Ekesodu 10:21 - ICIGHAN BIBILO

²¹ Tsô TER kaa a Mose er: Naregh uwegh ough Sha, sha er ime i̱ wa ken tar u Igipiti, imbaime i ia wa je á bende i ave yô.

Ekesodu 10:21 Iomraidhean Croise

Yobu 5:14

Atetan kpaa ka ve ya kapa a ime; iyange sha tembe kpaa ka ve peven a pev er ka tugh nahan.

Upasalmi 105:28

A na ime, za wa keregh, ve hendan a imo Na ga.

Upasalmi 35:6

gbenda ve, u̱ wa ime, u̱ lyemen kpaa, zum u Ortyom u TER a lu zendan ve ityô yô.

Upasalmi 78:49

A haa ve iyugh Na i vihin, ishima i nyoon man ishima i vihin i cieryol, ka ikum i mbatyomov mba bov je la.

Ekesodu 7:19

TER shi kaa a Mose er: Kaa Aron wer: Tôô gbough ough, naregh uwegh ough sha mngerem ma Igipiti, sha uifi vev man sha mbaakpambamngerev vev man sha atungu a ve man sha ajiir a ve a mngerem ma kohol cii, ve̱ hingir awambe; á zua a awambe han han kpaa, ken tar u Igipiti cii, ken ikav mbi ikonov man mbi awenev kpaa.

Ekesodu 9:22

TER kaa a Mose er: Naregh uwegh ough Sha, sha er ura u awomboogh u̱ nôô ken tar u Igipiti cii, sha ior man ilev kua hanma imendenegh ki ken akôngo, ken tar u Igipiti.

Anzaakaa 4:19

Gbenda u mbaaferev yô, ngu er ime nahan, mba fe kwagh u vea kema nguhar sha mi ga.

Orpasenkwagh 2:14

Orfankwagh ngu a ashe sha ityough ki nan, ibumeor yô, nan zenden ken ime; nahan kpaa, m kav kwagh u tseren ve ngu di inja i môm tsô.

Orpasenkwagh 6:4

gadia mbu va gbilin, man shi mbu hiden ken ime kpaa, iti i mbu, ime gema yer kera,

Esekiel 32:7

Zum u Me pir u la, Me cir Sha, Me na asan a na a̱ wa ime; Me cir iyange sha ibeen, uwer kpaa ua kera na iwanger i u ga.

Mateu 27:45

Hii iyange sha tembe zan zan ahwa atar atetan yô, ime wa tser tar.

Marku 15:33

Iyange i kom sha tembe yô, ime wa tser tar cii zan zan ahwa atar atetan.

Luka 23:44

Tsô ka kom er iyange sha tembe nahan yô, ime wa tser tar cii zan zan ahwa atar atetan;

Duteronomi 1:30

TER, Aôndo wen, u A hemen ne ne, Un Una nôngo ityav sha ci wen, vough er A vande eren sha ci wen ken tar u Igipiti sha ashe a en la,

Duteronomi 28:29

ú peven a pev zende iyange sha tembe er mbaapirashe ve peven ken ime nahan, ú lu a iveren sha igbenda you ga; á gbaa kighir we, á nzughul a we gbem je tsô, ma or kpaa nana yima u ga.

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

2 Peteru 2:17

Mban yô, ka ihwembe i lun a mngerem ga, ka irkpiigh i ijeverahumbe a purugh a mi kera. I ver ve angôghime.

2 Peteru 2:4

Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô.

Yuda 1:13

Ka agôndo a zegemnger a yemen iuuu, ka ve mbua hugh sha kunya ve ayol a ve, ka asan a tsumen gbenda, ka ior mba i ver angôghime sha ci ve gbem yô.

Yuda 1:6

Mbatyomov mba Shaav mba ve kera wa iko sha tahav vev mbu i ver ve sha mi hiihii la ga, ve undu ijiir ve i teman jim la yô, ngu kuran ve ken uikangen ken ime i shin, gbem, sha ci u ijir i sha zegeyange la.

Mpase U Yohane 8:12

Ortyom u Sha u sha unyiin la kpaa tôngo tsô i vihi tiôn môm u ken atôôn atar a iyange, man shi tiôn môm u ken atôôn atar a a uweregh man shi tiôn môm u ken atôôn atar a asan kpaa, nahan tiôn môm u ken atôôn atar iwanger ve la gema wa ime, tiôn môm u ken atôôn atar a sev kera wanger ga, tugh kpaa nahan.