Ekesodu 13:3 - ICIGHAN BIBILO

³ Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 13:3 Iomraidhean Croise

Genese 15:16

Kov u sha unyiin la ua shi á hide hen ijiir ne; gadia ibo i Mbaamor ngi a iv ve ga.

1 Utor 8:42

(gadia vea ungwa gwa u iti You i vesen, man uwegh Ough ku ageegh, man uwegh Ough ku naregh), zum u nana va er msen nana ver ishigh hen iyou ne,

1 Kroniku 16:12

Umbur nen ityom Na i kpilighyol i A er yô, uivande Nav kua ajiraôron a ken zwa Na;

Nehemia 1:10

Yô, mban ka mbayev Ou man ior Ou mba U paa ve sha agee a Ou a hemban man uwegh Ough ku taver kpaa yô.

Nehemia 9:10

man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Upasalmi 105:5

Umbur nen ityom Na i kpilighyol i A er yô, uivande Nav kua ajiraôron a ken zwa Na,

Upasalmi 114:1

Zum u Iserael due ken tar u Igipiti, ya u Yakob due ken ior mba zwa ve lu kposo la yô,

Upasalmi 136:11

A due a Iserael ken atô ve kera, gadia erdoo Na ka u tsôron gbem sha won;

Upasalmi 136:12

a uwegh ku taver, man ikasewe i naregh, gadia erdoo Na ka u tsôron gbem sha won;

Upasalmi 89:14

Perapera man ijirôron i mimi, ka ve ve lu imagh ki ikônough You ki torough ye; erdoo man mimi mba zan We sha ishi.

Ekesodu 12:15

Ayange ataankarahar cii, né yaan bredi u i we kwa sha mi ga yô; hii sha iyange i hiihii la je, né dugh kwa ken uya enev kera; gadia hanma or u nana ya bredi u a lu a kwa, hii sha iyange i hiihii zan zan sha iyange i ataankarahar la yô, i̱ dugh or la ken Iserael kera.

Ekesodu 12:17

Yô, waan nen iniongo i bredi u i we kwa sha mi ga la iko, gadia ka sha iyange la je, M due a akum a en ken tar u Igipiti kera; ka nahan man né waan iyange ne iko sha ikov ikov je, á hingir ne tindi u eren nahan gbem sha won ye.

Ekesodu 12:19

Ayange a ataankarahar la cii, i̱ de kera zough a kwa ken uya enev ga; gadia hanmô u nana ya kwagh u i we kwa sha mi yô, or la á dugh nan ken mkohol u ior i Iserael kera, shin nana lu shiror, shin a lu or u tar la kpaa.

Ekesodu 12:2

Uwer ne u̱ lu ne uwer u hiihii ken iwer, u̱ lu ne uwer hiihii u inyom.

Ekesodu 12:41

Tsô anyom deri unyiin man ikundugber nga kar yô, sha iyange la je, akumaior a TER cii due ken tar u Igipiti.

Ekesodu 12:42

Ka tugh mbu wan mbu iko kpishi, civir TER min, sha ci u mdugh u A due a ve ken tar u Igipiti la; mbun ka tugh mbu TER, mbu Mbaiserael cii vea waan mbu iko sha ikov ikov cii yô.

Ekesodu 12:8

Ve̱ ya inyam la tugh mbula je, ve̱ mgbagh a mgbagh sha usu; ve̱ ya i sha bredi u i we kwa sha mi ga yô, kua ikaiue i yuan.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:9

A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 20:8

Umbur iyange i memen sha er u tsegha i yô.

Ekesodu 23:15

Eren nen iniongo i bredi u i we kwa sha mi ga yô; ayange ataankarahar cii, ú ya bredi u i we kwa sha mi ga la, er M kaa u nahan, sha shighe u i ver la, sha uwer u Abiba; gadia ka sha u man u dugh ken tar u Igipiti ye; or a̱ de ve sha ishigh Yagh aveve ga;

Ekesodu 3:20

Mo kpaa Me naregh uwegh Agh, Me tsaha tar u Igipiti sha akaa Am a kpilighyol a Me er ken u yô; ken masetyô yô, una pase ne.

Ekesodu 34:18

Eren nen iniongo i bredi u i we kwa sha mi ga la. Ayange ataankarahar cii, ú ya bredi u i we kwa sha mi ga yô, er M kaa u yô, sha shighe u i ver, sha uwer u Abiba la; gadia ka sha uwer u Abiba la, u due ken Igipiti ye.

Ekesodu 6:1

TER kaa a Mose er: Hegen ú nenge kwagh u Me er a Farao yô, gadia á lu sha uwegh ku ageegh man una de ve, vea yem ye, man á lu sha uwegh ku ageegh je una zenda ve ken tar na kera ye.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Ekesodu 7:4

Kpa Farao una ungwa ne ga, Mo Me penda uwegh Agh sha Igipiti, Me due a akum a Am, ior Av Mbaiserael, ken tar u Igipiti kera, sha ajiraôron a vesen.

Yeremia 34:13

TER, Aôndo u Iserael, ngu kaan nahan er: Mo M ya ikur a uter enev sha iyange i M due a ve ken tar u Igipiti, ken ya u ikpan la, M kaa Mer:

Daniel 9:15

Hegen yô, Tere, Aôndo wase, u U dugh a ior Ou ken tar u Igipiti sha uwegh ku ageegh, U na iti You i za gwa er i lu nyian nahan, se er isholibo, se er kwagh u ifer.

Mateu 10:12

Nea nyôr ken ya yô, sugh nen ya la.

Luka 22:19

Shi A tôô bredi, sughun Aôndo yô, A coon, A na ve, A kaa er: Ngun ka iyol Yam je ne, [i i ne sha ci wen; eren nen kwagh ne sha u umbur Mo.

1 Mbakorinte 11:24

sughun Aôndo yô, A coon A kaa er: Ngun ka iyol Yam je ne, ngi sha ci wen. Eren nen kwagh ne sha u umbur Mo.

1 Mbakorinte 5:8

Nahan yô, se ya nen iniongo i̱ de lu sha kwa u tse ga, shin sha kwa u bo shin u ifer kpaa ga, kpa i̱ lu sha bredi u i we kwa sha mi ga yô, u wang man u mimi.

Mbaefese 1:19

man shi er agee a Na a vese a gande ken vese mba se ne jighjigh yô, sha inja i ieren i tahav mbu agee a Na.

Duteronomi 13:10

Ta un awen, a̱ kpe, sha ci u a nenge u urugh we er, u̱ undu TER, Aôndo wou, u A dugh a we ken tar u Igipiti ken ya u ikpan la yô.

Duteronomi 13:11

Nahan Iserael cii vea ungwa, vea cia, mayange vea kera seer eren ma injaifer er ingin nahan ken a we ga.

Duteronomi 13:5

Profeti shon la, shin or u mnyam ma cie nan la, i̱ wua nan sha ci u nan tese er i̱ hendan kwagh a TER, Aôndo wen, u A dugh a ven ken tar u Igipiti A paa u hen ya u ikpan la yô; sar nan ka urugh we sha gbenda u TER, Aôndo wou, A kaa u er u̱ za sha mi la kera. Kape ú er man ú dugh ifer ken a we kera ne.

Duteronomi 13:6

Aluer anngôu u ngô môm, shin wan wou, shin wan wou u kwase, shin kwase wou u ishima ishima, shin huror wou u a lu er ka uma wou nahan je, una mee u myer, er: Sé za civir nen mbaaôndo mbagenev, mba u fe ve ga, uter ou kpaa ve fe ve ga yô,

Duteronomi 15:15

Umbur er ngise u lu kpan ken tar u Igipiti man TER, Aôndo wou, paa u yô; ka nahan man M kaan we kwagh ne nyian ye.

Duteronomi 16:1

Wa uwer u Abiba iko, er TER, Aôndo wou, Paseka; gadia ka ken uwer u Abiba TER, Aôndo wou, due a we ken Igipiti tugh ye.

Duteronomi 16:12

Umbur er ngise u lu kpan ken Igipiti yô, waan akaawan ne cii iko eren sha a kpaa.

Duteronomi 16:3

De kera ye bredi u i we kwa sha mi a na imôngo ga; ayange ataankarahar la cii, yaan bredi u i we kwa sha mi ga yô, a na imôngo, ka bredi u ican je la; gadia iyange u due ken tar u Igipiti fele fe fele; sha er u̱ umbur iyange i u due ken tar u Igipiti la sha ayange a uma wou cii yô.

Duteronomi 24:18

Umbur er u lu kpan ken tar u Igipiti man er TER, Aôndo wou, A paa u ker yô; ka nahan man m kaa u mer, er kwagh ne ye.

Duteronomi 24:22

Umbur er ngise u lu kpan ken tar u Igipiti yô; ka nahan man m kaa u mer, er kwagh ne ye.

Duteronomi 26:8

nahan TER due a vese ken Igipiti sha uwegh ku ageegh man uwegh ku naregh man akaacieryol a vesen man uivande kua akaakpilighyol;

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.

Duteronomi 5:6

Ka Mo M lu TER, Aôndo wou, u M dugh a we ken tar u Igipiti ken ya u ikpan ye.

Duteronomi 6:12

shighe la kura iyol you sha er u̱ de hungul TER u A dugh a we ken tar u Igipiti ken ya u ikpan la ga yô.

Duteronomi 6:21

Yô, kaa wan wou wer: Ngise se lu ikpan i tor Farao ken Igipiti; TER due a vese ken Igipiti sha uwegh ku ageegh;

Duteronomi 7:8

kpa ka sha ci u ne doo TER ishima man sha ci u A we ishima u kuren mbum u A bum a uter enev la, TER A dugh a ven sha uwegh ku ageegh A paa ne ken ya u ikpan sha ikev i Farao, tor u Igipiti ye.

Duteronomi 8:14

Ú gba moron iyol je, TER, Aôndo wou, u A dugh a we ken tar u Igipiti ken ya u ikpan la Una hungul we,

Duteronomi 9:12

TER kaa a mo er: Mough heen, hungwa fese, gadia ior ou mba u dugh a ve ken Igipiti la, ve er kwagh u dang ve; ve undu gbenda u M kaa ve la fese je, ve gema ve ker eev.

Yosua 24:17

gadia TER, Aôndo wase, ka Un, A dugh a vese kua uter asev ken tar u Igipiti ken ya u kpan ye, shi A er uzegembaakaav mban sha ashe ase je, A kura se sha gbenda u se vaan sha mi cii, kua ken akuraior a se kar hen atô u a cii kpaa;

Mbaajiriv 2:12

ve undu TER, Aôndo u uter vev, u A due a ve ken tar u Igipiti la, ve gema ve dondo mbaaôndo mbagenev, mbaaôndo mba akuraior a a kase ve la, ve gure, ve civir ve; nahan ve bam TER.

Mbaajiriv 6:8

TER tindi Mbaiserael a profeti ugen, a va kaa a ve er: TER, Aôndo u Iserael, ngu kaan nahan er: Mo M due a ven ken Igipiti, M due a ven ken ya u ikpan kpaa;