Ekesodu 19:4 - ICIGHAN BIBILO

⁴ Ne nenge kwagh u M er Mbaigipiti man er M tee ne sha akper a aguvegh M ve a ven hen a Mo yô.

Ekesodu 19:4 Iomraidhean Croise

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Hosea 11:1

Zum u Iserael lu wanye yô, a doom ishima; ka ken Igipiti man M yila wan wam kpaa ye.

Hagai 2:5

sha kwagh u ikur i M ya a ven, zum u ne due ken Igipiti la, man nenge jijingi Wam ngu a ven; de cie nen ga.

Malaki 2:10

Kera ka ter môm se cii se lu a mi gaa? Ka Aôndo môm tsô A gbe se gaa? Yô, ka nyi se kera lu a mimi hen ayol a ase ga, man se hôngor a ikuryan i uter aseva?

Duteronomi 1:30

TER, Aôndo wen, u A hemen ne ne, Un Una nôngo ityav sha ci wen, vough er A vande eren sha ci wen ken tar u Igipiti sha ashe a en la,

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.

Duteronomi 29:1

Angan ka akaaôron a ikuryan i TER kaa Mose er a̱ ya i a Mbaiserael ken tar u Moabi, seer sha ikuryan i A ya a ve hen Horebi la.

Duteronomi 29:2

Tsô Mose yila Mbaiserael cii, kaa a ve er: Ne ayol a en je, ne nenge akaa cii a TER er a Farao man mbatomov nav cii kua tar na cii sha ashe a en ken tar u Igipiti la;

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Yosua 23:3

ne ayol a en ne nenge akaa cii a TER, Aôndo wen, er akuraior ne cii, sha ci wen yô; gadia TER, Aôndo wen, ka Un je, A nenge ityav sha ci wen ye.

Mpase U Yohane 12:14

Kpa i na kwase la akper a zegegafa er a̱ purugh a̱ kar sha ishigh ki iyô la kera a̱ yem ken ikôngo hen ijiir na ape á koso un á kuma shighe man ashighe man veghershighe.