Duteronomi 7:8 - ICIGHAN BIBILO

⁸ kpa ka sha ci u ne doo TER ishima man sha ci u A we ishima u kuren mbum u A bum a uter enev la, TER A dugh a ven sha uwegh ku ageegh A paa ne ken ya u ikpan sha ikev i Farao, tor u Igipiti ye.

Duteronomi 7:8 Iomraidhean Croise

Genese 19:16

Kpa a er zô zô; ior mbala kôr un sha uwe kua kwase na man ônov nav mba kasev uhar, gadia Aôndo lu zungwen un mhôônom; ve due a na, ve ver un ken akôngo a gar.

Genese 19:29

Shighe u Aôndo timin agar a hen gburumaa la, Aôndo umbur Aberaham, A er Loti due ken mtim la kera, zum u lu timin agar a Loti tema ker la.

2 Samuel 22:20

A va a mo hen ijiir i gbanger, A yimam sha ci u i doo Un a mo yô.

1 Utor 10:9

I̱ wuese TER, Aôndo wou, u u doo Un ishima A ver u sha ikônough ki torough ki Iserael; ka er Iserael a doo TER ishima gbem man A ver u tor er u̱ ôron ijir, shi u̱ eren perapera kpaa ye.

1 Kroniku 16:16

ikuryan i A ya a Aberaham la, man mbum Na a Isaka;

2 Kroniku 9:8

I̱ wuese TER, Aôndo wou, u u doo Un ishima, A ver u sha ikônough Nagh ki torough er u̱ tema tor sha ci u TER, Aôndo wou; ka er Iserael a doo Aôndo wou ishima, er Una ver ve ve̱ lu gbem yô, ka nahan man A ver u tor sha a ve er u̱ ôron ijir, shi u̱ eren perapera kpaa ye.

Upasalmi 105:42

Gadia A umbur icighanmkaan Na, kua wanakiriki Na Aberaham.

Upasalmi 44:3

Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Upasalmi 44:4

Ka We je, U lu Tor wam ye, Aôndo; kaa i̱ na Yakob mhembe.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 32:13

Umbur mbayev Ou, Aberaham man Isaka man Iserael, mba U bum a ve sha iyol You je, U kaa a ve Wer: Me seer tsombor wen ua ngee er asan a Sha nahan; man tar u M ter kwagh u u ne cii Me na tsombor wen, ú ya dyako u u gbem sha won.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Yesaia 43:4

Er u lum kwagh yum, man kwagh u icivirigh, shi u doom ishima kpaa yô, sha ci u nahan yô, Me na ior sha ityough you, man akuraior sha ci u paan uma wou.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Yeremia 31:3

TER ande her a mo ken ica je, kaa er: Een, u doom ishima sha dooshima u tsôron je, ka sha ci u nahan M udugh we sha erdoo ye.

Esekiel 36:22

Nahan yô, kaa a ya u Iserael wer: Ter AÔNDO ngu kaan nahan er: M ngu eren kwagh ne ka sha ci wou ga, we ya u Iserael, kpa ka sha ci u icighanti Wam u ne hôngor a mi ken akuraior, henpe ne yem la.

Mika 6:4

Gadia ka Mo M dugh a ven ken tar u Igipiti ye, M paa ne ken ya u ikpan; M tindi Mose mer a̱ hemen ne, kua Aron man Miriam kpaa.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Malaki 1:2

Ne doom ishima, kape TER A kaa ne. Nahan kpaa ne mba pin ner: se doo U ishima hana? Isou ka anngô u Yakob gaa? Kape TER A kaa ne. Nahan kpaa Yakob doom ishima;

Mateu 11:26

Een, Tere! Kape i doo U ken ishima je la.

Luka 1:55

Er lu kaa uter asev nahan a Aberaham man tsombor na kpaa, gbem sha won.

Mbaromanu 11:28

Sha kwagh u Loho u Dedoo yô ve mba mbaihomov, ka sha ci wen je, kpa sha kwagh u mtsough yô, ve mba mbadoonshima sha ci u uter vev mbala.

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 10:15

Gema ka uter ou, TER A pende ishima sha ve ye, ve doo Un ishima; ken akuraior cii, ka tsombor ve ken ijime ve A tsuwa u ye, ka ne je ne, er i lu nyian nahan.

Duteronomi 23:6

De keren bem shin mkpeyol sha ci ve ga sha ayange a ou cii.

Duteronomi 33:3

Mimi je, ikwe la doo Un ishima; uicighanmbaiorov Nav cii ve mba sha ikev You, ve haa hen angahar a Ou; hanmô ve nan ngohol kwagh sha akaaôron a Ou.

Duteronomi 4:20

Ne yô, TER kua a ven due a ven ken usu u ken adum kera, ka ken Igipiti je la, sha u ne̱ hingir Un ikurior i dyako, er i lu nyian nahan.

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

Duteronomi 4:37

Ka sha ci u uter ou lu doo Un ishima man A tsuwa tsombor ve u ken ijime, man Un iyol Na A due a we sha agee Na a hemban la ken Igipiti ye,

Duteronomi 5:6

Ka Mo M lu TER, Aôndo wou, u M dugh a we ken tar u Igipiti ken ya u ikpan ye.

1 Yohane 4:19

Se mba a dooshima sha ci u se vande doon Un ishima je yô.

1 Samuel 12:22

Gadia TER Una gbihi ior Nav kera ga, sha ci u iti Na i vesen la; gadia doo TER u geman ne er ne̱ hingir ikurior Na iyol Na je.