Ekesodu 13:5 - ICIGHAN BIBILO

⁵ Yô, zum u TER Una za a we ken tar u Mbakanaan man Mbahiti man Mbaamor man Mbahivi man Mbayebushi, u A bum a uter ou er Una na u u la, tar u atumbabua man iyough ve dumbur ken u la yô; shighe la, wa iko u eren ieren ne sha uwer ne je

Ekesodu 13:5 Iomraidhean Croise

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

Genese 50:24

Tsô Yosev kaa a anngôôv nav er: M ngu kpen; Aôndo Una va sôr ne kpee je, Una due a ven ken tar ne, Una yem a ven ken tar u A bum er Una na Aberaham man Isaka man Yakob yô.

1 Kroniku 1:15

man Mbahivi man Mbaarki man Mbashini

Ekesodu 12:24

Waan nen kwagh ne iko a̱ hingir ne tindi u eren nahan, ne kua ônov enev kpaa gbem sha won je.

Ekesodu 13:10

Nahan yô, wa iko u eren sha tindi ne sha shighe na vough, sha anyom anyom.

Ekesodu 13:11

Tsô zum u TER Una nyôr a we ken tar u Mbakanaan er lu bum a we man uter ou la, Una za na u u yô,

Ekesodu 3:17

man shi M kaa Mer: Me due a ven ken ican i ken Igipiti, Me yem a ven ken tar u Mbakanaan man Mbahiti man Mbaamor man Mbaperishi man Mbahivi man Mbayebushi, tar u atumbabua man iyough ve dumbur ker la.

Ekesodu 3:8

Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Ekesodu 32:13

Umbur mbayev Ou, Aberaham man Isaka man Iserael, mba U bum a ve sha iyol You je, U kaa a ve Wer: Me seer tsombor wen ua ngee er asan a Sha nahan; man tar u M ter kwagh u u ne cii Me na tsombor wen, ú ya dyako u u gbem sha won.

Ekesodu 33:1

Tsô TER kaa a Mose er: Mough heen, we kua ior mba u due a ve ken tar u Igipiti ne, yem nen ken tar u M bum a Aberaham man Isaka man Yakob M kaa Mer: Ka tsombor wou je Me na u u ye;

Ekesodu 34:11

Ver ishima sha kwagh u M we u nyian ne; nenge, M zenda Mbaamor sha ishigh you kera kua Mbakanaan man Mbahiti man Mbaperishi man Mbahivi man Mbayebushi kpaa.

Ekesodu 6:4

Shi M ya ikur a ve Mer, Me na ve tar u Kanaan, tar u shir ve, u ve lu shir ker la.

Ekesodu 6:8

Man shi Me va a ven ken tar u M bum Mer, Me na Aberaham man Isaka man Yakob la; Me na ne u, ua lu dyako wen; ka Mo TER.

Yeremia 11:5

sha u Me kure mbum u M bum a uter enev, Mer, Me na ve tar u atumbabua kua iyough ve dumbur ker la, er i lu nyian nahan ne. Tsô m rumun, mer: Amen, TERE.

Yeremia 32:22

man shi U na ve tar ne U bum a uter vev Wer, Ú na ve, tar u atumbabua man iyough ve dumbur ken u la;

Esekiel 20:6

Sha iyange la je M bum a ve Mer: Me due a ve ken tar u Igipiti, Me va a ve ken tar u lu M tsuwa sha ci ve la, tar u dumbur a atumba man iyough, u hemba ityar igen cii mdoom.

Levitiku 20:24

Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.

Numeri 11:12

Ka mo m wa iyav mbu ior mban yee? Ka mo m mar ve shinii, ve U kaan a mo Wer: Kôr ve sha ikum er yese ka a kôr wan u man atumba nahan, a ve hen tar u U bum Wer Ú na uter vev la yee?

Numeri 13:27

Ve ôr un er: Se za ken tar u u tindi se la, mimi je, atumbabua dumbur ken u man iyough; ka atam a ikon a ker je ne.

Numeri 14:16

Ka sha ci u TER A fetyô u nyôron a ior mban ken tar u A bum er Una na ve la ga man A woo ve ken desereti ye.

Numeri 14:30

ne yô, né nyôr ken tar u M bum Mer, Me na ne u, sha er né tema ker la je ga, saa Kalebu wan u Yefune man Yosua wan u Nun tseegh.

Numeri 32:11

Mba ve dugh ken Igipiti ne, mô ve môm u nan kom anyom ikundu man u nan hembe nahan yô, nana nenge tar u M bum a Aberaham man Isaka man Yakob la ashe je ga, sha er ve dondom sha ishima i môm ga yô,

Duteronomi 12:29

Zum u TER, Aôndo wou Una tim akuraior sha ishigh you kera, a u ze wer ú za zenda a la, man zum u ú zenda a, ú tema ken tar u a yô,

Duteronomi 19:1

Zum u TER, Aôndo wou, Una tim akuraior, a TER, Aôndo wou, Una na u tar u a, man á zenda a kera, ú tema ken agar a ve man ken uya vev yô,

Duteronomi 26:1

Zum u ú nyôr ken tar u TER, Aôndo wou, Una na u er u̱ hingir dyako wou, ú ngohol u, ú tema ker yô,

Duteronomi 7:1

Zum u TER, Aôndo wou, Una nyôr a we ken tar u u ze sha u za ngohol u la yô, man Una zenda akuraior kpishi sha ishigh you kera, ka Mbahiti man Mbagirgashi man Mbaamor man Mbakanaan man Mbaperishi man Mbahivi man Mbayebushi, akuraior ataankarahar a a hembe u iyenge man agee kpaa yô,

Yosua 24:11

Ne per Yordan, ne va hen Yeriko; ior mba Yeriko nôngo ityav a ven kua Mbaamor man Mbaperishi man Mbakanaan man Mbahiti man Mbagirgashi man Mbahivi kua Mbayebushi; kpa M na ve sha ikev yen.