Ekesodu 20:12 - ICIGHAN BIBILO

¹² Civir teru man ngôu, er á seer we ayange ken tar u TER, Aôndo wou, A lu nan we yô.

Ekesodu 20:12 Iomraidhean Croise

Genese 48:12

Tsô Yosev ker ve hen anu na kera yô, a gure a kuma ityough inya.

Genese 50:12

Ônov nav er er a kaa ve nahan vough;

1 Utor 2:19

Tsô Batesheba za hen tor Solomon, sha u za ôron un kwagh u Adoniya la. Nahan tor mough sha, za kohol un, sugh un, a ngurum inya, tsô a hide a tema sha ikônough nagh ki torough, shi a kaa, i̱ ver ikônough sha ci u ngô u tor; tsô a tema un ken uwegh ku yanegh.

2 Utor 2:12

Elisha nenge, gba yilan er: Terem, terem, akeke a Iserael kua mbaanyinyav nav kpaa! A kera seer nengen a na ga; nahan a kôr ikondo na a ande abamber ahar.

Ekesodu 21:15

Or u nan gbidi ter u nan shin ngô u nan yô, i̱ wua nan kpee je.

Ekesodu 21:17

Or u nan toho ter u nan shin ngô u nan yô, i̱ wua nan kpee je.

Anzaakaa 15:5

Ibumeor ka nan lahan mkôôm u ter u nan, kpa u nan we iko sha myange yô, ka nan hingir u fan kwagh.

Anzaakaa 17:6

Tsar u sha ityou u mbabeenyol ka ônov mba ônov vev; ihagh i uôn ka uter vev je.

Anzaakaa 20:20

Or u nana tuhwa ter u nan, shin ngô, u nan yô, á pir imenger i nan ken angôghime.

Anzaakaa 28:24

Or u nan ngohol ter shin ngô u nan kwagh sha apera man nan kaa er: Kwagh ne ka kwaghbo ga yô, or shon nan ngu kwagh môm a or u timin ior je.

Anzaakaa 3:16

Ayange a ngeen sha won, nga ken uwegh nagh ku yanegh; ken uwegh nagh ku imesegh kpaa, inyaregh ki ker kua icivir kpaa.

Anzaakaa 30:11

Kov ugen ngu u u we ter ve ifan, man shi u kera veren ngô ve doo doo kpa ga yô,

Anzaakaa 30:17

Ishe i i naha ter u i tar, man ii laha u wan ngô u i iko yô, ugugôô mba shin pev vea dugh i, ônov mba gafa kpaa vea ya i.

Yeremia 35:18

Tsô Yeremia kaa a ya u Mbarekabi la er: TER u akum a Sha, Aôndo u Iserael, ngu kaan nahan er: Er ne we iko sha imo i Yonadabi ter wen, ne kor atindi na cii, man ne er sha akaa a a kaa ne la cii yô,

Yeremia 35:7

shi de maan nen iyou ga, de lee nen ivor ga, man de môôr nen ikon i wain ga, man de luun nen a mi kpaa ga; kpa tema nen ken utenti ayange a uma wen cii; sha u ne tsa ayange á ngee ken tar u ne lu shir ken u yô.

Esekiel 22:7

I civir ter man ngô ken a we ga; shiror kpaa i er nan ican, ken a we; ancôghol man kwasecôghol kpaa i nzughul a ve ken a we.

Levitiku 19:3

Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Levitiku 19:32

Mough tile sha, sha ishigh ki or u menden ivu, civir ishigh ki tamenor, cian Aôndo wou; ka Mo TER.

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Mateu 19:19

civir teru man ngôu; man shi: Or u nan we ndor a we yô, nana̱ doo u ishima er we iyol you nahan.

Marku 10:19

U fa atindi kaa er: De woo or ga; de eren idya ga; de iin ga; de we or aie iyol ga; de tsughun or ga; civir teru man ngôu.

Marku 7:10

Gadia Mose lu kaa er: Civir teru man ngôu; man shi: Or u nana tuhwa ter shin ngô yô, nana kpe keng.

Luka 18:20

U fa atindiakaa er: De eren idya ga; de woo or ga; de iin ga; de we or aie iyol ga; civir teru man ngôu.

Mbaefese 5:21

Ungwan nen ayol a en sha ci u cian Kristu.

Duteronomi 11:8

Nahan yô, waan nen atindi a m we ne nyian ne iko cii, sha er né taver man né nyôr né ngohol tar u ne lu zan her, sha u né za ngohol u la;

Duteronomi 11:9

man sha er á seer ne ayange ken tar u TER bum a uter enev er Una na ve a tsombor ve la, tar u atumbabua man iyough ve dumbur ker yô.

Duteronomi 21:18

Aluer or nana lu a wan u taver ityough u aperagh u hemban ter u nan man ngô u nan atô, shin ve tsaha nan, kpa nan we ve iko ga yô,

Duteronomi 25:15

Ka ikaren u vough u mimi ú lu a mi ye; man shi ka ikagh ki karen a mi ki vough ki mimi kpaa, ú lu a mi ye; sha er á seer we ayange ken tar u TER, Aôndo wou, A lu nan we yô.

Duteronomi 27:16

Ifan i̱ kôr or u nan laha ter shin ngô u nan la. Ior cii ve̱ rumun er: Amen.

Duteronomi 32:47

Gadia á lu ne kwagh u gbilinigh ga, kpa ka uma wen je; ka sha kwagh ne je man á seer ne ayange ken tar u né peren Yordan sha u za ngohol u la ye.

Duteronomi 4:26

m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.

Duteronomi 4:40

Yô, ver ishima sha akaawan a Na, man atindi a Na a m we u nyian ne, sha er á kpe u iyol yô, we kua ônov ou mba ken ijime, sha er á seer we ayange a ou ken tar u TER, Aôndo wou, A lu nan we er u̱ lu u wou gbem sha won la.

Duteronomi 5:16

Civir teru man ngôu er TER, Aôndo wou, A kaa u nahan, sha er á seer we ayange man á kpe u iyol ken tar u TER, Aôndo wou, A lu nan we yô.

Duteronomi 5:33

Zende nen sha igbenda i TER, Aôndo wen, A kaa ne la cii, sha er né lu uma, á kpe ne iyol, man á seer ne ayange ken tar u né za ngohol u la yô.

Duteronomi 6:2

sha er u̱ cia TER, Aôndo wou, u̱ waan akaawan a Na iko cii, a m we u a, we man wan wou man wan u wan wou sha ayange a uma wou cii, sha er á seer we ayange yô.

Mbakolose 3:20

Ne ônov kpaa ungwan nen imo i mbamaren enev ken akaa cii, gadia ka kwagh u doon Ter je ne.

Rutu 3:6

Tsô a za hen vande u gbiren iyiav, a za er er ngô u nom na ôr un nahan cii.

1 Samuel 22:3

Tsô Davidi mough haala yem hen Misepa u Moabi; a za kaa a tor u Moabi er: Shi rumun terem kua ngôm ve̱ tema a ven zan zan me kar fan kwagh u Aôndo Una er a mo ve.