Ekesodu 16:23 - ICIGHAN BIBILO

²³ A kaa a ve er: Ka kwagh u TER A kaa je la er: Kper ka iyange i memen, ka icighaniyange i memen i TER je; kaa nen kwagh u a sar ne u kaan yô, shi jiidi nen kwagh u a sar u jiidi kpaa; hanma kwagh u a shi yô, koso nen zan zan sev mbu av.

Ekesodu 16:23 Iomraidhean Croise

Nehemia 9:13

Shi U sen sha uwo u Senai, U ôr kwagh a ve Sha, U na ve akaaôron a jirigh a jighilii, man atindiakaa a mimi man akaawan a dedoo kua atindi;

Nehemia 9:14

U pase ve icighaniyange i memen You man U wa ve atindi man akaawan kua atindiakaa sha ikev i wanakiriki Wou Mose;

Ekesodu 16:19

Mose kaa a ve er: Or môm nana̱ de deen, a̱ lu her zan zan sev mbu̱ av ga.

Ekesodu 23:12

Er tom wou ayange ataratar, sha iyange i ataankarahar la mem, sha er bua wou kua jaki you kpaa ve̱ mem, wan u kpankwase wou kua shiror kpaa, i̱ yôhôl ve iyol.

Ekesodu 31:15

I̱ er tom ayange ataratar, kpa iyange i sha utaankaruhar la yô, ka iyange i memen, i̱ memen tom cii, ka icighankwagh u TER je; hanma or u nana er tom sha iyange i memen yô, i̱ wua nan kpee je.

Yeremia 17:22

Man shi de tee nen ma ikav ken uya enev, duen a mi sha iyange i memen ga, man shi de eren nen ma tom kpaa ga, kpa tseghan nen iyange i memen er lu M kaa uter enev nahan.

Levitiku 23:3

I̱ eren tom ayange ataratar, kpa iyange i ataankarahar la, ka iyange i memen i kôron ma tom ave ga, ka icighanmkohol; de eren nen ma tom ga; ka iyange i memen i TER ken ajiir a en a ne tem cii.

Numeri 11:7

Mana yô, lu er ishange i koliande nahan, mluashe na lu er iniôndo i balsem nahan.

Numeri 11:8

Ior ve due ve za kura un ve wua sha iniase, gayô, ve kume a kume shin mbaakpela, ve jiir shin itye, ve eren masa a mi; aluer ú bende un ken zwa yô, a lu u er ka masa u i kaa sha mkure yô.

Luka 23:56

Mba hir yô, ve sôr icimbiv man mkurem ma shighen. Tsô ve mem sha iyange i memen sha tindi.

Duteronomi 5:12

Waan iyange i memen iko sha er u tseghan i yô, er TER, Aôndo wou, A kaa u nahan.

Mpase U Yohane 1:10

M lu ken Jijingi sha iyange i Ter, tsô m ungwa zegeimo ken ijime yam er ka ikpamkor nahan,