Ekesodu 16:8 - ICIGHAN BIBILO

⁸ Mose kaa er: Ka shighe u TER Una na ne inyam aikighe, né ya, kua kwaghyan pepe kpaa, á kuma ne la; gadia TER ungwa ivever i ne eren Un la; se mba nyi? Ka se, ne ze se ivever iyol ga, kpa ka TER.

Ekesodu 16:8 Iomraidhean Croise

Ekesodu 16:12

M ungwa ivever i Mbaiserael; yô ôr kwagh a ve, kaa ve wer: Aikighe né ya inyam, kper pepe yô, né ya kwaghyan una kuma ne man né fa er Mo M lu Aôndo wen ye.

Ekesodu 16:9

Mose kaa a Aron er: Kaa mkohol u ior i Mbaiserael cii wer: Va kporom nen sha ishigh ki TER, gadia A ungwa ivever yen.

Ekesodu 17:2

Nahan ior mough ayôôso a Mose, ve kaa er: Na se mngerem, se̱ ma. Mose kaa a ve er: Ka nyi ne mough ayôôso a mo, man ka nyi ne karen TERE?

Yesaia 32:6

Gadia ibumeor ka nan ôr ibume kwagh, ishima i nan kpaa i eren iferkwagh, sha u eren kwagh u dang, man u ôron kwagh sha mtsum sha TER, geman den mbagenev ve̱ lu ijen her, man u nyumen mba imura i ker ve la, kwaghman.

Yesaia 37:29

Er u hundu sha a Mo, man imanger you i u manger la, i va nyerem ker ato yô, nahan Me wa tsuwe Wam ken ihinga you, kua lijam Wam kpaa ken zwa wou, Me hide a we sha gbenda u u ve mi la.

Numeri 11:18

Shi kaa a ior wer: Tsegha nen ayol a en, sha ci u kper nahan, né ya inyam, gadia ne vaa sha ato a TER ner: Ka an nana na se inyam se̱ ya? Gadia lu doo se ken Igipiti; nahan yô, TER Una na ne inyam né ya di je.

Numeri 14:27

Ka hanma shighe je ior mba aferev mban vea de u zan Mo ivever iyoloo? M ungwa ivever i Mbaiserael ve eren Mo yô.

Numeri 21:7

Nahan ior va hen Mose, ve kaa er: Se er isholibo er se hingir ayôôso a TER man a we kpaa yô; sôn TER A̱ kura iyô ne hen a vese kera. Tsô Mose gba sônon sha ci u ior.

Mateu 10:40

U nan rumun ne yô, ka Mo, nan rumun ye; man u nan rumun Mo yô, nan ngu rumun Un u A tindim la.

Mateu 9:4

Man er Yesu fa mbamhen vev yô, A kaa er: Ka nyi ne henen kwagh u bo ken asema a ene?

Luka 10:16

U nan ongo ne yô, nan ngu ungwan Mo; u nan vende ne yô, nan ngu vendan Mo; man u nan vendem yô, ka u A tindim la je, nan vende ye.

YOHANE 13:20

Mimi mimi je M kaan ne ne, or u nan rumun hanma or u M tindi yô, nan ngu rumun Mo; man u nan rumun Mo yô, nan ngu rumun Un u A tindim la kpaa.

Mbaromanu 13:2

Nahan yô, or u nan hendan a tahav mbula yô, ka Aôndo u A ver mbu la je nan lu hendan a Na ye. Mba ve hendan a mbu kpaa vea tôô mtsaha sha ayol a ve.

1 Mbakorinte 10:10

De gbe nen ahon er mbagenev ken ve lu ve gba ahon man ortiminior gema tim ve nahan ga.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

1 Samuel 8:7

TER gema kaa a Samuel er: Ver ato, ungwa hanma kwagh u ior vea kaa u cii; gadia ka we ve vende ga, kpa ka Mo ve vende er M̱ de lu tor ve ga ye.