Duteronomi 8:16 - ICIGHAN BIBILO

¹⁶ u A koso u ken desereti sha mana, kwagh u uter ou fa un ga, sha u Una hide a iyol you ijime man Una kar u sha er ken masejime Una ver u doo doo yô.

Duteronomi 8:16 Iomraidhean Croise

Genese 22:1

Tsô ken masetyô u akaa ne yô, Aôndo kar Aberaham, kaa a na er: Aberaham! A kaa er: Een.

2 Kroniku 32:31

Kpa sha kwagh u mbatyomov mba atiator a Babilon la, mba i tindi ve her a na er ve̱ va fa kwagh u kpilighyol u a er hen tar la yô, Aôndo maa undu un sha u karen un, sha u Una fa kwagh u a lu a mi ken ishima cii yô.

Yobu 42:12

Nahan TER ver Yobu ken masejime doo doo, hemba mver u tsuaa la; a lu a iyôngo dubu pue kar unyiin, urakumi dubu ataratar, abua a kpelan ikyekye ahar ahar kuma dubu môm, kua anmgbianajaki dubu.

Upasalmi 119:68

U doo, man U eren akaadoon kpaa, tesem akaawan a Ou.

Ekesodu 15:25

Nahan a vaa a TER; tsô TER tese un kon ugen, a gbihi u shin mnger, mngerem maa hingir dedoo. A wa ve kwagh heregh, shi A na ve tindi kpaa; ka heregh kpaa, A kar ve ye;

Ekesodu 16:15

Zum u Mbaiserael nenge a mi yô, ve gba pinen ayol a ve er: Ka nyi ne? Gadia ve fa kwagh shon ga. Tsô Mose kaa a ve er: Ka kwaghyan u TER A ne ne, er né ya je ne.

Ekesodu 16:31

Ya u Iserael yila iti na er: Mana; lu pupuu er asange a koliande nahan, lu ken zwa er mumuyough nahan.

Ekesodu 16:4

Tsô TER kaa a Mose er: Nenge, Me er kwaghyan una due Sha una haa ne shin inya; ior ve̱ due hanma iyange, ve̱ kuran á kuman sha sev mbula, sha u Me kar ve, shin vea er sha atindi Am, shin vea er sha mi ga.

Ekesodu 20:20

Tsô Mose kaa a ior er: De cie nen ga, gadia Aôndo va sha u va karen ne a kar tsô, mciem ma cian Un ma lu ne sha ishi, sha er né er isholibo ga yô.

Anzaakaa 17:3

Adum ngu sha ci u sôron azurfa je, man usu u iwaagh kpaa ngu sha ci u zenaria, kpa TER yô, karen asema.

Daniel 11:35

Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Duteronomi 13:3

yô, de veren ato sha akaaôron a profeti la, shin or u mnyam ma cie nan la ga; gadia TER, Aôndo wen, ngu karen ne a kar sha er Una fa shin TER, Aôndo wen, doo ne ishima a ishima yen cii man a uma wen cii kpaou.

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Duteronomi 8:3

A hide a iyol you ijime, A de ijen kôr u, kpa A shi A koso u sha mana, kwagh u u fe un ga je yô, uter ou kpaa fa un ga, sha er Una tese u, u̱ fa er i lu sha kwaghyan tseegh man or a lu uma ga yô, kpa i lu sha hanma kwaghôron u a dugh ken zwa u TER man or a lu a uma sha mi yô.

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.