Duteronomi 9:9 - ICIGHAN BIBILO

⁹ Zum u m unde sha uwo sha u za ngohol ikpande i ikuryan i TER ya a ven la, shighe la m tsa sha uwo ayange akunduahar man aime akunduahar; m ya kwagh ga, mngerem kpaa m ma ga.

Duteronomi 9:9 Iomraidhean Croise

1 Utor 19:8

Tsô a mough, a ya, a ma; man sha agee a kwaghyan la je, a zende ayange akunduahar kua aime akunduahar, zan zan a za ar hen Horebi, uwo u Aôndo la.

2 Utor 6:22

A gema a kaa er: De woo ve ga; mba u ker a kôr, ú wua ve sha sanker wou kua ada wouwe? Ver ve kwaghyan inya kua mngerem, ve̱ ya, ve̱ ma, ve̱ yem hen ter ve.

Ekesodu 24:12

Tsô TER kaa a Mose er: Unde va her a Mo sha uwo, lu sha mi; yô, Me na u ikpande i awen man atindiakaa kua akaawan a M nger sha u tesen ve a yô.

Ekesodu 24:15

Nahan Mose unde sha uwo; tsô ibeenegh cir uwo la.

Ekesodu 24:18

Tsô Mose nyôr ken atô u ibeenegh kila, gba unden sha uwo. Mose tsa sha uwo ayange akunduahar man aime akunduahar.

Ekesodu 31:18

Tsô zum u A kure kwaghôron a Mose sha uwo u Senai yô, A na un ikpande i Shiada ihiar la, ka ikpande i awen i i nger i sha ihôwe u Aôndo yô.

Ekesodu 32:1

Zum u ior nenge er Mose tsa sha uwo, kera hungwa ga yum yô, ior va kohol hen Aron, ve kaa a na er: Mough, er se mbaaôndo mba vea hemen se yô; gadia Mose or u a dugh a vese ken tar u Igipiti ne yô, se fa kwagh u a za er un ga.

Ekesodu 34:28

A lu her, a TER imôngo ayange akunduahar man aime akunduahar; a ya kwagh ga, mngerem tsô kpaa, a ma ga. Nahan a nger akaaôron a ikuryan la sha ikpande, ka Akaaôron a pue je la.

Mateu 4:2

Er A hôr kwaghyan ayange akunduahar man aime akunduahar yô, ken masejime ijen kôr Un.

Mbagalatia 4:24

Kwagh ne ka ikav. Kasev mba uhar mbala ka uikurmbayan mba uhar. U môm ka u hen uwo u Senai, ngu maren ikpan, ka Hagar je la.

Duteronomi 8:3

A hide a iyol you ijime, A de ijen kôr u, kpa A shi A koso u sha mana, kwagh u u fe un ga je yô, uter ou kpaa fa un ga, sha er Una tese u, u̱ fa er i lu sha kwaghyan tseegh man or a lu uma ga yô, kpa i lu sha hanma kwaghôron u a dugh ken zwa u TER man or a lu a uma sha mi yô.

Duteronomi 9:11

Tsô ayange akunduahar man aime akunduahar la, nga kar kera yô, TER nam ikpandeawen ihiar la, ka ikpande i ikuryan je la.

Duteronomi 9:15

Tsô m gema m hungwa sha uwo, uwo la lu yeghen usu; ikpande i ikuryan ihiar la lu sha ave am ahar ne.

Duteronomi 9:18

M shi m gba inya sha ishigh ki TER, er tsuaa la nahan, ayange akunduahar man aime akunduahar; m ya kwagh ga, mngerem kpaa m ma ga, sha ci u isholibo yen i ne er cii yô, er ne er ifer sha ishigh ki TER ne bam Un yô.

Mbaheberu 9:4

lu a atse a zenaria a nanden kwaghhumandoon sha mi man shi areki u ikuryan, i cir un zenaria iyol cii. Ityegh ki sha zenaria ki ki lu a mana shimi lu ker, kua gbough ku Aron ku ku kpar la man shi ikpande i awen i ikuryan kpaa.