBILO

² Aluer ú yam kpan u Heberu yô, nana̱ er tom u kpan anyom ataratar; sha inyom i sha utaankaruhar la yô, nana̱ due ken kpan kera, gbilin.

Ekesodu 21:2 Iomraidhean Croise

Genese 27:28

Aôndo A̱ na u avure a Sha man inya i doon sule i shin tar, man iyiagh kua wain wuee kpaa.

Genese 27:36

A kaa er: Kera ka nahan man i yer un iti er Yakob ye gaa? Gadia ka kwa har je a mgbeghem kera ne; a ngohol dyako wam u waniunda, man nenge hegen a shi a ngohol iveren yam kpaa. A pine er: U shi shim ma iveren her gaa?

2 Utor 4:1

Tsô kwase ugen ken kasev mba uprofeti va vaa a Elisha kaa er: Wanakiriki wou, nomom, kpe; man we kpaa u fa wanakiriki wou lu cian TER; yô, oryareninjô va er una va kuram ônov uhar, ve̱ za hingir ikpan na.

Nehemia 5:8

M kaa a ve, mer: Se yô, sha mfetyô wase yô, se paa anmgbianev asev Mbayuda, mba lu i tee ve atôatyev yam la; man ne yô, gema ne mba teen anmgbianev enev; nahan doo u ve̱ tee ayol a ve, se se̱ yama? Tsô ve huan ving, ve kera fa kwagh u vea kaa ga.

Ekesodu 12:44

Kpa kpan u hanma or nan yam sha inyar, aluer u tsôngon un kera yô, zum la á gbaa yan tsô.

Ekesodu 21:3

Aluer nan va tswen yô, nana̱ due di tswen; aluer nana̱ lu a kwase yô, kwase u nan a̱ due a̱ yem a nan imôngo.

Ekesodu 21:7

Aluer or nan tee wan u nan u kwase, á za hingir kpankwase yô, una due er ikpan i nomso i dugh nahan ga.

Ekesodu 22:3

kpa aluer iyange ia due nan a mi yô, ibo ia lu sha awambe a nan. Nana̱ kimbi kpee; aluer nan ngu a kwagh ga yô, i̱ tee nan sha ci u iv mbu nan.

Levitiku 25:54

Aluer á paa un sha igbenda ne ga yô, una due sha inyom i jubilii, un a ônov nav cii.

Mateu 18:25

Kpa er ngula lu a kwagh u kimbin ga yô, ter na kaa er, i̱ za tee un a kwase na man ônov nav man akaa a a lu a mi cii kpaa, i̱ kimbi injô.

1 Mbakorinte 6:20

Gadia i yam ne a yam sha ishe je. Civir nen Aôndo ken iyol yen.

Duteronomi 15:1

Sha mbee u hanma anyom ataankarahar yô, de injô.

Duteronomi 15:18

I̱ de vihin we u pasen nan nana̱ yem ga, gadia tom u nan er u anyom ataratar la, kuma injar i ortom u sha tôndo kwa har; TER, Aôndo wou, Una ver u doo doo sha hanma kwagh u u eren yô.

Duteronomi 31:10

Mose kaa a ve er: Sha mbee u hanma inyom i ataankarahar, sha shighe u i ver sha inyom i den injô la vough, sha iniongo i atumbe la,