Ekesodu 15:16 - ICIGHAN BIBILO

¹⁶ Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Ekesodu 15:16 Iomraidhean Croise

Genese 35:5

Tsô ve mough ve gba yemen; mcieryol u Aôndo haa sha agar a a kase ve cii, nahan ve kera zenda ônov mba Yakob ijime ga.

2 Samuel 7:23

Ka hanma ikurior igen sha won i lu er ior Ou Iserael nahana, i Aôndo A za yem i er i̱ hingir ior Nav jim, sha u iti Na i̱ za sha won, man sha u Una er uzegembaakaav sha ci ve kua akaa a cieryol sha ci u tar Wou, sha ishigh ki ior Ou, mba U yem ve sha ci Wou ken Igipiti sha ikev i atôatyev man mbaaôndo veve?

Upasalmi 105:38

Zum u ve yem la, doo Mbaigipiti, gadia ve cier ve iyol.

Upasalmi 74:2

Umbur nongo Wou u U yam ica i gba je, u U paa Wer, u̱ hingir ior i dyako Wou, kua uwo u Shion u U tem sha u la.

Upasalmi 89:14

Perapera man ijirôron i mimi, ka ve ve lu imagh ki ikônough You ki torough ye; erdoo man mimi mba zan We sha ishi.

Ekesodu 11:7

Kpa hanma or u ken Mbaiserael yô, aniwa tsô kpaa, una dugh nombor a nan ga, man a zendenya kpaa ga; sha er ne̱ fa er TER A pav Mbaigipiti kposo a Mbaiserael yô.

Ekesodu 15:13

Sha erdoo Wou, U hemen ior mba U paa ve yô, U hemen ve gbenda sha agee Ou, U za a ve hen icighanjiir Wou.

Ekesodu 15:5

Aiv cir ve, ve sen shin iv er iwen nahan.

Ekesodu 15:6

Uwegh Ough ku yanegh, TERE, ku a icivir, sha ci u agee Ou; uwegh Ough ku yanegh, TERE, ku her orihom.

Ekesodu 18:8

Mose ôr ter na kem akaa cii, a TER A er a Farao man Mbaigipiti sha ci u Iserael yô, man shi atsan a a tser ve sha gbenda cii, kua myem u TER yima ve kpaa.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 23:20

Nenge, M ngu tindin Ortyom Mer, A̱ hemen we gbenda, A̱ za nyôr a we hen ijiir i M ser i yô.

Ekesodu 23:22

Aluer ú ver ato sha imo Na mimi je, ú er akaa a M kaa cii yô, Me hingir orihom u mbaihomov ou, man shi orhendan a mbaahendanev ou.

Ekesodu 23:27

Me na mcieryol Wam una vande hemen a we, Me er mbaihomov ou cii vea yevese we.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Yesaia 51:10

Ka We U uma zegemnger, mngerem ma zan tsung la; man U gema aiv a zegemnger, hingir gbenda sha ci u mba i paa ve, ve̱ per gaa?

Yesaia 63:12

Wen u lu na uwegh Nagh ku icivirigh ku zan a uwegh ku yanegh ku Mose imôngo man A pav mngerem sha ishigh vegh, sha u Una er iti Na i̱ tsôr sha won;

Yeremia 31:11

Gadia TER paa Yakob, A yima un sha ikev i or u nan hembe un agee yô.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Duteronomi 11:25

Ma or nana fatyô u tilen ne sha ishi ga; TER, Aôndo wen, Una haa mcieryol wou man mciem ma á cian we sha tar u né za ndyar sha u la cii, er A kaa ne nahan.

Duteronomi 2:25

Nyian je, Me hii u haan mcieryol wou man mciem ma á cian we sha akuraior a sha won cii; mba vea ungwa kwagh wou, vea gbire akarkase iyol, asema á yina ve sha ci wou.

Duteronomi 2:4

Kaa ior wer: Karen yen hegen sha tar u anmgbianev enev ônov mba Isou, mba ve tem sha Seir la; vea cia ne; yô, ver nen ayol a en dedoo,

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Duteronomi 32:9

Gadia kwar u TER ka ior Nav je; Yakob ka kwar u dyako Na.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Yosua 2:9

a kaa a nomsombaiorov mbala er: M fa TER na ne tar ne, ne cier se iyol, ior mba ve tem hen tar ne ci ca, mba gbidyen ikarikase iyol sha ci u cian ne.

Yosua 4:24

sha er akuraior a sha won cii a̱ fa uwegh ku TER ka ku ageegh je, man sha er ne̱ cian TER Aôndo wen gbem.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

1 Samuel 2:9

Una kula angahar a uicighan Nav, kpa mbaaferev yô, vea saa ken ime; gadia a lu sha agee yô, ma or môm nana hemba ga.

1 Samuel 25:37

Tsô sev mbu aven wain samben Nabal ashe yô, kwase na ôr un akaa la, ishima na maa hume, a hingir er iwen nahan.