Ekesodu 12:16 - ICIGHAN BIBILO

¹⁶ Sha iyange i hiihii la, né er icighanmkohol, man sha iyange i sha utaankaruhar la kpaa, shi á lu icighanmkohol; á kera er ma tom sha a je ga, saa di kwagh u hanma or nana ya tsô, ka kwagh la tseegh né er ye.

Ekesodu 12:16 Iomraidhean Croise

Ekesodu 16:23

A kaa a ve er: Ka kwagh u TER A kaa je la er: Kper ka iyange i memen, ka icighaniyange i memen i TER je; kaa nen kwagh u a sar ne u kaan yô, shi jiidi nen kwagh u a sar u jiidi kpaa; hanma kwagh u a shi yô, koso nen zan zan sev mbu av.

Ekesodu 16:29

Nenge, er TER A ne ne iyange i memen yô, nahan sha iyange i ataratar la, ka A na ne kwaghyan a kuma ayange ahar. Yô, hanma or nana lu hen ijiir i nan, or môm nana de kera duen hen ijiir i nan sha iyange i ataankarahar la ga.

Ekesodu 16:5

Sha iyange i sha ataratar la yô, ve̱ er kwaghyan sha kwagh u ve ve a mi la, a̱ kuma er ve kor ayange ayange nahan, kwa har.

Ekesodu 20:10

kpa iyange i ataankarahar la, ka iyange i memen i TER, Aôndo wou, je la; sha iyange ngila de ker ma tom ave ga, we, man shi wan wou u nomso, man shi wan wou u kwase, man shi or u shiren we tom, man shi kwase u eren we tom, man shi uzendenya ou, man shi shiror u nan nyer u a nyôr;

Ekesodu 34:18

Eren nen iniongo i bredi u i we kwa sha mi ga la. Ayange ataankarahar cii, ú ya bredi u i we kwa sha mi ga yô, er M kaa u yô, sha shighe u i ver, sha uwer u Abiba la; gadia ka sha uwer u Abiba la, u due ken Igipiti ye.

Yesaia 1:13

Mayange shi de kera vaan nen a iniav sha lanshima ga; kwaghhumandoon kpaa kam kwagh u hôngorough je; uwer u he man iyange i memen, kua mlehe u sha mbamkohol kpaa— M kera fatyô u rumun iferkwagh a mkohol u iniongo imôngo ga.

Levitiku 23:21

Sha iyange la je, i̱ yôô i̱ lu ne icighanmkohol, de eren nen ma tom u ican ga; ngun ka tindi u gbem sha ajiir a ne tem cii sha ikov ikov.

Levitiku 23:27

Uwer u sha utaankaruhar sha ayange a u pue la, ka iyange i nan iwom, i̱ lu ne icighanmkohol, ule nen, na nen TER nagh ku usugh.

Levitiku 23:35

Sha iyange i hiihii la, i̱ er icighanmkohol, de eren nen ma tom u ican ga.

Numeri 28:18

Sha iyange i hiihii la, i̱ er icighanmkohol; de eren nen ma tom u ican ga;

Numeri 28:25

Sha iyange i ataankarahar la, er nen icighanmkohol, de eren nen ma tom u ican ga.

Numeri 28:26

Man shi sha iyange i iyiagh ki tsutswagh zum u ne na TER nagh ku sha samuyia ku hegh sha iniongo yen i ulahadi la yô, er nen icighanmkohol, de eren nen ma tom u ican ga,

Numeri 29:1

Uwer u sha utaankaruhar, sha iyange i hiihii i u la, er nen icighanmkohol, de eren nen ma tom u ican ga, i̱ lu ne iyange i tôngon ikor.

Numeri 29:12

Uwer u sha utaankaruhar sha ayange a u pue kar ataan la, er nen icighanmkohol de eren nen ma tom u ican ga, er nen iniongo i TER, ayange ataankarahar;

YOHANE 19:31

Er lu shighe u kohol iyol man shi er i doo u akomaior á lu sha terankon sha iyange i memen ga yô, sha ci u iyange i memen la lu zegeyange je yô, nahan Mbayuda zamber a Pilatu er i̱ kever angahar a ve, i̱ tôô ve kera.

Duteronomi 16:8

Ayange ataratar cii, yaan bredi u i we kwagh sha mi ga yô; sha iyange i ataankarahar la, ú er icighanmkohol u TER Aôndo wou; iyange la de eren ma tom ga.