Ekesodu 20:2 - ICIGHAN BIBILO

² Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 20:2 Iomraidhean Croise

1 Utor 18:39

Zum u ior cii ve nenge nahan yô, ve gure inya ve kuma ishiv inya, ve kaa er: Ka TER A lu Aôndo ye. Ka TER A lu Aôndo ye.

2 Utor 17:12

ve civir ieev mbi TER vande ôron kwagh u mbi, kaa er: De eren nen kwagh ne ga la.

2 Utor 17:7

Gadia Mbaiserael er TER, Aôndo ve, kwaghbo, u A due a ve ken tar u Igipiti sha ikev i Farao tor u Igipiti la, ve civir mbaaôndo mbagenev,

2 Kroniku 28:5

Ka nahan man TER, Aôndo na, na un sha ikev i tor u Shiria ye, ve ve hemba un, ve kôr ior nav kpishi, ve yem a mi hen Damaseku. Shi i na un sha ikev i tor u Iserael kpaa, a hemba un, a wua un ior kpishi.

Upasalmi 50:7

Ver nen ato, ne ior Av, Me ôr kwagh, we Iserael, Me ta kwagh ken a we ga; Mo M ngu Aôndo, Aôndo wou je.

Upasalmi 81:10

Ka Mo TER M lu Aôndo wou ye, u M dugh a we ken tar u Igipiti yô; gbanger zwa wou, Mo Me iv u.

Upasalmi 81:11

Kpa ior Av ver ato sha imo Yam ga, Iserael rumun Mo ga.

Upasalmi 81:7

U yila ken ican, man M va war u; M rumun we hen ijiir i ken myer i idyuran; M kar u hen mngerem ma Meriba. Sela.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 15:13

Sha erdoo Wou, U hemen ior mba U paa ve yô, U hemen ve gbenda sha agee Ou, U za a ve hen icighanjiir Wou.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Ekesodu 20:1

Tsô Aôndo ôr akaa angan cii, A kaa er:

Ekesodu 29:46

Nahan vea fa er Mo TER M lu Aôndo ve, u M dugh a ve ken tar u Igipiti, sha er Me tema hen atô ve yô; Mo M ngu TER, Aôndo ve.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Yesaia 43:3

Gadia Mo, M ngu TER, Aôndo wou, Icighan u Iserael, Oryiman wou; M na Igipiti hingir kwagh u paan we a mi, man Etiopia kua Seba kpaa sha ityough you.

Yeremia 16:14

Nahan yô, nenge, ayange nga van, kape TER A kaa ne, a á kera kaa er: Er TER u A dugh a Mbaiserael ken tar u Igipiti A lu u uma ne, ga;

Yeremia 2:6

Ve kera pine er: TER u A dugh a vese ken tar u Igipiti la yô, ngu han ga, Wen u A kar a vese ken taaikôngo, ken tar u udeserti man u ahungwa, ken tar u ikpoghonya man u mure u kuugh, ken tar u or nan karen ken u ga, man ma or kpaa nan tem ya ker ga yô?

Yeremia 31:1

Hen shighe la, kape TER A kaa ne, Me hingir Aôndo u icombor i Iserael cii, ve di vea gema á hingir ior Av.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Yeremia 34:13

TER, Aôndo u Iserael, ngu kaan nahan er: Mo M ya ikur a uter enev sha iyange i M due a ve ken tar u Igipiti, ken ya u ikpan la, M kaa Mer:

Esekiel 20:19

Mo M ngu TER, Aôndo wen; zenden nen ken akaawan a Am, waan nen akaaôron a Am a jirigh iko, man eren nen sha mi kpaa;

Esekiel 20:5

man shi kaa a ve wer: Ter AÔNDO ngu kaan nahan er: Iyange i M tsuwa Iserael la, M bum a tsombor u ya u Yakob, man M pase iyol Yam her a ve ken tar u Igipiti, M bum a ve, Mer: Mo M ngu TER, Aôndo wen.

Esekiel 20:7

M kaa a ve Mer: Hanma or ker a ven, nana̱ haa akaa a ndôhôrshima a sha ashe a nan kera, man de kera hôngor nen ayol a en sha akombo a Igipiti ga, ka Mo M lu TER, Aôndo wen.

Hosea 12:10

Shi M ôr kwagh a uprofeti kpaa; ka Mo je M seer mbampase ye, man sha ikev i uprofeti la M ôr kwagh sha anzaakaa.

Hosea 13:4

Nahan kpaa, Mo M ngu TER, Aôndo wou, hii ken tar u Igipiti je, u fa ma aôndo ugen ga saa Mo; Oryiman ugen ngu ga saa Mo.

Levitiku 11:45

Gadia ka Mo TER u M dugh a ven ken tar u Igipiti sha u Me lu Aôndo wen yô; lu nen uicighanmbaiorov, gadia Mo kpaa M ngu icighan je.

Levitiku 19:36

Ka iyôgh ki karen ki vough man uikaren mba vough man efa u vough man hin u vough kpaa, luun nen a mi ye; ka Mo TER M lu Aôndo wen u M dugh a ven ken tar u Igipiti ye.

Levitiku 23:43

sha er ikov yen i̱ fa, Mo M na Mbaiserael ve tema ken atumbe, zum u M due a ven ken tar u Igipiti la; ka Mo TER M lu Aôndo wen ye.

Levitiku 25:38

Ka Mo TER M lu Aôndo wen, u M dugh a ven ken tar u Igipiti, sha u Me na ne tar u Kanaan, Me lu Aôndo wen kpaa ye.

Levitiku 25:42

Gadia ve ka mbayev Av je, mba m dugh a ve ken tar u Igipiti; yô, i̱ de teen ve er ka ikpan nahan ga.

Levitiku 25:55

Gadia Mbaiserael ka mbayev Av, ka mbayev Av je, mba M dugh a ven ken tar u Igipiti yô; ka Mo TER M lu Aôndo wen ye.

Levitiku 26:1

De eren nen mbaaôndo mba gbiliniv ga, shi de gbe nen eev timin nen mbu sha ga, shin ityôgh ki iwenegh kpaa ga, shi de timin nen ma iwen i i lu a eev sha mi ken tar wen ner, né guren né civir i ga; gadia ka Mo TER M lu Aôndo wen ye.,

Levitiku 26:13

Ka Mo TER M lu Aôndo wen, u M dugh a ven ken tar u Igipiti, sha er né kera lu ikpan ve ga yô, shi M sombo amande a igbur i sha mon wen, M er ne ne zende sha nôô nôô.

Amoshi 2:10

Shi Mo kpaa M due a ve ken tar u Igipiti, M hemen ve ken desereti anyom akunduahar sha u u̱ ngohol tar u Amor yô.

Mbaromanu 10:12

Mkposo ngu hen Oryuda a Orgrika je ga, gadia ka Ter môm je A lu u ve cii ye, shi A ngee a akaa sha ci u mba ve yer sha iti Na la cii.

Mbaromanu 3:29

Shin Aôndo ka u Mbayuda tseeghe? Kera ka u atôatyev kpaa gaa? Mimi je, ka u atôatyev kpaa,

Duteronomi 13:10

Ta un awen, a̱ kpe, sha ci u a nenge u urugh we er, u̱ undu TER, Aôndo wou, u A dugh a we ken tar u Igipiti ken ya u ikpan la yô.

Duteronomi 15:15

Umbur er ngise u lu kpan ken tar u Igipiti man TER, Aôndo wou, paa u yô; ka nahan man M kaan we kwagh ne nyian ye.

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.

Duteronomi 5:6

Ka Mo M lu TER, Aôndo wou, u M dugh a we ken tar u Igipiti ken ya u ikpan ye.

Duteronomi 7:8

kpa ka sha ci u ne doo TER ishima man sha ci u A we ishima u kuren mbum u A bum a uter enev la, TER A dugh a ven sha uwegh ku ageegh A paa ne ken ya u ikpan sha ikev i Farao, tor u Igipiti ye.

Mbaajiriv 2:1

Tsô Ortyom u TER mough hen Gilgal, kôndo za hen Bokim. A kaa er: Ka Mo M er, ne dugh ken tar u Igipiti, M ve a ven ken tar u M bum a uter enev ne ye, man M kaa Mer: Me bunde ikuryan Yam a ven mayange ga;

Mbaajiriv 6:10

man M kaa a ven Mer: Ka Mo TER, Aôndo wen; de cie nen mbaaôndo mba Amor mba ne tem ken tar ve ne ga; kpa ne ver ato sha imo Yam ga.