Ekesodu 1:7 - ICIGHAN BIBILO

⁷ Kpa Mbaiserael mar ngee, ve lu seer a seer yemen hemen hemen, ve taver kpishi; ve iv ken tar la.

Ekesodu 1:7 Iomraidhean Croise

Genese 1:20

Aôndo shi kaa er: Mngerem ma̱ mgbough a akaauma a zenden shimi, inyon kpaa i̱ purugh sha tar, sha kwavaôndo Sha.

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Genese 13:16

Man shi Me gema tsombor wou ua hingir er vuulevu u hen inya nahan; aluer or nana fatyô u ôron vuulevu u hen inya yô, ka ape tsombor wou kpaa á ôr u la.

Genese 15:5

Maa A due a na ken won, A kaa er: Kende ashe sha yôô, ôr iyenge i asan, aluer wea fatyô u ôron yô; shi A kaa a na er: Kape tsombor wou ua lu je la.

Genese 17:16

Me ver un doo doo man Me na u wan ken a na kpaa; Me ver un doo doo una hingir akuraior, utor mba iorov kpaa vea due ken a na.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 26:22

A kporom a shi a time ijôr igen, ngila yô, ve kera kpelan ga; a maa a ii i iti er Rehoboti, a kaa er: Hegen yô, TER bugh se ian gbangese, nahan á kpe se iyol ken tar ne.

Genese 26:4

Me seer tsombor wou iyenge er asan a Sha nahan, Me na tsombor wou ityar ne cii; akuraior a sha won cii, aa zua a iveren ken tsombor wou;

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Genese 35:11

Shi Aôndo kaa a na er: Ka Mo Aôndo Uhembanagee, maren, seer a seer; ikurior man ikpila i akuraior ia due ken a we, utor vea due ken a we.

Genese 46:3

A kaa er: Ka Mo Aôndo, Aôndo u teru, de cie u zan ken Igipiti ga, gadia Me gema u ú hingir ikurior i vesen keregh;

Genese 47:27

Tsô Iserael tema ken tar u Igipiti ken tar u Goshen; ve hingir ior mba lun a akaa ker; ve mar ônov ve seer a seer iyenge.

Genese 48:16

ortyom u Sha u a yimam sha hanma kwagh u bo cii, a̱ ver mbayev mban doo doo, iti yam i̱ tsôr sha a ve, kua iti i uter av Aberaham man Isaka kpaa; ve̱ seer a seer ngeen ken tar.

Genese 48:4

kaa a mo er: Me ngee u ônov, Me seer u a seer, Me gema u, ú hingir ikpila i akuraior, man Me gema tar ne Me na tsombor wou ken ijime you, á hingir kwagh u u gbem sha won.

Genese 9:1

Tsô Aôndo ver Noa doo doo kua ônov nav cii; A kaa a ve er: Maren nen, seer nen a seer, man shi iv nen tar.

Nehemia 9:23

U seer ve ônov ngee er asan a Sha nahan, U nyôr a ve ken tar u U kaa a uter vev Wer, vea nyôr vea ya u la.

Upasalmi 105:24

A er ior nav ngee kpishi, ve taver ve hemba mbaahendanev vev agee.

Upasalmi 107:38

A ver ve doo doo kpaa, zan zan ve seer ngeen a ngee; A rumun er ilev vev mbi̱ pande a pande ga.

Ekesodu 1:12

Er a seer ve ican yô, ve di ve seer a seer iyenge kua u samber kpaa. Kwagh u Mbaiserael cier ve iyol.

Ekesodu 12:37

Tsô Mbaiserael mough hen Ramese gba yemen hen Sukoti; ior lu er dubu deri ataratar nahan, ve lu zan angahar, nomso tseegh; i wa mbayev ker ga.

Ekesodu 5:5

Farao shi kaa er: Nenge, ior mba ken inya ngee kpishi, man ka ne ka ve̱ de tom ve zee?

Esekiel 16:7

M er u, u ngee iyenge er imendenev mbi ken toho nahan, u vese, u tav, u hia, u va atumba, ice you kpaa mende; nahan kpaa u lu idyelegh deleghee.

Aerenakaa A Mbaapostoli 13:17

Aôndo u nongoior u Iserael ne, lu tsuwa uter asev, A kende nongoior ne sha zum u ve lu shir ken tar u Igipiti la, a due a ve ken u kera sha uwegh ku ageegh.

Duteronomi 10:22

Uter ou yan yem ken Igipiti, lu ior akunduatargber tsô; ahegen yô, TER, Aôndo wou, gema u u ngee, iyenge you hingir er asan a Sha nahan.

Duteronomi 26:5

Shi gema kaa sha ishigh ki TER, Aôndo wou wer: Terem lu Oraramia u azende azende, a yem ken Igipiti, a za lu shir ker a ior kpeghee, a hingir ikurior ker i vesen i ageegh, i ngeen kpaa;