Duteronomi 9:7 - ICIGHAN BIBILO

⁷ Yô, umbur, i̱ de hungul we er yan u bam TER, Aôndo wou, ken desereti la ga; hii sha iyange i u due ken tar u Igipiti la je zan zan shighe u ne ve hen ijiir ne, ne lu hendan kwagh a TER je.

Duteronomi 9:7 Iomraidhean Croise

Ekesodu 14:10

Farao mgbôghom yô, Mbaiserael ta ashe; yô, nenge, Mbaigipiti mbala di van ve ijime la, cier ve iyol kpishi; nahan Mbaiserael gba vaan yilan TER.

Ekesodu 14:11

Ve pine Mose er: Ka iwar i ban ken Igipiti ve u kor se wer se̱ va kpe ken toho yee? Ka nyi u er a vese nahan, u due a vese ken Igipiti?

Ekesodu 16:2

Mkohol u ior Mbaiserael cii za Mose vea Aron ivever iyol ken desereti;

Ekesodu 17:2

Nahan ior mough ayôôso a Mose, ve kaa er: Na se mngerem, se̱ ma. Mose kaa a ve er: Ka nyi ne mough ayôôso a mo, man ka nyi ne karen TERE?

Ekesodu 23:21

Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.

Yesaia 48:8

Een, u ungwa ga; een, u fa ga; een, ato ou vande bughun tsuaa kpaa ga; gadia M fa er u eren kwagh sha atseregh yum yô, i yila u er, orhendankwagh, er u lu ken uya je.

Yeremia 11:10

Ve gema ve hide sha u eren aferakaa a uter vev, mba ve venda u ungwan akaaôron Am la; ve gba dondon mbaaôndo mbagenev, civir ve; ya u Iserael kua ya u Yuda ve vihi ikuryan Yam i M ya a uter vev la.

Yeremia 32:30

Gadia Mbaiserael man Mbayuda er ma kwagh ugen sha ishigh Yagh ga, saa ifer, hii iyev vev je; gadia Mbaiserael mba bamen Mo a bam tseegh sha tom ve u aveegh la, kape TER A kaa ne.

Yeremia 44:9

Aferakaa a uter enev, man aferakaa a utor mba Yuda, man aferakaa a kasev vev, man aferakaa a en ayol a en, man aferakaa a kasev enev, a ve er ken tar u Yuda kua sha akômaigbinda a Yerusalem la a hungul ne ve shinii?

Esekiel 20:13

Kpa ya u Iserael hendan a Mo ken desereti, ve zende sha akaawan a Am ga man ve venda akaaôron a Am a jirigh a or nana̱ er sha mi man nana lu uma yô; ve vihi ayange a memen a Am tsung je, nahan M kaa Mer, Me haa ishima Yam i vihin sha a ve ken desereti, sha u timin ve.

Esekiel 20:43

Ka keela nea umbur igbenda yen man aeren a en cii, a ne lu hôngor ayol a en sha mi la ye; kwagh wen una ndôhôrshima sha ci u afer a en cii a ne er yô.

Esekiel 20:8

Kpa ve hendan a Mo, ve rumun u ungwan imo Yam ga; or môm haa akaa a ndôhôrshima a sha ashe a nan la kera ga, man ve undu akombo a Igipiti kpaa ga; nahan M kaa Mer: Me haa iyugh Yam sha a ve sha u kuren ishima i vihin Yam sha a ve jimin cii, ker atô u tar u Igipiti je.

Esekiel 36:31

Sha shighe la né umbur igbenda yen i bo, man aeren a en a a doo ga la; nahan kwagh wen una ndôhôr ne ishima, sha ci u afer a en, man akaa a en a ndôhôrshima la.

Numeri 11:4

Tsô agbilinaior a a lu a ve ityô la, akor kôr ve, nahan Mbaiserael shi gba vaan, kaan er: Ka an nana shi na se inyam se̱ ya?

Numeri 14:22

mimi je, ior mban cii, mba ve nenge iengem Yam man uivande Av mba M er ken Igipiti man ken desereti, nahan kpaa, ve meem je i kom kwa pue, ato kpa ve veren sha imo Yam ga ne yô,

Numeri 17:10

TER kaa a Mose er: Hide a gbough ku Aron ver sha ishigh ki Shiada, i̱ koso ku her, ku̱ lu ônov mba ihembeato ikav, sha u u̱ bee ahon a ve, a ve honom la, sha er vea kera kpe ga yô.

Numeri 21:5

Nahan ior hingir ayôôso a Aôndo man Mose, ve kaa er: Ka nyi ne dugh a vese ken Igipiti ner, sé va ken desereti nahan? Gadia kwaghyan kpaa ngu ga, mngerem kpaa ma ga; kwaghyan u injaa ga ne, due se ishima.

Numeri 25:2

ve ve lôhô ior iniav mbi mbaaôndo vev. Nahan ior ve ya, shi ve gure ve civir mbaaôndo vev kpaa.

1 Mbakorinte 15:9

Gadia mo m hemba gban ijime ken mbaapostoli cii m kuma u á yilam er apostoli kpaa ga, gadia m tôv nongo u Kristu u Aôndo a ican.

Mbaefese 2:11

Nahan yô, umbur nen er ngise ne lu atôatyev ken iyol; mba i yer ve iti sha icôngo i ka i er ken iyol sha ave la yô, ve gema ve yilan ne er mbaipusuv.

Duteronomi 31:27

Gadia mo m fa ihembeato you man ikôrnômbon you; nyian er m lu uma a ven imôngo ne kpaa ne mba hendan a TER man gema shighe u me kpe keraa?

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Duteronomi 9:24

Hii sha iyange i M fa ne la je, ne lu mbahendan kwagh a TER.

Duteronomi 9:4

Yô, de henen ken ishima you, zum u TER, Aôndo wou, A lu numun ve sha ishigh you kera la, wer: Ka sha ci u perapera wam man TER A nyer a mo er m̱ ya dyako u tar ne, ga; gadia ka sha ci u ifer i akuraior ne man TER A lu zendan ve sha ishigh you kera ye,