Ekesodu 12:12 - ICIGHAN BIBILO

¹² Gadia hen tugh mbula, Me zende ken tar u Igipiti cii, Me wua hanma waniunda ken tar u Igipiti cii, u or kua u zendenya kpaa; mbaaôndo mba Igipiti cii kpaa, Me ôr ve ijir, Me tsaha ve; ka Mo TER.

Ekesodu 12:12 Iomraidhean Croise

1 Kroniku 14:12

Ve undu mbaaôndo vev heregh, nahan Davidi na zwa er i̱ nande ve sha usu.

Upasalmi 135:8

A wua ônovmbaiundav mba Igipiti, mba iorov kua mba uile kpaa.

Upasalmi 82:1

Aôndo ngu tilen ken mkohol u Aôndo; ngu ôron ijir hen atô u mbaaôndo.

Upasalmi 82:6

M kaa je Mer: Ne mba mbaaôndo; ne cii, ne mba ônov mba Uhembansha;

Upasalmi 91:7

Shin er ior dubu vea gba inya hen imbusu you, man ior dubu pue hen uwegh ough ku yanegh kpaa, we yô, una mgbôghom a we ga.

Upasalmi 95:3

Gadia TER ka Aôndo u vesen, ka Tor u vesen u hemban mbaaôndo mbagenev ca je.

Ekesodu 12:23

Gadia TER Una va kar, sha u za tsahan Mbaigipiti; kpa zum u Una nenge awambe sha kpandehunda u sha man sha ikpande i ambusu a hunda ihiar yô, TER Una aver hunda la, Una kar, Una rumun Ortiminior er a̱ nyôr ken ayou a en, a̱ tsaha ne ga.

Ekesodu 18:11

Hegen yô, m fa, TER hemba mbaaôndo cii, gadia A yima ior sha ikev i Mbaigipiti, zum u ve manger sha ve la.

Ekesodu 21:6

nahan, ter u nan a̱ za a nan hen Aôndo, a̱ va a nan hen hunda, shin hen kpande u imbusuhunda; ter u nan la, a̱ pev nan togh sha sua, nahan nana eren un tom gbem sha won.

Ekesodu 22:28

De toho Aôndo ga, shi de tem kwaghbo sha ortaregh u nongo wou kpaa ga.

Ekesodu 6:2

Man shi Aôndo ôr kwagh a Mose, kaa a na er: Ka Mo TER;

Ekesodu 9:6

Kper nan yô, TER er kwagh la, uzendenya mba Mbaigipiti cii kpe, kpa uzendenya mba Mbaiserael yô, môm tsô kpaa kpe ga.

Yesaia 19:1

Mkaanem ma Aôndo sha Igipiti. Nenge, TER tema sha ibeenegh ki zenden fefa, ngu van hen Igipiti; akombo a Igipiti aa gbidye akarkase iyol sha ishigh Nagh, ishima i Igipiti kpaa ia sough ken vanger na.

Yeremia 43:12

Me keer usu ken uya mba mbaaôndo mba Igipiti; una nande ve, una yem a ve uikangen; una cir tar u Igipiti iyol, er orkuranilev ka nan cir ikondo i nan nahan; una due keregh bem bem.

Yeremia 43:13

Shi una hembe mtôm ma awenem ma tempel u iyange, ma ma lu ken tar u Igipiti la; man una nande uya mba mbaaôndo mba Igipiti sha usu.

Yeremia 46:25

TER u akum a Sha, Aôndo u Iserael, ngu kaan er: Nenge, Me tsaha Amon u No, man Farao, man Igipiti a mbaaôndo nav kua utor nav, ka Farao a mba ve suur sha a na la;

Esekiel 12:16

Kpa Me undu ior kpeghee ken a ve, mba sanker man ijen man bouange ve tim ve ga yô; sha u ve̱ pase akaa a ve a ndôhôrshima hen akuraior henpe vea za la; nahan vea fa er Mo M lu TER ye.

Amoshi 5:17

Ken ishule i ikon i wain cii kpaa, á vaa mliam; gadia Me kar ne her atô, ka ape TER A kaa ne.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Numeri 33:4

Mbaigipiti gema lu iin ônovmbaiundav vev mba TER wua ve cii la; mbaaôndo vev kpaa, TER ôr ve ijir tsaha ve.

1 Samuel 5:3

Kper nan, Mbaashedodi mba nderen, mba ze her pepe yô, ve kav, Dagon gba, cir ishigh inya sha ishigh ki areki u TER. Tsô ve tôô Dagon ve hide a mi ve ver hen ijiir na.

1 Samuel 6:5

Ka nahan man né er ieev mbi imor yen kua ieev mbi ihyev yen i i vihin tar la, man né civir Aôndo u Iserael ye; alaghga Una tôô uwegh Nagh sha a ven kera man sha mbaaôndo enev kua sha tar wen kpaa.