Ekesodu 13:12 - ICIGHAN BIBILO

¹² tsegha TER hanma wan u a hii duen ken uya; hanma waniunda u u lu a mi u a dugh ken zendenya, u a lu u nom yô, ka u TER je.

Ekesodu 13:12 Iomraidhean Croise

Nehemia 10:36

man shi ônov asev mba iundav mba nomso kua mba uzendenya asev er i nger ken atindiakaa nahan, man ônov mba iundav mba abua a ase, man mba iyôngo yase, sé va a mi hen you i Aôndo wase, hen upristi mba ve eren tom ken iyou i Aôndo wase;

Nehemia 10:37

man sé va a mwem asem ma geran ma hem, man iniav yasev mbi nan la, man atam a hanma injakon, man wain man mkurem, hen upristi, ken ayou a koson akaa ker a ken iyou i Aôndo wase; man sé va a môm-ken-upue u ishule yase hen Mbalevi; gadia Mbalevi vea ngohol môm-ken-upue sha agar a se kahan sule cii.

Ekesodu 13:1

Tsô TER ôr kwagh a Mose, kaa er:

Ekesodu 13:2

Tsegham hanma waniunda cii, kwagh u a hii duen ken uya ken Mbaiserael, a lu or shin zendenya kpaa, ka u Wam je.

Ekesodu 22:28

De toho Aôndo ga, shi de tem kwaghbo sha ortaregh u nongo wou kpaa ga.

Ekesodu 22:29

De ngôôr u nan nagh ku iyiav youv mbi ken sule wou ga, kua wain wou kpaa ga. Waniunda u ken ônov ou mba nomso ú naan Mo.

Ekesodu 34:19

Mba ve hii duen ken uya cii ka mba Av je, anomauile a ou cii, ônovmbaiundav mba ibuav kua mba iyôngov.

Ekesodu 34:20

Kpa waniunda u jaki yô, paa un sha waniyôngo; man aluer wea paa un ga yô, sombo un mon. Ônovmbaiundav ou mba nomso cii, paa ve. Ma or nana̱ de ve sha ishigh Yagh aveve ga.

Esekiel 16:20

Man shi ônov ou mba nomso man mba kasev, mba u marem la, u gema ve u na mbi nagh a mi, sha u ve̱ hingir kwaghyan u mbi. Idya you la, ka kwagh u kiriki,

Esekiel 44:30

Iyiav mbi hemban doon mbi tsutswav cii mbi hanma kwagh, man hanma nagh ku kenden sha ku iniav yenev mbi kenden sha cii, mbia hingir mbi upristi; man shi mwem enem ma geran ma hemban doon kpaa, na nen upristi sha u iveren i̱ lu sha ya wou.

Levitiku 27:26

Kpa waniunda u uzendenya u sha mmar na je i mar un er a̱ lu waniunda u TER yô, ma or nana̱ de tsegh un ga; shin a lu bua, shin a lu iyôngo kpaa, ka kwagh u TER je.

Numeri 18:15

Hanma kwaghuma u a hii duen ken uya, u ve ne TER yô, shin á lu or, shin a lu zendenya kpaa, á lu u wou; kpa á lu waniunda u or yô, ú paa un kpee, man shi waniunda u uzendenya mba ve lu wang ga kpaa ú paa un.

Numeri 3:12

Ka Mo je, M tsough Mbalevi ken Mbaiserael sha ityough ki mbaiundav mba ve hii duen ken uya, ken Mbaiserael la, Mer, Mbalevi ve̱ lu mba Av ye;

Numeri 3:13

gadia mbaiundav cii ka mba Av; sha iyange i M wua mbaiundav cii ken tar u Igipiti la, M tsegha mbaiundav mba ken Iserael cii sha ci Wam, mba iorov kua mba uzendenya kpaa; ka mba Av je; ka Mo TER.

Numeri 8:17

Gadia ônovmbaiundav mba ken Mbaiserael cii ka mba Av, mba iorov kua mba uzendenya cii; sha iyange i M wua mbaiundav mba ken tar u Igipiti cii la, M tsegha ve sha ci Wam iyol Yam.

Luka 2:23

er i nger ken tindi u Ter er: Hanma wannomso u iunda á yilan er icighankwagh u Ter,

Duteronomi 15:19

Ônovmbaiundav mba ibua you man iyôngo you i mar cii, mba ve lu anom yô, tsegha TER, Aôndo wou, ve; de eren tom a gumbua u iunda wou ga, man de tende aive a gumiyôngo u iunda wou kpaa ga.