Ekesodu 16:3 - ICIGHAN BIBILO

³ Mbaiserael kaa a ve er: Guda u ma se kpe sha uwegh ku TER ken tar u Igipiti zum u se teman a ityev mbi inyamev ikum se yaan bredi kuman se la; gadia ne va a vese ken desereti ne ner, né va wua nongoior ne cii sha ijen.

Ekesodu 16:3 Iomraidhean Croise

2 Samuel 18:33

Tsô vihi tor kpishi; a unde sha iyou i sha, i sha hundagar, a gba vaan zenden kaan er: Ahii! Wan wam Abesalom, wan Wam! Wan wam Abesalom! Guda yô, mo ma m kpe sha ci wou. Ahii! Abesalom, wan wam, wan wama!

Yobu 3:1

Ken masetyô u kwagh ne yô, Yobu bugh zwa na wa iyange na ifan.

Yobu 3:10

gadia mbu wuhe ihinda i iyav mbu ngôm ga, mbu yer ashe am a ican kpaa ga.

Yobu 3:20

Ka nyi A ne or u nan lu ken ican la iwanger, man mba asema a vihi ve tsung la uma kpaa?

Upasalmi 107:5

ijen man imura kôr ve, vôr ve iyol;

Upasalmi 78:19

Een, ve ôr kwagh a Aôndo sha mhendan, ve kaa er: Aôndo Una fatyô u yôron se iwer ken desereti kpa?

Upasalmi 78:25

Hanma or nan ya ruam u mbaageev; A tindi ve a kwaghyan kuma ve je.

Ekesodu 14:11

Ve pine Mose er: Ka iwar i ban ken Igipiti ve u kor se wer se̱ va kpe ken toho yee? Ka nyi u er a vese nahan, u due a vese ken Igipiti?

Ekesodu 17:3

Yô, imura lu kôron ior, nahan ior gba zan Mose ivever iyol pinen er: Ka nyi u dugh a vese ken tar u Igipiti wer u va wua se a ônov asev kua uzendenya asev sha imura?

Ekesodu 2:23

Tsô sha ayange shon a a kar kpishi la, tor u Igipiti kpe; Mbaiserael kpaa shir asema lu vaan sha ci u tom u kpan la, mliam vem ma sha tom u kpan la kôndo nyôr sha Aôndo.

Ekesodu 5:21

ve kaa a ve er: TER A̱ nenge sha a ven, A̱ ôr ijir; gadia ka ne je, ne ne, se dugh Farao ishima kua mbatomov nav kpaa; shi ne we ve sanker sha ikev ner, ve̱ wua se kpaa ye.

Yeremia 2:6

Ve kera pine er: TER u A dugh a vese ken tar u Igipiti la yô, ngu han ga, Wen u A kar a vese ken taaikôngo, ken tar u udeserti man u ahungwa, ken tar u ikpoghonya man u mure u kuugh, ken tar u or nan karen ken u ga, man ma or kpaa nan tem ya ker ga yô?

Yeremia 42:14

nea kaa ner: Ei; kpa ka ken tar u Igipiti sé yem ye, henpe sé kera nenge a ityav ga, man sé ungwa imo i ikpamkor ga, man shi ijen i kwaghyan kpaa ia kera kôr se ga; ka keela je sé za tema ye:

Yeremia 44:17

Kpa se yô, hanma kwaghôron u a dugh se ken zwa yô, sé er un kpee je, sé nanden torkwase u Sha nagh, shi sé toon un iniav mbi man er se vande eren nahan, se kua uter asev man utor asev kua mbatarev asev, ken agar a Yuda man sha igbenda i Yerusalem; gadia hen shighe la se lu a kwaghyan kpishi man se lu doo doo, se nenge kwaghbo ashe ga.

Ukwelegh 4:9

Guda mba i woo ve sha sanker, a mba ijen i woo ve la, mba ve use, i kuma ve due kera, sha ci u mban u iyiav mbi ken sule yô.

Numeri 11:15

Aluer kape U eren a mo nahan ne yô, ma U shi woom tsô; aluer a doo U a mo yô, m̱ de kera nengen ican yam ga.

Numeri 11:20

kpa á lu uwer jimin zan zan ia due ne ishima, ia ndôhôr ne ishima kpaa, sha ci u ne vende TER u A lu hen atô wen, ne vaa sha ishigh Nagh ne kaa ner: Ka nyi yan se due ken Igipiti nahana?

Numeri 14:2

Mbaiserael cii gba zan Mose man Aron ivever iyol, ior cii kaa er: Guda ma se kpe ken tar u Igipiti, gayô, guda ma se kpe ken desereti ne je!

Numeri 14:3

Ka nyi man TER A ve a vese ken tar ne er se̱ va kpe ku u ishôm nahana? Kasev man mbayev asev mba kiriki, á va kura ve; kera guda u sé hide ken Igipiti gaa?

Numeri 16:13

er u dugh a vese ken tar u atumbabua man iyough dumbur ker la wer, ú va wua se ken desereti ne, nahan ka kwagh u kiriki? Shi ka u ka yan tor sha vese kpaa ha?

Numeri 16:41

Tsô sev mbu av yô, ior i Mbaiserael cii mough ayôôso sha Mose kua Aron, ve gba kaan er: Ka ne je ne woo ior mba TER ye.

Numeri 21:5

Nahan ior hingir ayôôso a Aôndo man Mose, ve kaa er: Ka nyi ne dugh a vese ken Igipiti ner, sé va ken desereti nahan? Gadia kwaghyan kpaa ngu ga, mngerem kpaa ma ga; kwaghyan u injaa ga ne, due se ishima.

Aerenakaa A Mbaapostoli 26:29

Paulu kaa er: Sarem her Aôndo shin una lu kpuaa shin una ngee, i̱ de lu we tseegh ga, kpa i̱ lu mba ve lu ungwan mo nyian ne cii ma ve hingir er mo m lu nahan, saa di ikangenev mbin tsô.

1 Mbakorinte 4:8

Ne ide kera ve, ne hingir mbanyarev kera ve, ne ya tor, kpa se lu ga. Ma ne ye tor, se kpaa ma se ye tor a ven imôngo.

2 Mbakorinte 11:1

Kpash, ma ne we ishima a anibume wam ne tsô; een, wa nen ishima a mo!

Duteronomi 28:67

pepe yô, ú kaa wer: Iyange ma i shi bee! Iyange ia been yô, ú kaa wer: Ma i lu pepe! Sha ci u mcie u ishima you u ú cie yô, man sha ci u kwagh u a lu u sha ishi, u ashe ou aa nenge yô.

Duteronomi 8:3

A hide a iyol you ijime, A de ijen kôr u, kpa A shi A koso u sha mana, kwagh u u fe un ga je yô, uter ou kpaa fa un ga, sha er Una tese u, u̱ fa er i lu sha kwaghyan tseegh man or a lu uma ga yô, kpa i lu sha hanma kwaghôron u a dugh ken zwa u TER man or a lu a uma sha mi yô.

Yosua 7:7

Yosua kaa er: Kpe ahii! Tere AÔNDO, ka nyi man U rumun ior mban ve̱ per Yordan kpee, sha u nan se sha ikev i Mbaamor sha er ve̱ tim se? Guda ma se gbe lun yande Yordan keela tsô!