Ekesodu 20:7 - ICIGHAN BIBILO

⁷ De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Ekesodu 20:7 Iomraidhean Croise

Genese 27:20

Isaka kaa a wan na er: U er nan man u zough a mi fefa nahan, wan wama? A kaa a na er: Ka TER, Aôndo wou, A ne ikôr i diom nahan ye.

1 Utor 2:9

Kpa hegen yô, de kera gbe den un nahan ga, gadia we u ngu or u fan kwagh je; nahan yô, gba fan kwagh u a doo u ú er un tsô, hungwa a ityough nagh ki ivuugh shin Sheol a awambe sha mi.

2 Utor 5:20

Gehashi wanakiriki u Elisha or u Aôndo la, kaa er: Nenge, terem de Naaman or u Shiria ne, a ngohol kwagh u a ve a mi la ga; yô, er TER A lu u uma ne, me zenda un ijime ayem, me za ngohol kwagh her a na.

Upasalmi 139:20

ve mba ve hendan a We sha ifer, ve teren iti You sha aie la.

Anzaakaa 30:9

sha er m̱ de idi m̱ nyiman We, m̱ kaan Mer; Ka an nan lu TERE? ga, man shi m̱ de lu oribanave je er me za ii, me gema me ter iti i Aôndo wam gbilin, ga.

Yeremia 34:16

kpa ne gema shi ne hôngor a iti Yam, sha er hanmô wen shi nan hidi a kpan u nan u nomso man kpan u nan u kwase, u lu ne pase ne tuhwa sha ishima ve la; ne gema ve, hingir ne ikpan i nomso man i ukase.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Esekiel 39:7

Me pase icighanti Wam ken atô u ior Av Iserael; man Me kera rumun Mer, i̱ hôngor a icighanti Wam ga; man akuraior aa fa er Mo M lu TER ye, Icighan ken Iserael.

Levitiku 19:12

De bumun iti Yam sha aie geman hôngor a iti i Aôndo wou ga; Ka Mo TER.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

2 Mbakorinte 1:23

Kpa m ngu yilan Aôndo shiada sha uma wam mer, ka sha u yiman ne a yima je m kera ve ken Korinte ga ye.

Duteronomi 10:20

Ka TER, Aôndo wou, cian Un ye, ka Un kpaa eren Un tom, ka Un var ken Na, shi ka ken iti Na kpaa bumun nen ye.

Duteronomi 5:11

De teren iti i TER, Aôndo wou, dang ga; gadia or u nan teren iti i TER dang dang yô, Una na nan ishô mayange ga.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Yakobu 5:12

Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa “een” wen yô, a̱ lu “een” man “ei” wen kpaa shi a̱ lu di “ei” je, sha u né va gba ken ibo i yan ga yô.

Yosua 2:12

Yô, shi bum nen a mo sha ishigh ki TER er mo m er a ven dedoo nahan, ne kpaa né er a ya u terem dedoo; nam nen ikav i mimi,

Yosua 2:17

Tsô nomsombaiorov mbala kaa a na er: Lun yase a ishô sha mbum u u ne se, se bum a we ne,

Yosua 9:20

Kwagh u sé er a ve yô, sé de ve uma, sha er iyugh i̱ de kera ve sha a vese ga, sha ci u mbum u se bum a ve yô.