Ekesodu 15:21 - ICIGHAN BIBILO

²¹ Miriam kaa a ve er: Ter nen TER icam, gadia A hemba tser tser; nyinya kua orhendan un kpaa, A haa ve shin zegemnger.

Ekesodu 15:21 Iomraidhean Croise

2 Samuel 1:20

De kera ôron kwagh la ken Gati ga, de kera yôôn un sha igbenda i Ashekelon kpaa ga, sha er ônkasev mba Mbafiliti ve̱ de ember ga, Sha er ônkasev mba mbaipusuv ve̱ de kera geren ga yô.

2 Samuel 6:14

Nahan Davidi vine amar sha ishigh ki TER sha agee na cii, Davidi zer efodi u sha ikondo i pupuu.

2 Kroniku 5:13

Tsô zum u mba tôngonikor man mbawanatsam lu imôngo cii, lu wan icam imo i môm, sha u wuese TER sughum Un yô, zum u ve ger imo a ikor man ukwen kua ityougholov, ve lu wuese TER kaan er: Gadia A doo, gadia erdoo Na ngu gbem sha won. Nahan maa iyou iv a ibeenegh, ka iyou i TER je la,

Upasalmi 76:6

Sha mzehe Wou, Aôndo u Yakob, ikyekyeutya kua nyinya ve hume cii.

Ekesodu 15:1

Tsô zum la Mose kua Mbaiserael gba wan icam ne teren TER, kaan er: Me wa icam me ter TER, gadia A hemba tser tser; nyinya kua orhendan un kpaa, A haa ve shin zegemnger.

Ekesodu 15:4

Akeke a Farao kua ikumutya na kpaa, A haa ve shin zegemnger; mbautyav nav mba hemban cii kpaa, ve mire shin Zegemnger u Nyian.

Mpase U Yohane 14:3

Ve lu wan icam i he sha ishigh ki ikônough ki torough kila man sha ishigh ki akaauma a anyiin la man mbatamen kpaa. Ma orgen fatyô u rumun icam la ga, saa di mba dubu deri man akunduahar kar unyiin mbala mba i paa ve shin tar la tseegh.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,

Mbaajiriv 5:3

Ungwa nen, ne utor; ver nen ato, ne atiator; mo me wa icam me ter TER, me wa icam i wuese TER, Aôndo u Iserael.

1 Samuel 18:6

Tsô, er ve hide, man Davidi kpaa hide zum u a wua Orfiliti la yô, kasev due ken agar a Iserael cii gba wan icam vinen amar zan, za keghen tor Saulu gbenda, a anigingav, a iember, man mbaadiguve mba lun a ingyanyinya utar.

1 Samuel 18:7

Ken amar la yô, kasev lu wan atsam, mbagenev lu nderan, mbagenev lu rumun, kaan er: Saulu wua udubu udubu; Davidi yô, wua udubu pue pue.