Ekesodu 18:21 - ICIGHAN BIBILO

²¹ Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 18:21 Iomraidhean Croise

Genese 22:12

A kaa er: De ze uwegh ough sha wanakiriki ga, shi de eren un ma kwagh kpaa ga; gadia hegen yô, M fa u ngu or u cian Aôndo sha er u nyumum wan wou u môm môm kpaa ga yô.

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

Genese 47:6

Tar u Igipiti ungun sha ishigh you je ne; ver teru kua anngôôv ou ve̱ tema hen ijiir i hemban doon ken tar ne; ve̱ tema ken Goshen; man aluer wea fa mbainjaav vea lu ken a ve yô, ver ve, ve̱ lu mbanengen sha ilev yav.

2 Samuel 18:1

Tsô Davidi ôr iyenge i ior mba ve lu a na la, a ver mbahemenev mba hemen ior dubu dubu man mbahemenev mba hemen ior deri deri.

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

1 Utor 18:12

Tsô aluer me karen hen we kera yô, Jijingi u TER Una tôô u, Una yem a we henpe m fe ga yô, nahan zum u me za kaa Ahaba man una fan ityô u zuan a we ga yô, una wuam je. Kpa mo wanakiriki wou m cia TER, er m lu iyev je.

1 Utor 18:3

Tsô Ahaba yila Obadia or u nengen sha ya na. Obadia yô, lu or u cian TER tsung je;

Esera 7:25

We Esera kpaa, sha kwaghfan u Aôndo wou u A lu a we la, ver mbahemenev man mbaajiriv, mba vea ôron ajir a ior mba yande Ifi cii, ka mba ve fe atindi a Aôndo wou la cii; man or u nan fe ga yô, tese nan.

Nehemia 5:9

Man shi m kaa mer: Kwagh u ne eren ne a doo ga; guda u ne zenden ne cian Aôndo wase sha ci u iheen i atôatyev, mbaihomov asev la gaa?

Nehemia 7:2

m ver anngôm Hanani, kua Hanania, orvesen u nengen sha iyou i utya, mer, ve̱ nengen sha Yerusalem; gadia a lu or u jighjigh, shi a cian Aôndo, a hemba ior mbagenev kpishi.

Yobu 1:1

Ngise orgen lu ken tar u Ushi, iti i nan er Yobu; or la lu or u mimi, u perapera, u cian Aôndo, paregh kwaghbo.

Yobu 29:16

M hingir ter u mbaibanave; m tôv ijir i or u m fe nan ga yô.

Yobu 31:13

Aluer mea laha ityôkwagh i kpan wam u nomso shin kpan wam u kwase, zum u vea gba ayôôso a mo sha kwagh yô,

Upasalmi 15:1

TERE, ka an nana tsa ken tenti Wouwe? Man ka an nana lu sha icighanwo Wouwe?

Upasalmi 15:5

nan ne inyaregh kera sha ci u zuan a mtsera ganden ikaa inya ga, nan ngohol inyaregh ki yamen ishô sha u geman nan orishôôgh ibo ga. Or u nan eren akaa ne yô, nana tenger mayange ga.

Ekesodu 17:9

Nahan Mose kaa a Yosua er: Sange ior sha ci wase, due za nôngo ityav a Amaleki; kper mo me tile sha ityough ki igungu a gbough ku Aôndo ken uwe.

Ekesodu 18:25

Mose sange ior mba fan kwagh ken Iserael cii, ver ve, ve̱ lu uityombaiorov sha ior, ve̱ lu mbavesen sha ior dubu dubu, man sha ior deri deri man sha ior akunduahargber akunduahargber man sha ior pue pue kpaa.

Anzaakaa 28:2

Ka sha ci u kwaghbo u a lu hen tar la, man utor ka ve ngee ken u kpishi nahan ye, kpa sha ior mba ve lu a mkav kua mfe yô, ua lu her taveraa zan zan je.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Yesaia 16:5

zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Yesaia 59:4

Mô môm nan za yer ijir sha perapera ga, mô môm kpaa nan kpelan ishô sha mimi ga; mba suur sha gbilinkwagh mba er aie; ve jile iyol sha dang, ve mar ifer.

Yeremia 5:1

Zende nen wue sha igbenda i Yerusalem, shi nenge, pine man ker nen sha ityembe na, shin nea fatyô u zuan a oro, shin or môm ngu u nan eren jighilii nan keren mimi; nahan Me de un kwaghbo na.

Esekiel 18:8

man nan ne injô, nan we mngerem ga, man nan ngohol mtsera kpaa ga, nan dugh uwegh ku nan sha kwaghbo kera, nan er ijir sha mimi hen atô u orgen a orgen,

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Sekaria 7:9

TER u akum a Sha ngu kaan nahan er: Ôr ijir sha mimi, tese erdoo man mhôônom ma zungwen, hanma or a anngô u nan,

Sekaria 8:16

Ka akaa a né er a ne: Ôron nen kwagh sha mimi, hanma or a orgen; ôron nen ijir sha mimi man sha bem hen ihindagar yen;

Numeri 1:16

Ka mba i tsuwa ve ken ior je ne, ka mbahemenev mba sha ikwe i uter vev, ka uityombaiorov mba sha uipaven mba Iserael.

Numeri 1:4

Ken hanma kwe á tsuwa or môm môm, ve̱ lu a ven imôngo, or u nan lu orhemenegh hen ya u uter mba nan la.

Numeri 10:4

Aluer á tôngo môm tseegh yô, mbahemenev, ka uityombaiorov mba sha ikwe i Iserael je la, ve̱ va kohol her a we.

Luka 18:2

A kaa er: Ken gar ugen orjir lu, cian Aôndo ga, or kpaa waan nan iko ga.

Luka 18:4

A zer vendan, kpa ken masetyô yô, a kaa ken ishima na er: Shin er m cie Aôndo ga, or kpaa m we iko ga,

Aerenakaa A Mbaapostoli 20:33

M tôm azurfa u or ga, shin zenaria shin akondo a nan kpaa ga;

Aerenakaa A Mbaapostoli 6:3

Nahan yô, anmgbianev, ker nen ior utaankaruhar ken a ven, mba i wuese ve, man ve iv a Jijingi man mfe kpaa yô, sha u se̱ ver ve sha tom ne.

Duteronomi 22:18

Nahan mbatamen mba hen gar la ve̱ kôr or la ve̱ tsaha nan;

1 Timoteu 3:3

Nana̱ de lu or u cihin msôrom ga, nana̱ de lu or u cihin num kpaa ga, kpa nana̱ lu or u lun inja legh legh, nana̱ de lu or u hiin iyongo ga, shin u eren hua sha inyar kpaa ga.

Yosua 22:14

a atiator pue a na imôngo, ititor i môm sha hanma kwe u Iserael; hanmô ve lu orhemen ken ya u ter ken uipaven mba Iserael.

1 Samuel 8:12

shi nana ver ve vea hingir nan mbahemenev mba sha ior dubu dubu man mba sha ior akunduahargber akunduahargber; nana ver mbagenev sha u kahan nan sule man u sundan nan iyiav man shi u varen nan ikav mbi utyav kua ikav mbi akekeautya a nan kpaa.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.