Ekesodu 19:6 - ICIGHAN BIBILO

⁶ Ka ne né lum tartor u upristi kua icighanikurior ye. Ka akaa a ú za ôr Mbaiserael je ne.

Ekesodu 19:6 Iomraidhean Croise

1 Utor 3:8

Wanakiriki Wou ngu hen atô u ior ou mba U tsough, ikpelaior mba i fetyô u ôron ve ga, shin u fan iyenge ve kpaa ga, sha ci u mngee ve.

1 Utor 8:53

Gadia ken akuraior a sha won cii ka ve U tsegh ve ye, sha u ve̱ lu dyako Wou, er U kaa a Mose wanakiriki Wou zum u U due a uter asev ken Igipiti la nahan, Tere AÔNDO.

1 Kroniku 17:22

Gadia U gema ior Ou Iserael ve hingir ior Ou gbem sha won; We TER, U hingir Aôndo ve.

Upasalmi 114:2

Yuda hingir icighanjiir Na, Iserael gema hingir tartor Na.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Ekesodu 22:31

Lum nen uicighanmbaiorov; nahan yô, de ye nen ma inyam i inyamikume i woo i ken toho ga; gbihi nen iwa i.

Ekesodu 28:36

Er kpande sha zenaria u wang, nger sha mi, er ka i gber ikav sha kwagh nahan wer: I TSEGHA UN SHA CI U TER.

Yesaia 43:4

Er u lum kwagh yum, man kwagh u icivirigh, shi u doom ishima kpaa yô, sha ci u nahan yô, Me na ior sha ityough you, man akuraior sha ci u paan uma wou.

Yesaia 61:6

Kpa ne yô, á yila ne er upristi mba TER; á yila ne er, mbatomov mba Aôndo wase, nea ya akaa a injaa a akuraior, man nea ta ihagh sha icivir ve la kpaa.

Yesaia 62:12

Á yila ve er, uicighanmbaiorov, Mbaipaave mba TER; man á yila u kpaa er, Asarior man Gar u i te un kera ga yô.

Yesaia 66:21

Uvev mbagenev Me ver upristi man Mbalevi, kape TER A kaa la.

Yeremia 13:11

Gadia er tsar ka a var or shin iwenge nahan, kape M er ya u Iserael cii kua ya u Yuda cii, Mer, ve̱ var a Mo ne, kape TER A kaa ne; sha u ve̱ lum nongo man iti, man iwuese, man icivir; kpa ve venda u ungwan.

Yeremia 2:3

Iserael lu TER icighankwagh je, atam a tsutswa a iyiav Nav; mba ve ye un cii, á na ve ibo, kwaghbo una tser ve, kape TER A kaa ne.

Yeremia 7:23

Kpa tindi ne M wa ve, M kaa Mer: Ver nen ato sha imo Yam, nahan Me hingir Aôndo wen, man shi ne kpaa né hingir ior Av, man zende nen sha gbenda u M kaa ne la cii, sha u i̱ kpe ne iyol yô.

Levitiku 19:2

Ôr kwagh a mkohol u Mbaiserael cii, kaa a ve wer: Lu nen uicighanmbaiorov, gadia Mo TER, Aôndo wen, M ngu icighan je.

Levitiku 20:24

Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.

Levitiku 20:26

Lum nen uicighanmbaiorov, gadia Mo TER M ngu icighan je, M pav ne a akuraior, M ver ne kposo, sha u lu nen ior Av yô.

Levitiku 21:23

kpa nana̱ de nyer ken ijiir i ikondo i yisan la ga, shi nana̱ de kporom hen atse a nanden nagh sha mi kpaa ga, sha ci u nan lu a iwan yô, sha er nana̱ de hôngor a uicighanmbaajiiriv Av ga yô, gadia ka Mo TER u M tsegh ve ne,

Amoshi 3:2

Ka ne tseegh M fe ne ken akuraior a sha won cii ye, ka nahan man Me va tsaha ne sha aferakaa a en cii ye.

Hagai 2:5

sha kwagh u ikur i M ya a ven, zum u ne due ken Igipiti la, man nenge jijingi Wam ngu a ven; de cie nen ga.

Numeri 16:3

tsô ve kohol, ve hingir ayongo a Mose man Aron, ve kaa a ve er: Ne ya kuma ve, gadia ior cii ka uicighanmbaiorov, hanma or kpaa; TER ngu a ve; man ka nyi ne kenden ayol a en sha je er ne hemba ior i TER cii nahana?

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

1 Mbakorinte 3:17

Aluer anti or nana vihi tempel u Aôndo yô, Aôndo Una vihi nan, gadia tempel u Aôndo ka icighan je, man ka ne ne lu tempel la ye.

Duteronomi 14:21

De ye nen ma kwagh u a gbe kpen tsô la ga; kpa i rumun er u̱ na shiror u nan va nyer u a nyôr la, nana̱ ya; gayô, tee, or u ken nongo ugen nana̱ yam, gadia u ngu TER, Aôndo wou, icighanikurior je. De jiir wanivo sha atumba a ngô na ga.

Duteronomi 26:19

nahan Una kende u sha, ú hemba akuraior a A gbe a cii iwuese man gwa u zan man icivir, ú lu TER, Aôndo wou, icighanikurior er A kaa nahan.

Duteronomi 28:9

TER Una ver u, ú lu Un icighanikurior er A bum a we nahan; aluer ú waan atindi a TER, Aôndo wou, iko, ú zenden sha igbenda Na yô.

Duteronomi 7:6

Gadia we u ngu TER, Aôndo wou, icighannongo je; TER, Aôndo wou, tsuwa u ken akuraior a a lu sha won cii, er u̱ lu nongo Na jim.

1 Mbatesalonika 5:27

M ngu kaan ne sha ishigh ki Ter je mer i̱ ôr washika ne hen anmgbianev cii.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

Mpase U Yohane 1:6

man A gema se er se̱ hingir tartor, se̱ hingir upristi sha ci u Aôndo Na man Ter Na her kpaa. Un yô, iengem i̱ lu i Na kua tahav kpaa gbem sha won. Amen.

Mpase U Yohane 20:6

Or u nan lu a ci sha mnder u hiihii ne yô, saan nan iyol, nan ngu icighanor kpaa. Mban yô, ku u sha uhar la ngu a tahav sha a ve ga, vea gema vea lu upristi mba Aôndo man mba Kristu kpaa, vea tema tor a na imôngo sha anyom dubu la.

Mpase U Yohane 5:10

U er ve, ve hingir tartor man upristi sha ci u Aôndo wase, vea tema tor sha tar.