Ekesodu 1:17 - ICIGHAN BIBILO

¹⁷ Kpa ve mbakôronmar mbala, ve cian Aôndo, nahan ve er er tor u Igipiti wa ve kwagh la ga, ve de ônov mba nomso ve lu uma.

Ekesodu 1:17 Iomraidhean Croise

Genese 20:11

Aberaham kaa er: M hen mer, mayange mba cie Aôndo hen ijiir ne ga; yô, vea va wuam sha ci u kwase wam.

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

2 Samuel 24:4

Nahan kpaa imo i tor hemba i Yoabi kua mbahemenev mba akumautya; tsô Yoabi kua mbahemenev mba akumautya due sha ishigh ki tor, sha u za ôron iyenge i ior i Iserael.

Nehemia 5:15

Kpa ugomna mba ve vande teman a mo yô, ve yuhwan ior ikav, ve ngohol bredi man wain her a ve, man shi azurfa ushekel akunduahar; mbatomov vev kpaa lu eren tahav sha ior; kpa mo yô, m er nahan ga, sha ci u cian Aôndo.

Eseter 3:3

Nahan mbatomov mba tor mba ve lu hen hundaya u tor la, ve kaa a Mordekai er: Ka nyi u peren tindi u toro?

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Ekesodu 1:18

Tsô tor u Igipiti yila kasev mba kôron mar mbala, a kaa a ve er: Ka nyi ne er nahana, ne de ônov mba nomso ve lu uma?

Ekesodu 1:21

Er kasev mba kôron mar mbala lu cian Aôndo yô, A wa ve iyagh.

Anzaakaa 16:6

Ka sha mhôônom ma zungwen kua mimi i wanger afer kera ye, ka sha mcie u cian TER kpaa, ior ve undun kwaghbo ye.

Anzaakaa 8:13

Mcie u cian TER yô, ka u vendan kwaghbo je; iyolmoron man iceen man gbenda u bo kua zwa u u er kwagh sha ifer yô, m vende.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Orpasenkwagh 8:12

Orsholibo ka nan er ifer kwa deri, kpa nan tsa sha won; nahan kpaa, m fa mimi je, mba ve cie Aôndo yô, vea tema doo doo, gadia ve cia Un;

Daniel 6:13

Tsô ve gema ve kaa a tor er: Daniel or u ken mbakwarev mba Yuda la, a wa u iko ga, kpa gbe sônon a nagh kera tsô kwa tar iyange i môm.

Hosea 5:11

I kighir Eferaim a ican, i cagh un sha ijirôron; gadia doo un u dondon akaagbilinigh.

Mika 6:16

Gadia mba eren sha atindi a Omri kua sha aeren a hen ya u Ahaba cii, man ne mba zenden sha mbamhen vev; sha u Me gema u u̱ hingir ice, man mba ve tem ker kpaa ve̱ hingir kwagh u̱ gbiren iwer a min; nea tôô iheen i ior Av kpaa.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Luka 12:5

Kpa Mo Me kaa ne u a lu u ne cia Un yô; cia nen Un u Una wua man shi Una fatyô u gbihin ken gehena kpaa la; M ngu kaan ne, ka Wen cia nen ye.

Aerenakaa A Mbaapostoli 5:29

Kpa Peteru man mbaapostoli mbagenev gema kaa er: Ka u sé hemba ungwan imo i Aôndo keng a imo i ior.

1 Samuel 22:17

Tsô tor gema kaa a mbatyomov mba ve tile a na la er: Gema wua nen upristi mba TER mban, gadia uwegh vegh ku a Davidi imôngo, man sha er ve fe er a yevese, kpa ve pasem ga yô. Kpa mbayev mba tor venda u zan ave, tan num sha upristi mba TER.