Ekesodu 19:10 - ICIGHAN BIBILO

¹⁰ Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Ekesodu 19:10 Iomraidhean Croise

Genese 35:2

Yakob kaa a mba hen ya na, man mba ve lu a na cii er: Haa nen mbaaôndo mbagenev mba ve lu her a ven la, kera; wanger nen ayol a en, haa nen akondo agen,

2 Samuel 19:24

Mefibosheti wan u Saulu kpaa va sha u va keghen tor gbenda; angahar a na tsô kpa, a ôô ga, indyer na kpaa a sôr ga, akondo na kpaa a ôô ga, hii sha iyange i tor mough je zan zan iyange i a kar hiden doo doo la.

2 Kroniku 29:34

Kpa upristi ngee kuma ga, ve fatyô u burun iniav mbi nanden cii ga, nahan anmgbianev vev Mbalevi wase ve zan zan shighe u tom la kar been, man zan zan upristi ve wanger ayol a ve la; gadia Mbalevi hemba upristi ishima i veren sha u wanger ayol a ve.

2 Kroniku 29:5

a kaa a ve er: Ungwam nen, ne Mbalevi! Yô, wanger nen ayol a en, shi wanger nen iyou i TER, Aôndo u uter enev kpaa, kura nen hôngor ken icighanjiir kera.

Yobu 1:5

Tsô zum u iniongo ve ia ningir ia tser yô, Yobu a tindi loho er ve̱ va, i̱ wanger ve; nahan a mough pepe, a na iniav mbi nanden sha iyenge ve cii; gadia Yobu a hen er: Alaghga ônov av er kwaghbo, ve venda Aôndo ken asema a ve. Kape Yobu eren gbem la.

Levitiku 11:25

anti or u nana tôô mô ve u a kpe yô, nana ôô akondo a nan, nana kera lu wang ga zan zan iyange ia kar been.

Levitiku 15:5

Hanma or u nana bende a gambe u nan kpaa, nana̱ ôô akondo a nan man nana̱ ôô iyol i nan sha mnger kpaa, nana kera lu wang ga zan zan iyange la ia kar been.

Numeri 11:18

Shi kaa a ior wer: Tsegha nen ayol a en, sha ci u kper nahan, né ya inyam, gadia ne vaa sha ato a TER ner: Ka an nana na se inyam se̱ ya? Gadia lu doo se ken Igipiti; nahan yô, TER Una na ne inyam né ya di je.

Numeri 19:19

or u wang la, nana̱ mishi u a lu wang ga la ma iyol, sha iyange i atar kua sha iyange i ataankarahar la kpaa; sha iyange i ataankarahar la, nana̱ wanger un; nahan una ôô akondo a na, shi una ôô iyol sha mnger kpaa, iyange ia been yô, una hingir wang.

Numeri 31:23

hanma kwagh u a vihin sha usu ga yô, wa nen un ken usu, tsô una wanger; nahan kpaa, shi á wanger un sha mngerem ma wanger kwagh a min la; hanma kwagh u a vihin sha usu yô, wa nen un shin mnger.

Numeri 31:24

Sha iyange i sha utaankaruhar la, ôô nen akondo a en, tsô né lu wang; ken masejime la né nyôr ken afo.

Numeri 8:21

Mbalevi wanger asorabo a ve kera, shi ve ôô akondo a ve kpaa; Aron gema ve, cia nagh ku cian a mi, sha ishigh ki TER; Aron na iwom sha ci ve, sha u wanger ve.

Numeri 8:7

Kwagh u ú er ve sha u wanger ve yô, ka un ne: Mishi ve mngerem ma ôôn isholibo; shi ve̱ zende atsem iyol cii, ve̱ ôô akondo a ve, ve̱ wanger ayol a ve.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Yosua 3:5

Tsô Yosua kaa a ior er: Tsegha nen ayol a en; gadia kper TER Una er akaakpilighyol hen atô wen.

Yosua 7:13

Mough za wanger ior, kaa wer: Wanger nen ayol a en sha ci u kper; gadia TER, Aôndo u Iserael, kaa er: Kwagh u i te icin sha mi ngu her a ven, Iserael; ú fatyô u tilen sha ishigh ki Mbaihomov ou ga, saa né dugh kwagh u i te icin sha mi la ken a ven kera ve.

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.

1 Samuel 16:5

A kaa er: Ka bem; m va sha u me na TER nagh; yô wanger nen ayol, va nen a mo hen nagh ku nan. Tsô a wanger Yese kua ônov nav, a lôhô ve nagh kula.