Ekesodu 16:15 - ICIGHAN BIBILO

¹⁵ Zum u Mbaiserael nenge a mi yô, ve gba pinen ayol a ve er: Ka nyi ne? Gadia ve fa kwagh shon ga. Tsô Mose kaa a ve er: Ka kwaghyan u TER A ne ne, er né ya je ne.

Ekesodu 16:15 Iomraidhean Croise

Ekesodu 16:4

Tsô TER kaa a Mose er: Nenge, Me er kwaghyan una due Sha una haa ne shin inya; ior ve̱ due hanma iyange, ve̱ kuran á kuman sha sev mbula, sha u Me kar ve, shin vea er sha atindi Am, shin vea er sha mi ga.

YOHANE 6:58

Ngun ka kwaghyan u a sen Sha je ne; ka er uter enev lu ya mana, shi kpe la ga. U nan ye kwaghyan ne yô, nana lu uma gbem sha won.

Ekesodu 16:31

Ya u Iserael yila iti na er: Mana; lu pupuu er asange a koliande nahan, lu ken zwa er mumuyough nahan.

Duteronomi 8:3

A hide a iyol you ijime, A de ijen kôr u, kpa A shi A koso u sha mana, kwagh u u fe un ga je yô, uter ou kpaa fa un ga, sha er Una tese u, u̱ fa er i lu sha kwaghyan tseegh man or a lu uma ga yô, kpa i lu sha hanma kwaghôron u a dugh ken zwa u TER man or a lu a uma sha mi yô.

1 Mbakorinte 10:3

Ve cii ve ya kwaghyan u sha inja i jijingi la môm je.

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Nehemia 9:15

U na ve kwaghyan u Sha kpaa, sha ci u ijen ve, man U due ve a mngerem ken vande sha ci u imura ve, U kaa a ve Wer, ve̱ nyôr, ve̱ ngohol tar u U kende uwegh Ough sha Wer, Ú na ve la.

Yosua 5:12

Er ve ya kwaghyan u tar la kera, kper nan yô, mana de u haan; Mbaiserael shi kera zua a mana mayange ga, kpa ve ya kwaghyan u ken tar u Kanaan ken inyom la.

YOHANE 6:49

Uter enev ya mana ken taaikôngo, kpa ve kpe.

Duteronomi 8:16

u A koso u ken desereti sha mana, kwagh u uter ou fa un ga, sha u Una hide a iyol you ijime man Una kar u sha er ken masejime Una ver u doo doo yô.

Numeri 21:5

Nahan ior hingir ayôôso a Aôndo man Mose, ve kaa er: Ka nyi ne dugh a vese ken Igipiti ner, sé va ken desereti nahan? Gadia kwaghyan kpaa ngu ga, mngerem kpaa ma ga; kwaghyan u injaa ga ne, due se ishima.

Ekesodu 16:33

Mose kaa a Aron er: Tôô ityegh, haa mana shimi, ikaren u omer môm poo, ver sha ishigh ki TER, i̱ kuran un her sha ci u ikov yen i ken hemen.

Mpase U Yohane 2:17

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan mana u ken myer la, shi Me na nan iwen i pupuu, man sha iwen la yô, i nger iti i he sha mi, i ma or nan fe i ga, saa or u nana ngohol i la.

Mbaheberu 9:4

lu a atse a zenaria a nanden kwaghhumandoon sha mi man shi areki u ikuryan, i cir un zenaria iyol cii. Ityegh ki sha zenaria ki ki lu a mana shimi lu ker, kua gbough ku Aron ku ku kpar la man shi ikpande i awen i ikuryan kpaa.

Luka 12:30

gadia akaa ne cii akuraior sha won cii nga keren; kpa Ter Wen fa er kwagh a gbe ne sha akaa ne cii yô.

Anzaakaa 9:5

Va, va ya nen kwaghyan wam, ma wain u m nongo ne;

Upasalmi 78:24

A haa ve mana, er ura ka ua nôôn nahan, sha u ve̱ ya yô, A na ve iyiagh ki Shaagh.

Upasalmi 105:40

Ve sôn, A tindi ve a utakange, A na ve ruam u Sha kuma ve.