Duteronomi 9:5 - ICIGHAN BIBILO

⁵ ka sha ci u perapera wou ga; shin ka sha er u lu ishima jighilii yum man u lu nyôron sha u ngohol tar ve ga, kpa ka sha ci u ifer i akuraior ne, man TER, Aôndo wou, A lu zendan ve sha ishigh you kera ye, man shi sha er Una er sha kwaghôron u TER lu bum a uter ou, Aberaham man Isaka man Yakob la.

Duteronomi 9:5 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 13:15

gadia tar u, u nengen ne cii, Me na u, u̱ lu u wou kua u tsombor wou, gbem sha won.

Genese 15:16

Kov u sha unyiin la ua shi á hide hen ijiir ne; gadia ibo i Mbaamor ngi a iv ve ga.

Genese 15:7

Shi TER kaa a na er: Ka Mo TER u M dugh a we ken Ur u Mbakaldi sha u nan we tar ne u̱ ya dyako u u yô.

Genese 17:8

Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Genese 19:29

Shighe u Aôndo timin agar a hen gburumaa la, Aôndo umbur Aberaham, A er Loti due ken mtim la kera, zum u lu timin agar a Loti tema ker la.

Genese 26:4

Me seer tsombor wou iyenge er asan a Sha nahan, Me na tsombor wou ityar ne cii; akuraior a sha won cii, aa zua a iveren ken tsombor wou;

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

Ekesodu 32:13

Umbur mbayev Ou, Aberaham man Isaka man Iserael, mba U bum a ve sha iyol You je, U kaa a ve Wer: Me seer tsombor wen ua ngee er asan a Sha nahan; man tar u M ter kwagh u u ne cii Me na tsombor wen, ú ya dyako u u gbem sha won.

Esekiel 20:14

Kpa M er kwagh ne sha ci u icivir i iti Yam sha u i̱ de kera hôngor a i sha ashe a akuraior, a a lu nengen zum u M due a ve la, ga.

Esekiel 36:22

Nahan yô, kaa a ya u Iserael wer: Ter AÔNDO ngu kaan nahan er: M ngu eren kwagh ne ka sha ci wou ga, we ya u Iserael, kpa ka sha ci u icighanti Wam u ne hôngor a mi ken akuraior, henpe ne yem la.

Esekiel 36:32

Ka sha ci wen M er kwagh ne ga, kape Ter AÔNDO A kaa ne, fa nen nahan; kunya u̱ kôr ne, va nen ahenge, sha ci u igbenda yen, we ya u Iserael.

Levitiku 18:24

De hôngor nen ayol a en sha ambaakaa ne ga; gadia ka akaa ne cii, akuraior a M lu va zendan a sha ishigh yenegh kera ne, a hôngor ayol a a a mi ye.

Levitiku 18:25

Tar la hôngor, ka nahan man M tsaha u sha ci u kwaghbo u u ye, tar gema suwa mba ve tem ken u la kera.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Aerenakaa A Mbaapostoli 3:25

Yô, ka ne je, ne lu ônov mba uprofeti man ônov mba ikuryan i Aôndo ya a Aberaham la ye, er: Ka ken tsombor wou je man akuraior a sha won cii aa zua a iveren ye.

Mbaromanu 11:28

Sha kwagh u Loho u Dedoo yô ve mba mbaihomov, ka sha ci wen je, kpa sha kwagh u mtsough yô, ve mba mbadoonshima sha ci u uter vev mbala.

Mbaromanu 15:8

Inja na yô, er, Kristu hingir ortom u icôngo u tesen mimi u Aôndo sha u taver uityendezwa mba i tôndo a uter la,

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 12:31

De eren a TER, Aôndo wou, nahan ga; gadia hanma kwagh u a lu TER kwaghhôngorough a vihi Un yô, ve er mbaaôndo vev; gadia ônov vev mba nomso man mba kasev je kpaa, ka ve nande ve sha usu sha ci u mbaaôndo vev.

Duteronomi 18:12

Gadia hanma or u nan eren akaa angan cii, nan ngu TER kwagh u ihôngorough je; ka sha ci u akaa a ihôngorough ne man TER, Aôndo wou, A lu zendan ve sha ishigh you kera ye.

Duteronomi 18:9

Zum u ú nyôr ken tar u TER, Aôndo wou, Una na u la yô, de henen u eren aeren a ihôngorough a akuraior la ga.

Duteronomi 20:18

sha er ve̱ de tesen ne u eren aeren a ve a ihôngorough a ve lu eren mbaaôndo vev la, man né gema né er TER, Aôndo wen, isholibo ga yô.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi