Ekesodu 18:12 - ICIGHAN BIBILO

¹² Man shi Yetero terkem u Mose za a nagh ku nanden kua iniav mbi sôngon za na Aôndo; Aron va a mbavesen mba Iserael cii, sha u va yan kwagh a terkem u Mose imôngo sha ishigh ki Aôndo

Ekesodu 18:12 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 26:25

Tsô a ta atse a nanden nagh sha mi heregh, a yila sha iti i TER; a tim tenti na heregh; mbatomov mba Isaka dugh ijôr her.

Genese 26:30

A yôr ve iwer, ve ya, ve ma.

Genese 31:54

Tsô Yakob na nagh ku sôngon sha uwo la, a lôhô anngôôv nav er ve̱ va ya kwagh; ve va ya di je, maa ve tsa hen uwo la.

Genese 4:4

Abel kpaa pande ônov mba tsutswav mba ilev nav, va na ahôm a ve. TER rumun Abel kua nagh nagh.

Genese 43:25

Ve dugh iwua, ve ver a ver, er Yosev una va va iyange sha tembe yô; gadia ve ungwa er vea va ya kwagh her.

Genese 8:20

Tsô Noa ta atse a nanden TER nagh sha mi, a pande hanma injanyam i wang, man hanma injanyon i wang, a na nagh ku nanden sha atse la.

2 Samuel 9:7

Davidi kaa a na er: De cie ga, gadia mimi je me er a we dedoo sha ci u teru Yonatan; me hide u a tar u teru, Saulu, cii; ú ya kwagh sha tebul wam gbem.

2 Kroniku 30:22

Hesekia ôr kwagh sha ishima i nongo u Mbalevi cii, mba ve fe tom u TER dedoo la. Ayange ataankarahar cii, ve lu yan iniongo, ve lu nan iniav mbi bem, ve lu sughun TER, Aôndo u uter vev.

Yobu 1:5

Tsô zum u iniongo ve ia ningir ia tser yô, Yobu a tindi loho er ve̱ va, i̱ wanger ve; nahan a mough pepe, a na iniav mbi nanden sha iyenge ve cii; gadia Yobu a hen er: Alaghga ônov av er kwaghbo, ve venda Aôndo ken asema a ve. Kape Yobu eren gbem la.

Yobu 42:11

Tsô anngôôv nav cii va her a na, mba nomso kpaa, mba kasev kpaa, kua mba ve vande fan un kera cii, ve va ya kwagh a na imôngo hen ya na; ve sugh un; shi ve sur un ishima sha ican i TER va a mi sha a na cii la; nahan hanma or na un gbengeriyôô kua kunya u zenaria.

Yobu 42:8

Yô, hegen, kôr nen anomabua ataankarahar man anomaiyôngo ataankarahar, za nen hen wanakiriki Wam Yobu, za na nen nagh ku nanden sha ci wen; wanakiriki Wam Yobu a̱ er msen sha ci wen; gadia Me rumun un, nahan Me kera or ne iyev sha lanegh enegh ga; gadia ne terem sha kwagh u mimi er wanakiriki Wam Yobu a er nahan ga.

Ekesodu 18:13

Tsô kper gen yô, Mose tema lu kuren ior ajir; ior tile hen Mose pepe je zan zan iyange kar been.

Ekesodu 2:16

Pristi u Midian lu a ônov mba kasev utaankaruhar; ve va kese mngerem, ve gba ivin utso sha u ilev mbi ter ve mbi̱ ma yô.

Ekesodu 2:20

A gema a pine ônov nav er: Nan ngu hana? Ka nyi ne undu or laa? Za kaa un a̱ va ya kwagh.

Ekesodu 20:24

Tam atse a inyaagh; ka sha a, ú naan iniav mbi nanden man iniav mbi bem, iyôngo you kua abua ou ye; sha hanma ijiir i M ver Mer, i̱ umbur iti Yam ker yô, Me va kohol we her, Me ver u doo doo.

Ekesodu 24:11

A bende mbatamen mba Iserael ave ga, ve nenge a Aôndo, ve ya kwagh, ve ma kwagh.

Ekesodu 24:5

Shi a tindi mbayevikaior mba ken Mbaiserael ve na TER nagh ku nanden, shi ve sôngo TER nagh ku bem sha anomabua.

Ekesodu 3:1

Tsô Mose lu kuran ilev mbi ter na kem Yetero, pristi u Midian la; a yem a ilev vegher u ken ijime i desereti a za ar hen uwo u Aôndo, ka Horebi je la.

Ekesodu 33:7

Mose yô, a tôô tenti a tim ken akôngoafogh, lu ca a afo, a yila un er: Tenti u kohol ker. Nahan yô, hanma or u nan keren TER, nan due nan za hen tenti u kohol ker, u ken akôngoafogh la.

Daniel 10:3

M ya kwaghyan u dedoo ga, inyam shin wain kpaa nyôr ken zwa wam ga, m shighe mkurem iyol je ga, zan zan ulahadi mba jimin utar.

Numeri 10:29

Tsô Mose kaa a Hobabi, wan u Reuel, Ormidian u a lu terkem u Mose la er: Se mba yemen hen ijiir i TER A kaa er: Me na ne i la; yô, mough a vese imôngo, sé er a we dedoo; gadia TER ôr kwagh u dedoo sha Iserael.

Luka 14:1

Er A za nyôr hen ya u orvesen ugen u ken Mbafarishi sha iyange i memen sha u za yan kwaghyan yô, ve haa ashe sha a Na.

Luka 14:15

Ugen ken mba ve tem ve lu yan kwagh a Na imôngo la, ongo akaa ne yô, a kaa a Na er: Á saan or u nana ya kwaghyan ken tartor u Aôndo la iyol.

1 Mbakorinte 10:18

Nenge nen sha kwagh u mba i mar ve ve lu Mbaiserael la. Mba ve ye nagh yô, ve zua ve hingir kwagh môm a atse a nanden nagh sha mi la gaa?

1 Mbakorinte 10:21

Ne fatyô u man iyongo i Ter kua i ujijingi mba bov la imôngo ga. Ne fatyô u yan sha tebul u Ter kua sha tebul u ujijingi mba bov la kpaa ga.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 27:7

Sôngo iniav mbi bem kpaa, ya her; ember sha ishigh ki TER, Aôndo wou.