Ekesodu 19:21 - ICIGHAN BIBILO

²¹ Tsô TER kaa a Mose er: Hungwa, za kaa ior, ve̱ de aver ve̱ zaan hen TER er vea va kenger man ior kpishi vea gema vea tim ga.

Ekesodu 19:21 Iomraidhean Croise

Ekesodu 3:3

Tsô Mose kaa er: De, m̱ za, m̱ za nenge zegekwagh u kpilighyol er i er man ageva la a hie ga la.

Ekesodu 3:5

Shi A kaa er: De kporom heen ga; tsuwa akôv shin angahar a ou kera, gadia ijiir i u til her ne, ka icighanjiir je.

Ekesodu 33:20

Shi A kaa er: Ú fatyô u nengen a ishigh Yagh ga; gadia or á fatyô u nengen a Mo, shi lun uma ga.

Orpasenkwagh 5:1

Ver ishima sha nguhar wou zum u u zaan hen iyol i Aôndo yô; gadia u zan sha u za ungwan hemba doon a u nan nagh ku abumeaior la; gadia ve kera fa er ve lu eren ifer ga.

Numeri 4:15

Zum u Aron a ônov nav vea cir icighanjiir man ikav mbi icighanjiir kera, shighe a kuma u hemben hen afo la yô, ken masejime la, ônov mba Kohati ve̱ va tôô, kpa ve̱ de benden uicighanmbaakaav ave ga, sha er vea kpe ga yô. Ka ikav mbi tenti u kohol ker, mbi ônov mba Kohati vea tôôn je ne.

Numeri 4:18

De rumun nen ner i̱ tim kwe u uipaven mba Mbakohati ken Mbalevi kera ga;

Numeri 4:19

kpa er nen a ve nahan, sha er vea lu uma, vea kpe ga yô, zum u vea kporom hen uicighanmbaakaav yô, Aron a ônov nav ve̱ nyôr ve̱ ver hanma or sha tom u nan man ikav mbi nan;

Numeri 4:20

kpa ve̱ de nyer sha u gbirin ashe sha uicighanmbaakaav côhin kpaa ga, er vea kpe ga yô.

Duteronomi 5:5

(ka mo je, yan m tile hen atô u TER a ven hen shighe la ye, sha u me pase ne kwaghôron u TER yô; gadia ne lu cian usu la; m-undu kpaa, ne unde sha uwo la ga), A kaa er:

1 Samuel 6:19

Tsô A wua ior mba Bete-Shemeshi sha ci u ve kenger areki u TER yô; A wua ior akunduatargber, ior akunduahargber sha dubu; nahan ior zungwe sha ci u TER A woo ior kpishi yum yô.