Ekesodu 12:23 - ICIGHAN BIBILO

²³ Gadia TER Una va kar, sha u za tsahan Mbaigipiti; kpa zum u Una nenge awambe sha kpandehunda u sha man sha ikpande i ambusu a hunda ihiar yô, TER Una aver hunda la, Una kar, Una rumun Ortiminior er a̱ nyôr ken ayou a en, a̱ tsaha ne ga.

Ekesodu 12:23 Iomraidhean Croise

2 Samuel 24:16

Zum u ortyom la naregh uwegh sha gar u Yerusalem sha u una tim un yô, mhôônom kôr TER sha kwaghbo la, A gema A kaa a ortyom u timin ior la er: Kuma ve; hide a uwegh ough ijime tsô. Ortyom u TER gema lu hen vande u gbiren alakema u Arauna Oryebushi la.

Yobu 14:13

Kpe ahii, ma U yerem shin Sheol, ma U yerem zan zan iyugh You ma i kar kera, ma U verem shighe, ma U shi U umbur mo!

Ekesodu 11:4

Tsô Mose kaa er: TER kaa nahan er: Á va kuman ateghôtôutu nahan, Me zende ken tar u Igipiti cii;

Ekesodu 12:7

Ve̱ er awambe na ve̱ shighe sha ikpande i ambusu a hunda man kpandehunda u sha, ken ayou a vea ya un keregh la.

Yesaia 26:20

Va nen, ior Av, nyôr nen ken ayou a en, wuhe nen ihinda kera cii, yer nen kpeghee, zan zan iyugh i̱ kar kera.

Yesaia 37:36

Tsô ortyom u TER due za wua ior dubu deri man dubu akunduanyiin kar utaan ken afo a Mbaashiria. Zum u ior nder pepe yô, nenge, ve lu akom gbulugh gbulugh.

Esekiel 9:4

TER maa kaa a nan er: Za kar ken atô u gar, ken atô u Yerusalem, ver ikav sha atsul a ior mba ve lu a asema a shirin man ve vaa sha ci u akaa a ndôhôrshima a i eren ken a na la cii.

Esekiel 9:6

wua nen mbatamen man mbayevikaior man anuunaukase man mbayev mba kiriki man kasev; kpa de kera benden nen hanma or u nan lu a ikav la ave ga; hii nen hen icighanjiir wam je. Tsô ve hii sha mbatamen mba ve lu sha ishigh ki iyou la.

1 Mbakorinte 10:10

De gbe nen ahon er mbagenev ken ve lu ve gba ahon man ortiminior gema tim ve nahan ga.

Mbaheberu 11:28

Ka sha jighjigh u nan man a ver Paseka kua awambe a mishin la ye, sha u ortimin ônov mba iundav la a̱ de benden ve ave ga yô.

Mbaheberu 12:24

man shi Yesu, Orhimen u ikuryan i he, man awambe a mishin a a hembe ôron kwagh u doon a a Abel la.

Mpase U Yohane 7:3

a kaa er: De vihin tar shin zegemnger shin ikon kpaa ga saa sé ver mbatomov mba Aôndo wase ikav sha atsul ve.

Mpase U Yohane 9:4

I ta ve icin er ve̱ de vihin toho u sha tar ga, shin ma kwagh u menden shin ma kon kpaa ga, saa di ior mba ve lu a ikav i Aôndo sha atsul a ve ga la.