Duteronomi 9:12 - ICIGHAN BIBILO

¹² TER kaa a mo er: Mough heen, hungwa fese, gadia ior ou mba u dugh a ve ken Igipiti la, ve er kwagh u dang ve; ve undu gbenda u M kaa ve la fese je, ve gema ve ker eev.

Duteronomi 9:12 Iomraidhean Croise

Upasalmi 78:57

kpa ve hide ijime, ve er sha icugh, er uter vev nahan, ve hure er ada u bo nahan.

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 32:1

Zum u ior nenge er Mose tsa sha uwo, kera hungwa ga yum yô, ior va kohol hen Aron, ve kaa a na er: Mough, er se mbaaôndo mba vea hemen se yô; gadia Mose or u a dugh a vese ken tar u Igipiti ne yô, se fa kwagh u a za er un ga.

Hosea 6:4

Me er nana a we, we Eferaim? Me er nana a we, we Yuda? Gadia dooshima wen ngu er ka ibeenegh ki pepegh yô, man er avure a ka a ndoor kera fese yô.

Mbagalatia 1:6

Ka kpiligh mo iyol er ne gbe undun Un u A yila ne sha mrumun u sha mhôôn u Kristu la fefa ne gem ne lu zan sha ivangeli igen kposo nahan;

Duteronomi 31:29

Gadia m fa ken ijime i ku wam, né er dang, né undu gbenda u m kaa ne ne; kwaghbo una tser ne sha ayange a masetyô, sha ci u nea er kwaghbo sha ishigh ki TER, sha u bamen Un sha tom u ave a en.

Duteronomi 32:5

Ve er a Na dang, ve kera mba ônov Nav ga, mba a acôghol iyol; ka kov u bo u lun kpe.

Duteronomi 4:16

sha er né de kera eren dang de dang sha u gban eev mbu been a bee ma kwagh ga, er mlu u nomsoor shin kwase nahan,

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.

Duteronomi 9:16

Tsô m nenge er ne er TER, Aôndo wen, isholibo je yô; ne er wanbua ne ker un a ker, ne undu gbenda u TER, Aôndo wen, A kaa ne la fese je.

Duteronomi 9:26

Tsô m sôn TER, m kaa mer: TER Aôndo, de timin ior Ou, dyako Wou, u U paa un sha mhembe Wou, u U due a na ken tar u Igipiti sha uwegh ku ageegh la, ga.

Duteronomi 9:29

Man ve ka ior Ou je man dyako Wou kpaa u U dugh a na sha agee Ou a hemban man sha uwegh ku naregh yô.

Yuda 1:10

Ior mban gema mba tuhwan hanma kwagh u ve fe un ga yô, man akaa a ve kav a sha marami la er uzendenya mba fan kwagh ga nahan la, ka sha a je ve lu timin ye.

Mbaajiriv 2:17

Nahan kpaa ve ver ato sha mbaajiriv vev ga, kpa ve er idya sha u dondon mbaaôndo mbagenev, ve gure ve civir ve; ve kaha fese, ve undu gbenda u uter vev lu zan sha mi waan atindi a TER iko la; ve yô, ve kera er nahan ga.