Ekesodu 13:16 - ICIGHAN BIBILO

¹⁶ A̱ hingir ikav sha uwegh ough man kwagh u zeren sha icul senen hen kungwa wou; gadia ka sha uwegh ku ageegh je TER due a vese ken Igipiti ye.

Ekesodu 13:16 Iomraidhean Croise

Nehemia 1:10

Yô, mban ka mbayev Ou man ior Ou mba U paa ve sha agee a Ou a hemban man uwegh Ough ku taver kpaa yô.

Upasalmi 136:11

A due a Iserael ken atô ve kera, gadia erdoo Na ka u tsôron gbem sha won;

Ekesodu 12:13

Awambe la, a̱ lu ne ikav sha uya mba ne lu ker la; zum u Me nenge awambe la yô, Me aver ne, Me kar; nahan kwagh u bo u timin ne, una kera tser ne ga, zum u Me tsahan tar u Igipiti la.

Ekesodu 12:41

Tsô anyom deri unyiin man ikundugber nga kar yô, sha iyange la je, akumaior a TER cii due ken tar u Igipiti.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:9

A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Ekesodu 6:1

TER kaa a Mose er: Hegen ú nenge kwagh u Me er a Farao yô, gadia á lu sha uwegh ku ageegh man una de ve, vea yem ye, man á lu sha uwegh ku ageegh je una zenda ve ken tar na kera ye.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Anzaakaa 6:21

kange i ken ishima you gbem, har i sha mon wou;

Daniel 9:15

Hegen yô, Tere, Aôndo wase, u U dugh a ior Ou ken tar u Igipiti sha uwegh ku ageegh, U na iti You i za gwa er i lu nyian nahan, se er isholibo, se er kwagh u ifer.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Aerenakaa A Mbaapostoli 13:17

Aôndo u nongoior u Iserael ne, lu tsuwa uter asev, A kende nongoior ne sha zum u ve lu shir ken tar u Igipiti la, a due a ve ken u kera sha uwegh ku ageegh.

Duteronomi 11:18

Yô, koso nen akaaôron am ne ken ishima yen ken uma wen kpaa; zer nen a sha uwe, a̱ lu ne ikav, shi a̱ lu ne kwagh u zeren sha icul senen hen kungwa.

Duteronomi 26:8

nahan TER due a vese ken Igipiti sha uwegh ku ageegh man uwegh ku naregh man akaacieryol a vesen man uivande kua akaakpilighyol;

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.

Duteronomi 6:21

Yô, kaa wan wou wer: Ngise se lu ikpan i tor Farao ken Igipiti; TER due a vese ken Igipiti sha uwegh ku ageegh;

Mbaajiriv 2:12

ve undu TER, Aôndo u uter vev, u A due a ve ken tar u Igipiti la, ve gema ve dondo mbaaôndo mbagenev, mbaaôndo mba akuraior a a kase ve la, ve gure, ve civir ve; nahan ve bam TER.