Ekesodu 2:23 - ICIGHAN BIBILO

²³ Tsô sha ayange shon a a kar kpishi la, tor u Igipiti kpe; Mbaiserael kpaa shir asema lu vaan sha ci u tom u kpan la, mliam vem ma sha tom u kpan la kôndo nyôr sha Aôndo.

Ekesodu 2:23 Iomraidhean Croise

Genese 16:11

Ortyom u TER shi seer kaan un er: Nenge, u ngu iyav, maren you wan u nomso je; ú ii un iti wer Ishemael, gadia TER ungwa u ken ican you.

Genese 4:10

Tsô A kaa er: U er nana? Awambe a anngôu nga genger imo hen inya, yilan Mo.

Nehemia 9:9

Man U nenge ican i uter asev ken Igipiti man U ungwa mliam vem hen kpe u Zegemnger u Nyian kpaa;

Yobu 35:9

Er mbamkighir mba sha ican ve ngee yô, ior mba vaan; mba vaan keren iwasen sha ci u agee a mbautahav.

Upasalmi 102:1

TERE, ungwa msen wam, mliam am ma ma nyer her a We.

Upasalmi 102:2

De yeren mo ishigh You sha iyange i mzeyol wam la ga; ver ato her a mo, sha iyange i me yila yô, rumun mo fese;

Upasalmi 12:5

Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Upasalmi 18:6

Ken mkighir u i kighir mo ne, m yila TER; m genger, imo, m yila Aôndo wam. A ungwa imo yam ken tempel Na, mliam am ma m vaa a Na la nyôr ken ato Na.

Ekesodu 1:14

ve vihi ve asema sha tom u ican, tom u hôron inya man u gbidyen akam man hanma injatom i ken ityev, ityom la ve tsule ve er, ve̱ er i.

Ekesodu 4:19

TER kaa a Mose ken Midian er: Hire yem ken Igipiti, gadia ior mba ve lu keren we a ku la cii, ve kpe.

Ekesodu 6:5

Man shi Mo M ungwa mtoghor u Mbaiserael mba ior i Igipiti ve ker ve ikpan la, nahan M umbur ikuryan Yam.

Ekesodu 6:9

Kape Mose ôr kwagh a Mbaiserael la; kpa ve ungwa imo i Mose ga, sha ci u asema lu vihin ve man ican i ikpan kpaa nyer ve iyol yô.

Ekesodu 7:7

Anyom a Mose lu akunduanyiin, a Aron gema lu anyom akunduanyiin kar atar, zum u ve lu ôron kwagh a Farao la.

Yesaia 19:20

Á hingir ikav kua shiada u TER u akum a Sha ken tar u Igipiti; shighe u vea vaa a TER sha ci u mba ve kighir ve a ican la yô, Una tindi ve a oryiman man orageegh u nana yima ve yô.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Numeri 20:16

zum u se vaa a TER yô, A ungwa imo yase, A tindi Ortyom, va due a vese ken tar u Igipiti; se mban heen hen Kadeshi gar u hen ikighirtar you ne;

Aerenakaa A Mbaapostoli 7:30

Tsô anyom akunduahar nga kar yô, ortyom u Ter ande her a na ken taaikôngo u hen uwo u Senai, a ande ken nomborusu.

Duteronomi 24:15

Na nan injar i nan sha iyange i nan, iyange i̱ de mir a i ga, gadia nan ngu icanor je, nan ngu veren ishima i nan sha mi; sha er nana̱ de vaan ieren you a TER, i̱ hingir isholibo hen we ga.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Mbaajiriv 4:3

Tsô Mbaiserael vaa a TER; gadia un lu a akekeautya a iyôô deri utaankarunyiin; a lu eren Mbaiserael ican tsung, anyom ikundu je.

1 Samuel 12:8

Zum u Yakob va ken Igipiti la, man shighe u uter enev vaa a TER yô, TER tindi Mose kua Aron, ve za due a uter enev ken tar u Igipiti, ve va ver ve, ve tema hen ijiir ne.

1 Samuel 9:16

Kper er hegen nahan, Me tindi u a or u ken tar u Benyamin, shighe un mkurem sha u a̱ lu orhemen u ior Av Iserael yô, ka wen una yima ior Av sha ikev i Mbafiliti ye; gadia M nenge ior Av, mliam vem kôndo ar her a Mo je.