Ekesodu 10:3 - ICIGHAN BIBILO

³ Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Ekesodu 10:3 Iomraidhean Croise

1 Utor 18:21

Tsô Eliya kporom hen ior cii, a kaa er: Shi nan je, man né de u lun asema ahara? Aluer TER A lu Aôndo yô, dondo nen Un; a lu Baal yô, dondo nen un. Kpa ior bugh zwa a na ga.

1 Utor 21:29

U nenge er Ahaba a hide a iyol na ijime sha ishigh Yagh kpa? Yô, er a hide a iyol na ijime sha ishigh Yagh nahan, nahan yô, Me kera va a ican la sha ayange na ga; saa sha ayange a wan na man Me va a ican la hen ya na ye.

2 Utor 22:19

er u lu a ishima i legh legh u hire a iyol you ijime sha ishigh ki TER, zum u u ongo kwaghôron u M er sha ijiir ne, kua sha mba ve tem ken i kpaa, Mer, vea hingir kwagh u cieryol man kwagh u i we un ifan yô, man u ande akondo a ou, shi u vaa sha ishigh Yagh kpaa, nahan, Mo kpaa M ungwa u, kape TER A kaa la.

2 Kroniku 33:12

Shighen u a lu ken ican la yô, a zamber a TER, Aôndo na, a hire a iyol na ijime tsung je, sha ishigh ki Aôndo u uter nav.

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

2 Kroniku 34:27

er u lu a ishima i legh legh, u hire a iyol you ijime sha ishigh ki Aôndo, zum u u ongo kwaghôron Na u sha ijiir ne kua sha mba ve tem ken i kpaa, man u hire a iyol you ijime sha ishigh Yagh, u ande akondo a ou, u vaa sha ishigh Yagh kpaa yô, nahan Mo kpaa M ungwa u, kape TER A kaa la.

2 Kroniku 7:14

man aluer ior Av mba i yer ve sha iti Yam ne, vea hide a ayol a ve ijime, vea er msen vea ker ishigh Yagh, vea undu igbenda i ifer ve yô, Me ungwa Sha, Me de ve akaabo a ve, shi Me sôr tar ve kpaa.

Yobu 42:6

Ka nahan man m laha iyol yam, m zamber ken vuulevu kua ken mtwe ye.

Ekesodu 10:4

Aluer u venda u den ior Av yô, nenge, kper Me haa ikomon ken tar wou;

Ekesodu 16:28

Tsô TER kaa a Mose er: Ka hanma shighe je man né de u vendan u wan iko sha imo Yam kua atindi Ama?

Ekesodu 4:23

M kaa u mer: De wan Wam a̱ za, a̱ za civir Mo; kpa u venda wer a̱ de ze ga. Yô, Me wua wan wou u iunda.

Ekesodu 5:1

Ken masejime la, Mose man Aron ve za, ve za kaa a Farao er: TER, Aôndo u Iserael, kaa nahan er: De ior Av, ve̱ za, ve̱ za erem iniongo ken desereti.

Ekesodu 9:17

U ngu di kenden iyol you sha her, yangen ior Av wer ve̱ de yemen ga tsô hô?

Anzaakaa 1:22

Ne mbalanenkwagh, ka hanma shighe je lanegh kua de saren ne; man mbapuunakaa kpaa kwaghpuun una de doon ve; abumeaior kpaa aa de u vendan mfe?

Anzaakaa 1:24

Er m yer man ne venda u ungwan yô, m dugh uwegh, kpa or môm wa iko her ga,

Anzaakaa 18:12

Mtim dondo sha ishima i moron i or, icivir di dondo sha mhir u iyol ijime.

Yesaia 1:5

Ka nyi shi i lu ne pe i̱ seer gbidyen ne, er ne taver ishima u undun gbenda? Ityough cii gba angev, kua ishima cii kpaa ure.

Yesaia 2:11

Ashe a a kenger sha ilyahan la, á hee a, man iyol gengese i or kpaa á hide a i ijime, Ka TER tseegh Una lu a icivir sha iyange la ye.

Yeremia 13:10

Aferaior a a vende u veren ato sha akaaôron Am ne, a zenden sha mcighir u ishima i a, man shi a dondon mbaaôndo mbagenev sha u eren ve tom, man u guren civir ve, aa hingir vough er tsar ne nahan, u alu a ma inja ga ne.

Yeremia 13:18

Ôr kwagh a tor man ngô u tor, kaa wer: Shar nen inya; gadia atsar a en a sha ityou, sagh kera, ka tsar u icivir yen je la.

Yeremia 50:29

Yila mbakerenavaan, ve̱ kohol imôngo, ve̱ ta num sha Babilon, mba ve hende mbaada cii; haa nen afo kase nen un tser; ma or u keregh nana̱ de waren ga; or un iyev sha ieren na; er a er nahan, shi er di nen a na nahan vough; gadia a cihi TER, Icighan u Iserael.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Daniel 5:22

Man we wan na, Beleshasar, u hide a ishima you ijime ga, shin er u fe akaa ne nahan kpaa.

Numeri 14:27

Ka hanma shighe je ior mba aferev mban vea de u zan Mo ivever iyoloo? M ungwa ivever i Mbaiserael ve eren Mo yô.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Yakobu 4:10

Hire nen ayol a en ijime sha ishigh ki Ter man Una kende ne sha ye.

1 Peteru 5:6

Hide nen a ayol a en ijime er uwegh ku Aôndo ku ageegh ku lu sha a ven nahan, sha er shighe á va kuma vough yô Una kende ne sha.