Ekesodu 16:4 - ICIGHAN BIBILO

⁴ Tsô TER kaa a Mose er: Nenge, Me er kwaghyan una due Sha una haa ne shin inya; ior ve̱ due hanma iyange, ve̱ kuran á kuman sha sev mbula, sha u Me kar ve, shin vea er sha atindi Am, shin vea er sha mi ga.

Ekesodu 16:4 Iomraidhean Croise

Nehemia 11:23

Gadia tor kaa imo sha kwagh ve, man shi i ver tindi u taver sha ci u mbawanatsam, sha ci u gbayol ve u ayange ayange.

Nehemia 9:15

U na ve kwaghyan u Sha kpaa, sha ci u ijen ve, man U due ve a mngerem ken vande sha ci u imura ve, U kaa a ve Wer, ve̱ nyôr, ve̱ ngohol tar u U kende uwegh Ough sha Wer, Ú na ve la.

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Upasalmi 105:40

Ve sôn, A tindi ve a utakange, A na ve ruam u Sha kuma ve.

Upasalmi 78:23

Nahan kpaa A wa ikwavaôndo kwagh Sha, A bugh ihinda i Usha,

Ekesodu 15:25

Nahan a vaa a TER; tsô TER tese un kon ugen, a gbihi u shin mnger, mngerem maa hingir dedoo. A wa ve kwagh heregh, shi A na ve tindi kpaa; ka heregh kpaa, A kar ve ye;

Ekesodu 16:15

Zum u Mbaiserael nenge a mi yô, ve gba pinen ayol a ve er: Ka nyi ne? Gadia ve fa kwagh shon ga. Tsô Mose kaa a ve er: Ka kwaghyan u TER A ne ne, er né ya je ne.

Anzaakaa 30:8

Na, akaa a gbilinigh kua mbaaie, ve̱ gba ca a mo; de nem ibanave ga, shin inyaregh kpishi kpaa ga, kosom sha kwaghyan u una kuma sha gbayol wam yô,

Mateu 6:11

na se kwaghyan wase nyian u a lu sha ci u ayange ayange la;

Luka 11:3

Na se kwaghyan wase u a lu sha ci u ayange ayange la;

1 Mbakorinte 10:3

Ve cii ve ya kwaghyan u sha inja i jijingi la môm je.

Duteronomi 8:16

u A koso u ken desereti sha mana, kwagh u uter ou fa un ga, sha u Una hide a iyol you ijime man Una kar u sha er ken masejime Una ver u doo doo yô.

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Yosua 24:15

Kpa aluer, u civir TER, á lu ne kwagh u bo yô, tsuwa nen u i lu ne ka civir la nyian, shin a lu Mbaaôndo mba Ifi yandera mba uter enev lu civir la, shin mbaaôndo mba Mbaamor, mba ne tem ken tar ve ne; kpa mo a ya wam cii yô, ka TER sé civir Un ye.