Ekesodu 2:3 - ICIGHAN BIBILO

³ Kera fetyô u yeren un ga yô, a tôô ikese i ikenaika, a shighe i tsur man mningem, a gbir wan la shimi, a za ver ken awoo hen kpeifi u Nil.

Ekesodu 2:3 Iomraidhean Croise

Genese 11:3

Tsô ve kaa ayol a ve er: Sé gbidye nen akam, sé sôô nen dedoo. Akam la hingir ve er ka awen, man inya i tiher hingir ve er ka inya i hôron yô.

Genese 14:10

Kpa pev u Sidim la mgbough a ahungwa a inya i tiher. Utor mba Sodom man Gomora mba ngur yevese yô, ve za gba shimi; mba ve shi her yô, mase yevese unden sha iwo.

Genese 6:14

Yô, er tso sha kon u gofer; tôndo ayou ker, ukpo ukpo, man shighe un mningem kimi kua ken won kpaa.

Ekesodu 1:22

Tsô Farao kaa a ior nav er: Hanma wannomso u i mar yô, gbihi nen un shin ifi u Nil, kpa hanma wankwase yô, de nen un a̱ lu uma.

Yesaia 18:2

u ka u tindi mbatyomov sha zegemnger, sha utso mba ikenaika sha mnger, er: Yem nen, ne mbatyomov mba zenden fefa, za nen hen ikurior i taven i kôngor iyol, hen ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la.

Yesaia 19:6

Iwagh kpaa ia huma, mbaakpambamngerev mba Igipiti vea panden a pande mngerem vea uma, ikenaika man ilyôgh vea use.

Yesaia 35:7

Waarawa u hian war war ua hingir ityungumnger, man inya i imura i ker i la ia hingir amboramnger; hen ajiir a ugbaseela, ape ve yaven yô, toho ua lu man ikenaika kua ilyôgh kpaa.

Mateu 2:13

Tsô mba yemen kera yô, ortyom u Ter va ande hen Yosev ken mnyam ma ciem, kaa er: Mough, tôô Wan ne kua ngô Na, yevese yem ken Igipiti, za lu ker zan zan Mo man Me kaa u ye; gadia Herode una ker Wanikundan ne a ku.

Mateu 2:16

Tsô Herode nengen er mbafankwagh mbala bume un a bume yô, ishima vihi un tsung, a tindi er, i̱ za wua mbayevnomso mba ve lu ken Betelehem kua ken ityar i i kase un la ca ca, hii sha mba ve lu anyom ahar kua mba ve yen nahan kpaa, sha inja i shighe u a time vighe vighe hen mbafankwagh la.

Aerenakaa A Mbaapostoli 7:19

Un shon la er ayom sha ityô yase, a er uter asev ican sha u kighir ve er ve̱ ta anikundanev vev kera, sha u ve̱ de lu uma ga yô.