Ekesodu 15:8 - ICIGHAN BIBILO

⁸ Sha iôôn i ahenga Ou la, mngerem ta tihi, uikuwanmbamngerev tile sha er ka tihi nahan aiv kôrough shin sema u zegemnger.

Ekesodu 15:8 Iomraidhean Croise

2 Samuel 22:16

Zum la tareghnyaagh u zegemnger due, amagh a taregh hingir ken igbar, sha myange u TER, sha m-ee u humbe u ken ahenga a Na.

Yobu 4:9

Sha iôôn i Aôndo tsô, ka ve tim, man sha humbe u iyugh Na, ka ve saa kera.

Upasalmi 33:7

A kohol mngerem ma zegemnger, er ka tihi yô; A koso aiv a mnger ken iuna.

Upasalmi 78:13

A pav zegemnger, A per a ve, A er mngerem ma tile er tihi nahan.

Ekesodu 14:29

Kpa Mbaiserael yô, per sha tareghnyaagh hen atô u zegemnger; mngerem lu ve ken iyan kua ken imese er kpekpe nahan.

Yesaia 11:4

kpa ka sha perapera Una ôr ijir i mbaatsanev ye; man shi Una kure kwagh sha mi vough a mbalun asema legh legh shin tar; Una tsaha tar sha kwagir u ken zwa Na; man sha iôôn i ken zwa Na la, Una wua mbaaferev.

Yesaia 37:7

Nenge, Me na jijingi ugen ker a na, una ungwa agwa, tsô una hide una yem ken tar na la; Me na una kpe ku u sha sanker ken tar na la.

Habaku 3:10

Iwo nenge a We, cier i iyol; mngerem ma zegeura kar; iv kaa imo i i, i kende ave a i sha.

Habaku 3:15

U ndyar zegemnger sha anyinya a Ou, ka tihi u mngerem ma vesen.

2 Timoteu 2:8

ka zum la man á pase un u a vende atindi la ken igbar ye. Ter Yesu Una wua un sha iôôn i sha zwa Na man Una tim un kera sha mve Na man m-ande Na.

Yosua 3:13

Tsô shighe u akevangahar a upristi mba ve tee areki u TER, TER u tar cii, aa tile shin mngerem ma Yordan yô, á tôndo mngerem ma Yordan ma senen mara, maa tile er kpekpe nahan.

Yosua 3:16

tsô mngerem ma senen mara tile ijiir i môm, mor yem ca je hen Adam, gar u lu hen kpe Saretan la; mngerem ma senen shin zegemnger u Araba la, ka Zegemnger u Bar je la, i tôndo ma wang; nahan ior per sha ishigh ki Yeriko jighilii.