Ekesodu 14:12 - ICIGHAN BIBILO

¹² Ka kwagh u iyange se kaan a we ken Igipiti ser: Gba den se, se̱ eren Mbaigipiti tom tsô ne gaa? Gadia hemba doon se u eren Mbaigipiti tom a u se lu kpen ken desereti ne.

Ekesodu 14:12 Iomraidhean Croise

Upasalmi 106:7

Zum u uter asev lu ken Igipiti la, ve wa akaa Ou a kpilighyol la iko ga, ve umbur erdoo Wou u ngeen yum la ga, kpa ve hendan hen zegemnger, ka Zegemnger u Nyian je la.

Ekesodu 13:17

Man zum u Farao de ior er ve̱ yem yô, Aôndo kar a ve hen gbenda u ken tar u Mbafiliti ga, er u lu kôvoraa nahan kpaa; gadia Aôndo kaa er: Ior mban ve̱ de za nengen a ityav, ve̱ vaan afanyô, ve̱ hiden ken Igipiti ga.

Ekesodu 3:9

Nenge, mliam ma Mbaiserael va hen a Mo je; shi M nenge m-imbishi u Mbaigipiti ve imbishi ve yô.

Ekesodu 5:21

ve kaa a ve er: TER A̱ nenge sha a ven, A̱ ôr ijir; gadia ka ne je, ne ne, se dugh Farao ishima kua mbatomov nav kpaa; shi ne we ve sanker sha ikev ner, ve̱ wua se kpaa ye.

Ekesodu 6:9

Kape Mose ôr kwagh a Mbaiserael la; kpa ve ungwa imo i Mose ga, sha ci u asema lu vihin ve man ican i ikpan kpaa nyer ve iyol yô.

Hosea 4:17

Eferaim var a akombo; de un tsô.

Yona 4:3

Nahan yô, TERE, ma U shi ngohol uma wam her a mo kera tsô, gadia guda u me kpe a u m lu uma her.

Yona 4:8

Tsô zum u iyange due yô, Aôndo na ahumbe a tseen a sha ityoughkitaregh va; nahan iyange ta Yona sha ityou, zan zan a hume, a tôm er ma un kpe, a kaa er: Guda u me kpe a u me lu uma her.

Marku 1:24

a kaa er: Ka nyi i zough se a We, We Yesu Ornasareti, U va sha u va timin see? M fa U doo doo, U ngu Icighan u Aôndo je.

Marku 5:7

genger imo taver taver, kaa er: Ka nyi i zoughom a We, Yesu Wan u Aôndo Uhembansha? M zua U vea Aôndo, de eren mo ican ga.