Ekesodu 14:4 - ICIGHAN BIBILO

⁴ Me cighir Farao ishima, una tôv ve angahar; nahan Me gema Me zua a zua a icivir sha kwagh u Farao kua ikumutya na cii; Mbaigipiti vea fa er Mo M lu TER yô. Tsô ve er nahan.

Ekesodu 14:4 Iomraidhean Croise

Nehemia 9:10

man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Ekesodu 10:2

man shi sha u, ú ôr sha ato a wan wou man wan u wan wou kpaa, akaa a M er Mbaigipiti, man uivande Av mba M er hen a ve, sha er ne̱ fa er Mo M lu TER yô.

Ekesodu 10:27

Kpa TER cighir Farao ishima, nahan a rumun er ve̱ yem ga.

Ekesodu 12:28

Tsô ônov mba Iserael yem za er nahan; er TER kaa Mose vea Aron nahan, kape ve er je la.

Ekesodu 14:23

Mbaigipiti cir ve ijime gba hungwan zan shin atô u zegemnger ken ijime ve, anyinya a Farao cii man akeke na kua mbaanyinyav nav kpaa.

Ekesodu 14:25

A er inya kange sha akaver a akeke ve, ve gba yemen hemen sha ican je; tsô Mbaigipiti kaa er: Sé yevese nen Mbaiserael, gadia TER ta ikaa ken ve, ngu ihom a Mbaigipiti.

Ekesodu 14:3

Nahan Farao una gba teren Mbaiserael kaan er: Ve tsume ken tar la ve, desereti yisa ve gbenda.

Ekesodu 14:5

Zum u i kaa tor u Igipiti er ior mbala ve yem a yem je yô, ishima i Farao kua i mbatomov nav gema kposo sha kwagh u ior mbala, ve pine er: Ka nyi se gbe den Iserael ve yem ve de u shiren se nahana?

Ekesodu 14:8

TER cighir Farao tor u Igipiti ishima, tsô a zenda Mbaiserael ijime; kpa Mbaiserael yô, ve due ve lu yemen sha uwegh ku ageegh je.

Ekesodu 18:11

Hegen yô, m fa, TER hemba mbaaôndo cii, gadia A yima ior sha ikev i Mbaigipiti, zum u ve manger sha ve la.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Ekesodu 7:17

TER ngu kaan nahan er: Kwagh u ú fa min, er Mo M lu TER je yô, nenge, ka sha gbough ku ku lu sha uwegh agh kun me gbidye mngerem ma shin ifi ne maa gema maa hingir awambe ye.

Ekesodu 7:3

Mo Me cighir Farao ishima, Me er uivande Av man akaa a Am a kpilighyol aa ngee ken tar u Igipiti kpishi.

Ekesodu 7:5

Mbaigipiti vea fa er Mo M lu TER yô, zum u Me naregh uwegh Agh sha Igipiti, Me due a Mbaiserael ken atô ve kera la.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Esekiel 20:9

Kpa M er kwagh sha ci u icivir i iti Yam, sha u i̱ de kera hôngor a i sha ashe a a akuraior, henpe ve tem la, ga; ka sha ashe a M pase iyol Yam her a ve, er M due a ve ken tar u Igipiti la.

Esekiel 28:22

kaa wer: Ter AÔNDO ngu kaan nahan er: Nenge, M ngu num a we, we Shidon; Me pase icivir Yam hen atô wou; man vea fa er Mo M lu TER ye, zum u Me ôr un ijir Me tsaha un, man Me pase mtsegh Wam ker a na kpaa la.

Esekiel 32:15

Zum u Me gema tar u Igipiti ua hingir ice man gbilinkwagh, tar u i kar a akaa a a mgbough kimi la kera; zum u Me tsaha mba ve tem ken u cii yô, shighe la man vea fa er Mo M lu TER ye.

Esekiel 38:16

wea va ta sha ior Av Iserael er ibeenegh ki ki cir tar nahan; kwagh ne una va er sha ayange a masetyô la; sha shighe la, Me va a we sha u u̱ va nôngo ityav a tar Wam sha u akuraior a̱ fam yô, zum u Me tese mtsegh Wam ken a we sha ashe ve la, we Gogi.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Esekiel 39:13

Een, ior mba ken tar la cii vea ii ve; nahan á hingir ve kwagh u icivirigh, sha iyange i Me tese icivir Yam, kape Ter AÔNDO A kaa ne.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Mbaromanu 11:8

Kape i nger kpaa la er: Aôndo na ve jijingi u yaven mem mem man shi ashe a vea nenge kwagh a mi ga man shi ato a vea ungwa kwagh a mi kpaa ga yô, zan zan nyian je.

Mbaromanu 9:17

Gadia icighanruamabera ngu kaan a Farao er, ka sha ci u kwagh ne je M ver u u lu uma ye, ka sha u Me tese agee a Am ken a we man shi i̱ yôô iti Yam sha won cii kpaa.

Mbaromanu 9:18

Nahan yô ka A zungwe or u i sar Un la mhôônom, kpa or u i sar Un u cighir nan ishima yô, A cighir di je.

Yosua 11:20

Gadia ka TER je, A cighir ve asema er ve̱ mough ityav a Iserael sha er ve̱ tim ve ci ca cii, ve̱ de ker mhôônom ga yô, kpa ve̱ tim ve, er TER kaa a Mose nahan.

Mbaajiriv 4:7

Mo Me urugh we Shisera, kurutya u Yabin, Me va a na hen ifi u Kishon, a akekeautya na kua akumautya na; Me na un sha ikev you.