Ekesodu 12:19 - ICIGHAN BIBILO

¹⁹ Ayange a ataankarahar la cii, i̱ de kera zough a kwa ken uya enev ga; gadia hanmô u nana ya kwagh u i we kwa sha mi yô, or la á dugh nan ken mkohol u ior i Iserael kera, shin nana lu shiror, shin a lu or u tar la kpaa.

Ekesodu 12:19 Iomraidhean Croise

Ekesodu 12:15

Ayange ataankarahar cii, né yaan bredi u i we kwa sha mi ga yô; hii sha iyange i hiihii la je, né dugh kwa ken uya enev kera; gadia hanma or u nana ya bredi u a lu a kwa, hii sha iyange i hiihii zan zan sha iyange i ataankarahar la yô, i̱ dugh or la ken Iserael kera.

Ekesodu 12:20

Hanma kwagh u i we kwa sha mi yô, de ye nen un ga; sha ajiir a en a teman cii, né yaan bredi u i we kwa sha mi ga yô.

Ekesodu 12:43

Tsô TER shi kaa a Mose vea Aron er: Ka tindi u Paseka ne: Ma or u ikur igen nana̱ de ye un ga.

Ekesodu 12:48

Aluer ma shiror u nan nyer u a nyôr á sar nan pe yan Paseka, civir TER yô, i̱ tsôngo nomso mba hen ya u nan, man nana kporom nana za ya ye; nana hingir er ka or u tar la yô; kpa oripusu môm môm nana̱ de ye un ga.

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 13:7

Bredi u i we kwa sha mi ga la yô, á ya un sha ayange a ataankarahar la cii, i̱ de nengen we a bredi u lun a kwa ga; ken tar wou cii, i̱ de nengen we a kwa tsô kpaa ga.

Ekesodu 23:15

Eren nen iniongo i bredi u i we kwa sha mi ga yô; ayange ataankarahar cii, ú ya bredi u i we kwa sha mi ga la, er M kaa u nahan, sha shighe u i ver la, sha uwer u Abiba; gadia ka sha u man u dugh ken tar u Igipiti ye; or a̱ de ve sha ishigh Yagh aveve ga;

Ekesodu 30:33

Hanma or u nana nungwa magenem er ma nahan, shin hanma or u nan haa or u ken inya ma iyol yô, i̱ dugh nan ken nongo u nan kera.

Ekesodu 34:18

Eren nen iniongo i bredi u i we kwa sha mi ga la. Ayange ataankarahar cii, ú ya bredi u i we kwa sha mi ga yô, er M kaa u yô, sha shighe u i ver, sha uwer u Abiba la; gadia ka sha uwer u Abiba la, u due ken Igipiti ye.

Levitiku 23:5

Uwer u hiihii ayange a u pue kar anyiin, aikighe, ka Paseka u TER.

Numeri 9:13

Kpa or u nan lu wang nan lu ken zende kpaa ga, man nan we iko u yan Paseka ga yô, i̱ dugh nan ken nongo u nan kera, gadia nan na TER nagh sha shighe u i ver la ga, or la nana tôô isholibo i nan.

Duteronomi 16:3

De kera ye bredi u i we kwa sha mi a na imôngo ga; ayange ataankarahar la cii, yaan bredi u i we kwa sha mi ga yô, a na imôngo, ka bredi u ican je la; gadia iyange u due ken tar u Igipiti fele fe fele; sha er u̱ umbur iyange i u due ken tar u Igipiti la sha ayange a uma wou cii yô.