Ekesodu 13:9 - ICIGHAN BIBILO

⁹ A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Ekesodu 13:9 Iomraidhean Croise

Nehemia 1:10

Yô, mban ka mbayev Ou man ior Ou mba U paa ve sha agee a Ou a hemban man uwegh Ough ku taver kpaa yô.

Upasalmi 136:11

A due a Iserael ken atô ve kera, gadia erdoo Na ka u tsôron gbem sha won;

Upasalmi 136:12

a uwegh ku taver, man ikasewe i naregh, gadia erdoo Na ka u tsôron gbem sha won;

Upasalmi 89:13

U ngu a uwegh ku ageegh, uwegh Ough ka ku taver je, U kende uwegh Ough ku yanegh, ku sha je.

Ekesodu 12:14

Iyange ne, i̱ lu ne iyange i umbur, ver nen i, i̱ hingir iniongo i civir TER; yaan nen i sha ikov ikov, i̱ hingir ne tindi u eren nahan gbem sha won je.

Ekesodu 12:41

Tsô anyom deri unyiin man ikundugber nga kar yô, sha iyange la je, akumaior a TER cii due ken tar u Igipiti.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:16

A̱ hingir ikav sha uwegh ough man kwagh u zeren sha icul senen hen kungwa wou; gadia ka sha uwegh ku ageegh je TER due a vese ken Igipiti ye.

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 3:20

Mo kpaa Me naregh uwegh Agh, Me tsaha tar u Igipiti sha akaa Am a kpilighyol a Me er ken u yô; ken masetyô yô, una pase ne.

Ekesodu 7:4

Kpa Farao una ungwa ne ga, Mo Me penda uwegh Agh sha Igipiti, Me due a akum a Am, ior Av Mbaiserael, ken tar u Igipiti kera, sha ajiraôron a vesen.

Anzaakaa 1:9

Gadia vea hingir we kwagh u hweegh sha icul, kua mshirim sha mon wou kpaa.

Anzaakaa 3:21

Wan wam, de kera deen ve, ve̱ karen hen ashe ou kera ga, waan kwaghfan u mimi iko man m-er u sha inja kpaa,

Anzaakaa 7:23

zan zan ivaan i ta un sha mtema tsula; er inyon i yemen fefa hen kwaghhônon yô, a kera fa er i lu sha ci u msaa u uma na je ga.

I Solomon 8:6

Verem er kunya u i nger ikav sha mi sha ishima you man er kunya u i nger ikav sha mi sha uwegh ough kpaa; gadia dooshima taver er ku nahan; mgbegh u dooshima taver er Sheol nahan, myegh na ka myegh u usu je, nomborusu u TER je.

Yesaia 27:1

Sha iyange la TER Una ôr Leviatan, iyô i yevese fefa la, ijir, a sanker Na u gendeghee u kehen u taver, kua Leviatan, iyô i hulen nure nu nure la, shi Una wua darakon u a lu shin zegemnger la kpaa.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 44:5

Ugen nana kaa er: Mo m ngu u TER je; ugen kpaa nana tôô iti i Yakob; ugen yô, nana nger sha uwegh ku nan er: Ka kwagh u TER je, nana seer iti i nan er, Iserael.

Yesaia 49:16

Nenge, M gber u sha akevaveegh Am; ukpekpe ou kpaa mbam sha ishi gbem.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yesaia 59:21

TER ngu kaan nahan er: Ikuryan Yam a ve ka i ne: Jijingi Wam u A lu sha a we man akaaôron Am a M we u ken zwa, aa due u ken zwa kera mayange ga, shin sha zwa u tsombor u vor wou kpaa ga, kape TER A kaa la, hii hegen je, zan zan gbem sha won.

Yeremia 22:24

Er M lu u uma ne, kape TER A kaa ne: Shin Konia wan u Yehoyakim tor u Yuda una lu kunya u veren ikav a mi sha uwegh Agh ku yanegh je kpaa, nahan kpaa Me tsuwa u kera,

Daniel 9:15

Hegen yô, Tere, Aôndo wase, u U dugh a ior Ou ken tar u Igipiti sha uwegh ku ageegh, U na iti You i za gwa er i lu nyian nahan, se er isholibo, se er kwagh u ifer.

Yoel 2:11

TER genger imo sha ishigh ki mbautyav Nav la, gadia ikumutya Na kehe gande; un u a eren sha imo Na la, ka u ageegh; gadia iyange i TER ka i vesen je, i cier iyol kpaa, ka an nana fatyô u hendan ishigh a ii?

Numeri 15:39

a̱ lu ne anzôr a né kenger sha mi man né umbur atindi a TER cii, né waan a iko kpaa yô; sha er de zenden nen sha ishima yen man sha ashe a en ga, ka kwagh u a ne ne idya i eren je la;

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mbaromanu 10:8

Kpa i kaa nana? I kaa er: Kwaghôron ne ngu ikua ikua a we, ngu ken zwa wou kua ken ishima you kpaa. Ka kwaghôron u jighjigh u nan u se lu yôôn un ne:

Duteronomi 30:14

Kpa kwaghôron ngu ikua ikua a we je, ken zwa wou man ken ishima you sha er u̱ er sha mi yô.

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.

Duteronomi 6:21

Yô, kaa wan wou wer: Ngise se lu ikpan i tor Farao ken Igipiti; TER due a vese ken Igipiti sha uwegh ku ageegh;

Duteronomi 6:6

Akaaôron a m kaan we nyian ne, a̱ lu u ken ishima,

Duteronomi 6:8

Man zer a sha uwe, a̱ lu u ikav, shi a̱ lu u kwagh u zeren sha icul senen hen kungwa.

Mpase U Yohane 18:8

Sha ci u nahan yô, atsan a na aa va shire sha a na iyange i môm je. Ka ku man ijungwen man ijen kpaa, á nande un sha usu kpaa. Gadia Ter Aôndo u A lu ôron un ijir la ka u ageegh je.

Mbaajiriv 2:12

ve undu TER, Aôndo u uter vev, u A due a ve ken tar u Igipiti la, ve gema ve dondo mbaaôndo mbagenev, mbaaôndo mba akuraior a a kase ve la, ve gure, ve civir ve; nahan ve bam TER.