Ekesodu 18:8 - ICIGHAN BIBILO

⁸ Mose ôr ter na kem akaa cii, a TER A er a Farao man Mbaigipiti sha ci u Iserael yô, man shi atsan a a tser ve sha gbenda cii, kua myem u TER yima ve kpaa.

Ekesodu 18:8 Iomraidhean Croise

Genese 44:34

Gadia me er nan man me za hen terem, aluer wan ne una lu a mo imôngo ga yôô? Ma m nenge kwagh u bo u una tser terem la ga.

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Upasalmi 106:10

A yima ve sha ikev i or u kôron ve ihom, man A paa ve sha uwegh ku orihom kpaa.

Upasalmi 106:8

Nahan kpaa A yima ve sha ci u iti Na, sha u Una pase agee a Na a vesen yô;

Upasalmi 107:2

Mba TER A paa ve yô, ve̱ kaa nahan, mba A paa ve sha ikev i ican la,

Upasalmi 66:16

Ne mba ne cie Aôndo cii, va, va ungwa nen, me pase ne kwagh u A er sha ci u uma wam yô.

Upasalmi 81:7

U yila ken ican, man M va war u; M rumun we hen ijiir i ken myer i idyuran; M kar u hen mngerem ma Meriba. Sela.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Ekesodu 15:6

Uwegh Ough ku yanegh, TERE, ku a icivir, sha ci u agee Ou; uwegh Ough ku yanegh, TERE, ku her orihom.

Ekesodu 16:3

Mbaiserael kaa a ve er: Guda u ma se kpe sha uwegh ku TER ken tar u Igipiti zum u se teman a ityev mbi inyamev ikum se yaan bredi kuman se la; gadia ne va a vese ken desereti ne ner, né va wua nongoior ne cii sha ijen.

Ekesodu 18:1

Tsô Yetero, pristi u Midian, terkem u Mose, ungwa akaa a TER A er Mose cii, kua ior nav Iserael kpaa, er TER A dugh a Iserael ken Igipiti yô.

Ekesodu 2:25

Aôndo ver ishima sha Mbaiserael, Aôndo wa ve iko kpaa.

Ekesodu 23:23

Gadia Ortyom Wam Una hemen we gbenda Una za nyôr a we hen Mbaamor man Mbahiti man Mbaperishi man Mbakanaan man Mbahivi man Mbayebushi. Me tim ve kera kpaa.

Ekesodu 4:23

M kaa u mer: De wan Wam a̱ za, a̱ za civir Mo; kpa u venda wer a̱ de ze ga. Yô, Me wua wan wou u iunda.

Ekesodu 7:4

Kpa Farao una ungwa ne ga, Mo Me penda uwegh Agh sha Igipiti, Me due a akum a Am, ior Av Mbaiserael, ken tar u Igipiti kera, sha ajiraôron a vesen.

Ekesodu 7:5

Mbaigipiti vea fa er Mo M lu TER yô, zum u Me naregh uwegh Agh sha Igipiti, Me due a Mbaiserael ken atô ve kera la.

Numeri 20:14

Hen Kadeshi la, Mose tindi mbatyomov hen tor u Edom er: Anngôu Iserael ngu kaan nahan er: We iyol you kpaa, u fa ican i i tser se la cii,